Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 59

५६
निशीथ - छेदसूत्रम् - १
कप्पम्मि विदु-विकप्पा, जतणाजतणा य पडिसेवा ॥
चू. पढम- दुगे दप्पिया कप्पियाय । बितिय दुगे एक्केक्का मूलुत्तरे पूणो दुविहा । ततिय-दुगे जा सा कप्पिया मूलुत्तरेसु सा पुणो दुविहा- जयणाजयणासु । जयणा नाम तिपरियट्ट काऊण अप्पणा पच्छा पणगादि पडिसेवणा पडिसेवति, एस जयणा | अहवा पुढवाइसु सट्ठाणे सहाणे दुविहा- दप्पे कप्पे य । दुतीय दुगं वीप्सा-प्रदर्शनार्थं । ततियदुगं मूलुत्तरे पुणो दुविहा पडिसेवणा अहवा आणुपुव्विग्गहणे पुढवाइकाया गहिता । तेसु य दुविहा पडिसेवणा मूलगुणे वा उत्तरगुणे वा । पढम- सट्टा - गहणेण मूलगुणा गहिता, दुतिय - सट्ठाण - गहणेण उत्तरगुणा । मूलगुणे दुविहा -दप्पिया कप्पिया य । उत्तरगुणे वि-दप्पिया कप्पिया य । मूलगुणे जा कप्पिया उत्तरगुणे यजा कप्पिया एताओ दो वि दुविहा । जयणाते अजयणाए य । एवेयं ततियदुगं ।। जे साणा पुढवादी अत्यतो अभिहिता ते दप्पओ पडिसेवमाणस्स उच्चरियं पायच्छित्तं दिजइ । [ भा. १४५ ] पुढवी आउक्काए, तेऊ वाऊ वणस्सती चेव । बिय तिय चउरो, पंचिंदिएसु सट्ठाण -पच्छित्तं ॥
चू. एतेसु सङ्काण- पायच्छित्तं इमं- “छक्काय चउसु लहुगा - " गाहा। एसा गाहा जहा पुव्वं वणिया तहा दट्ठव्वा ॥ पुढवाइसु संखेवओ पायच्छित्तमभिहियं ॥ इयाणि पुढवाइसु एक्केके विसेस - पायच्छित्तं भन्नति - तत्थ पढमं पुढविक्काओ । सो इमेसु दारेसु अनुगंतव्वो । [ भा. १४६] ससरक्खाइहत्थ पंथे, निक्खित्ते सचित्त- मीस - पुढवीए । गमणाइ पप्पडंगुल, पमाण - गहणे य करणे य ॥ खू. दस दारा । एतेसिं दाराणं संखेवओ पायच्छित्तदानं इ[भा. १४७] पंचादिहत्थ पंथे, निक्खित्ते लहुयमासियं मीसे । कोल - करणे लहुगा, पप्पडए चेव तस पाणा ॥
चू, पंचादिति, ससरक्खादि सोरट्ठावसाणा एक्कारस पूढविक्वाइय अत्था, एतेसु जो आदि ससरक्खहत्थो तंमि पणगं, सेसे पुढविक्काय- हत्थेसु पंथे य मासलहु । सचित्ते पुढविकाए अनंतरनिक्खित्ते लहुगा । जत्थ जत्थ मुसो पुढविवकाओ तत्थ तत्थ मासलहुं । मीस - पुढविक्काय दरिसणं इमं - "कट्टोल्ल" कटुं नाम हलादिणा वाहियं, उल्लं नाम आउक्काएण, सो मीसो भवति । वाउल्लगमादिकरणे चउलहुगा । पप्पडए व चउलहुगा । "च" सद्दाओ गमणं । अंगुलप्पमाणगहणे चहुगा । पप्पड राइविवरेसु तसा पविसंति, ते विराहिजंति, तक्कायनिप्फण्णं तत्थ पायच्छित्तं ॥
इदानं ससरक्खादि दस दारा पत्तेयं पत्तेयं सपायच्छित्ता विवरिज्जति- तत्थ पढमं दारं ससरक्खादि हत्थ त्ति । ससरक्खं आदिर्यस्य गणस्य सोयं ससरक्खादी गणो । कः पुनरसौ गणः उच्यते । १ पुरेकम्मे २ पच्छाकम्मे ३ दउल्ले ४ ससिणिद्धे ५ ससरक्खे ६ मट्टि - आऊसे । ७ हरियाले ८ हिंगुलए ६ मणोसिला १० अंजणे ११ लोणे । १२ गेरुय १३ वण्णिय १४ सेडिय १५ सोरट्ठिय १६ पिट्ठ १७ कुकुस १८ उक्कुडे चेव । एते अट्ठारस कायनिष्फण्णा पिंडेसणाए भणिया हत्था । तत्थ जे पुढविकायहत्था तेहिं इह पओयणं, न जे जाऊ वणस्सतीकाय हत्था अती 'पुढविकायहत्थाण सेसकायहत्थाण य विभागप्पदरिसणत्थं भण्णति