Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 60

पीठिका - भा. १४८|
५७
[भा. १४८] ससणिद्ध दुहाकम्मे, रोट्ट कुट्टे य कुंडए एते ।
मोत्तणं संजोगे. सेसा सव्वेत पत्थिव्वा ।। चू. जत्थूदयबिंदू न संविज्जति तं ससिणिद्धं । दुहा कम्मंति पुरेकम्मं, पच्छा कम्मं । उदउल्लं एत्थेव दट्ठव्वं । एते आउक्कायहत्था । रोट्टो नाम लोट्टो, रलयोरेकत्वाल्लोट्टो भन्नति । उक्कुट्ठो नाम सचित्तवणस्सतिपत्तंकुर-फलाणि चा उदूक्खले छुब्भंति, तेहिं हत्थो लित्तो, एस उक्कुट्ठ--हत्थो भन्नति। कुंडगनामसण्हतंदुलकणियाओ कुकुसा यकुंडगाभण्णंति । एतेवणस्सति-काय-हत्था एते मोततूणं संजोगे एते आउ-वणस्सति-हत्थे मोत्तूण, संजोगो नाम जेहिं सह हत्थो जुज्जति स संजोगो भन्नति । अतो एते हत्थसंजोगे मोत्तूण सेसा सव्वे उ पस्थियव्वा पुढविकाय-हत्थ त्ति भणियं भवति । तेइमे-ससरक्खादि हत्था, आदिग्गहणातो मट्टियादि-जाव-सोरठ्ठियत्ति एक्करस हत्था । एतेहिं इहाधिकारो । अतो भण्णति[भा. १४९] कर-मत्ते संजोगो, ससरक्ख पणगंतु मास लोणादी।
अत्थंडिल-संकमणे, कण्हादपमजणे लहुगो । घू. ससरक्खादिहत्थे त्ति दारं-करोत्ति हत्थो, मत्तो य भावणं । संजोगो नाम चउक्कभंगो कायव्यो । सो य इमो - ससरक्खे हत्थे ससरक्खे मत्ते १ ससरक्खे हत्थे नो मत्ते २ नो हत्थे मत्ते ३ नोहत्थे नो मत्ते ४ । आदि भंगे संजोगपायच्छित्तं दो पणगा । बितिय-ततितेसु एक्केवकंपणगं चउत्थो भंगो सुद्धो । मास लोणादि ति।। ___ सीसो पुच्छति - कहं ससरक्खहत्थानंतरं मट्टिया हत्थं मोत्तूण लोणादिग्गहणं कजति ? आयरिय आह-एयं सेसे हत्थाण मज्झग्गहणं कयं । अहवा बंधाणुलोमा कयं । इतरहा मट्टियाइ हत्था भाणियव्वा । तेसु य एकेके कर-मत्तेहिं चउभंगो कायव्यो । पढमभंगे दो मासलहुं, बितिय-ततिएसु एक्केवं मासलहुं, चरिमो सुद्धो । ससरक्खादि हत्थे ति दारं गयं ।।
इदाणिं पंथे त्ति दारं – पंथे त्ति दारं । पंथे वच्चंतो थंडिलाओ अथंडिलं संकमति, अञ्चित्त-भूमीतो सचित्त-भूमी संकमति, अच्चित्त-भूमीतो सचित्त-भूमी संकमतित्ति भणियं भवति । कण्हभूमीओ वा नीलभूमी संकमति । एत्थ अविहि-विहि-पदरिसणत्थं भंगा । ते इमेअपमजणे ति, न पडिलेहेति, न पमज्जति । न पडिलेहेइ, पमज्जइ । पडिलेहेति, न पमज्जति । चउत्थ-भंगे दो वि करेति।
(नवरं)- दुप्पडि लेहियं दुष्पमञ्जियं ४, दुप्पडिलेहियं सुपमज्जियं५ ।
सुप्पडिलेहियं दुप्पमज्जियं ६, सुप्पडिलेहियं सुपमज्जियं ७ । आदिल्लेसु तिसु भंगेसु मासलहु । पढमे तवगुरूं काललहुं, बितिए तवलहुं कालगुरुओ, ततिए दोहि लहुओ। चउत्थ-पंचम-छट्टेसुपंचराइंदिया, एवंचेव तवकालविसेसिता । चरिमो सुद्धो । पंथे त्ति दारं गयं ॥
इयाणि निक्खित्ते-त्ति दारं-निक्खित्तंदुविहं-सचित्त-पुढवि-निक्खित्तं, मीस-पुढविनिक्खित्तं च । जंतं सचित्त-पुढवि-निक्खित्तं तं दुविहं--अनंतर-निक्खित्तं, परंपर-निक्खित्तं च। मीसे विदुविहं-अनंतरे, परंपरे य । एतेसु सचित्त-मीसअणंतर-परंपर-निक्खत्तेसु पच्छित्तं भण्णति