Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 796

उद्देशक : १२, मूलं - ७५१, [भा. ३९९५ ]
भू. (७५१) जे भिक्खू सलोमाइं चम्माई अहिइ अहिंडेंतं वा सातिज्जति ॥ चू- सह लोमेहिं सलोमं, अहिट्ठेइ नाम “ममेयं "ति जो गिण्हइ तस्स चउलहुँ । [भा. ३९९६ ] चम्मम्मि सलोमम्मी ठाण- निसीयण- तुयट्टणादीणि । जे भिक्खू चेतिज्जा, सो पावति आणमादीणि ।।
चू- सलोमे चम्मे जो ठाणं चेतेइ करेति निसीयइ तुयट्टइ वा सो आणाइदोसो पावति ॥ इमं च से पच्छित्तं
[भा. ३९९७]
३०९
गिण्हंते चिट्टंते, निसियंते चैव तह तुयहंते ।
लहुगा चतु जमलपदा, चरिमपदे दोहि वि गुरुगा ||
चू- गेण्हणादिसु चउसु ठाणेसु चउलहुगा चउरो भवंति । जमलपयं ति कालतवा, तेहिं विसिट्टा दिति । चरिमपयं त्ति तुयट्टणं, तम्मि चरिमपदे दोहिं वि कालतवेहिं गुरुगा इत्यर्थः ॥ अन् य इमे दोसा
[भा. ३९९८] अविदिन्नोवहि पाणा, पडिलेहा वि य न सुज्झइ सलोमे । वासासु य संसज्जति, पतावणऽपतावणे दोसा ।।
चू-तित्थकरेहिं अविदिन्नोवही, रोमंतरेसु य पाणा सम्मुच्छंति, सरोमे पडिलेहणा न सुज्झइ, कुंथुपणगाई तेहिं वासासु संसज्जति । जइ संसज्जणभया पतावेइ तो संसज्जति । उभयथा वि दोसा । सलोमदोषदर्शनार्थ झुसिरप्रतिपादनार्थ च इदमाह
[भा. ३९९९] अजिन सलोमं जतिणं, न कप्पती झुसिर तं तु पंचविधं । पोत्थगतणपण या दूसदुविध चम्मपणगं च ॥
चू- अजिनं चर्म्म । जतयो त्ति साहवो । तं तेहिं न कप्पइ, झुसिरदोषत्वात् । शिष्याह - किं झुसिरं ? कइविहं वा ? के वा तत्थ दोसा ? आचार्याह-झुसिरं पोल्लं जीवाश्रयस्थानमित्यर्थः । तं इमं पंचविहं- पोत्थगपनगं, तणपनगं, पमगपनगं, पनगशब्दः प्रत्येकं योज्यः, दूसं वत्थं, तत्य दो भेदा - अपडिलेहपणगं दुप्पडिलेहपणगं च चम्मणपणगंच पंचमं ॥ इमं पोत्थगपणगं[भा. ४००० ] गंडी कच्छवि मुट्ठी, संपुड फलए तहा छिवाडी य । साली वीही कोद्दव, रालगऽरन्ने तणाई च ॥
चू-दीहो बाहल्लपुहत्तेण तुल्लो चउरंसो गंडीपोत्थगो । अंते तणुओ, मज्झे पिहुलो, अप्पबाहल्लो कच्छवी । चउरंगुलदीहो वुत्ताकृती मुट्टीपोत्थगो । अहवा - चउरंगुलदीहो चउरस्सो मुट्ठिपोत्थगो । दुमाइफलगसंपुढं दीहो हस्सो वा पिहुलो अप्पवाहल्लो छेवाडी । अहवा - तनुपत्तेहिं उस्सीओ छेवाडी । रालओ त्ति कंगुपलालं, सामगाइ आरन्नतणा ।।
[भा. ४००१]
अप्पडिलेहियदूसे, तूली उवहाणगं च नायव्वं । गंडुवहाणाऽऽ लिंगिणि, मसूरए चेव पोत्तमए ॥
धू- एगवहुकमेरगा तूली, अक्कडोड्डगाइतूलभरिया वा तूली, रूयादिपुन्नं सिरोवहाणमुवहाणगं, तस्सोवरि गंडपदेसे जा दिज्जइ सा गंदुवधाणिगा, जानुकोप्परादिसु सा आलिंगिणी, चम्मवत्थकतं वायरूयादिपुन्नं विवसणं मसूरगो ॥ इमं दुष्पडिलेहियपणगं
[भा. ४००२ ] पल्हवि कोयवि पावारणवतए तह य दाढिगाली उ ।