Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 974

उद्देशक : १५, मूलं - ९१६, [भा. ४८५८ ]
[भा. ४८५८ ] वक्कंतजोणि थंडिल, अतसा दिन्ना ठिती अवि छुहाए। तह वि न गेहं जिनो, मा हु प्रसंगी असत्यहते ॥
चू- ते तिला वक्कंतजोणिया, थंडिले य ठिएल्लया । अवि य ते तिला विसेसेण विरहिततरा तसेहिं, विसेसग्गहणं तदुत्था आगंतुंगा वा तसा नत्थि, गिहत्थेहिं य दिन्ना - "भगवं ! जति कप्पंति तो घेप्पंतु इमे तिला", तह विन गेण्हंसु जिनो “असत्योवहय" त्ति काउं, मा पसंगं करेस्संति "तित्थकरेणं गहिय'त्ति इमं आपलबणं काउं । एवं अणाइण्णं । एस पवयणे अनुधम्मो || इदानं इह त्ति दारं
[भा. ४८५९ ]
एमेव य निज्जीवे, दहम्मितसवजिते दए दिने । समभो अवि द्विती, जिमितासन्ना न वाऽणुण्णा ||
चू- तदा तत्थेव दहो निज्जीवो आउक्काओ, अवि य विसेसेण विरहिततरागो (तसेहिं], थंडिलं च तं सवववं, सा सव्वा पुढवी वुक्कंतजोणिग त्ति वृत्तं भवति, दहसामिणा य दिन्नं तं दर्ग, अवि तत्थ केइ साधू तिसाभिभूता ठितिखयं करेजा, नय सामी "असत्थोवहयं" त्ति काउं अनुजाणेज्जा । “तित्थगरेण गहियं " ति मा पसंगो भविस्सति । एवं अणाइण्णं। एस अनुधम्मो पवयणे । इदानिं "भोमे" त्ति दारं- "समभोमे "त्ति पच्छद्धं समभोम्मरुक्खविरहियउद [व] - गओदेहिकागोप्पददालिझुसिरविरहियं पुढवी वकंतजोणी, अवि य विसेसेण विरहियतरागं तसेहिं, अनावातमसंलोयं च साधू य जिमियमेत्ता, अन्नं च सत्यहतं थंडिलं आसण्णं अवि साधू जिवितक्खयं करेज, नय सामी अनुजाणेजा, मा 'इमं तित्थकरेहिं अनुन्नायं” ति असत्यहते पसंगं करेज्जा । एवं अणाइण्णं, एस अनुधम्मो पवयणे ||
एस सव्वी विधी साधूण भणितो । निग्गंथीण वि एस चेव विधी । जतो भण्णति[ भा. ४८६०] एसेव गमो नियमा, निग्गंधीणं पि होइ नायव्वो ।
७५
सविसेसतरा दोसा, तासं पुण गेण्हमाणीणं ।।
चू-नवरिं-तासिं सविसेसा पलंबेण हत्थकम्मादिणी दोसा, इमं कप्पसुत्ताभिप्पायतो भण्णति । तं च इमं कप्पस्स बितियसुत्तं- कप्पति निग्गंधाण वा निग्गंधीण वा आमे तालपलंबे भिन्ने पडिग्गाहित्तए । एयस्स सो चेव पुव्वभणितो सुत्तत्थो । सुत्तेण अनुन्नायं जहा कप्पति आमं, “भिन्नं” त्ति ततिय-चउत्थेहिं भंगेहिं जं भावभिन्नं । एयं सुत्तेणं अनुन्नातं, अत्थतो पडिसेहति "न कप्पति त्ति ।" आह चोदक:-"तो किं सुत्ते निबद्धं जहा कप्पति त्ति भिन्नं ? उच्यते[भा. ४८६१] जति वि निबंधो सुत्ते, तह वि जतीणं न कप्पति आमं । जति गेहति लग्गति सो, पुरिमपदनिवारिते दोसे ||
- के पुरिमपदनिवारिता दोसा ? जे पढमसुत्ते दोसा भणिता, तेसु लग्गति । [मा. ४८६२] सुत्तं तु कारणियं, गेलन - ऽद्धाण ओममाईसु ।
जह नाम चउत्थपदे, इयरे गहणं कहं होज्जा ।।
- गेल्लण्णद्धाणोमोदरिए वा कारणियं निरत्थयं होइ सुत्तं । [भा. ४८६३] इति दप्पतो अणाइण्णं, गेलण्णऽद्धाण ओम आइण्णं । तत्थ विय चउत्थपदे, इतरे गहणं कहं होज्जा ।।