Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 61

५८
निशीथ - छेदसूत्रम् -१
[ भा. १५०] सचित्त- नंतर परंपरे य, लहुगा य होंति लहुगो य । मीसानंतर लहुओ, पणगं तु परंपरपतिट्टे ।।
चू. सचित्त- पुढविकाए अनंतर-निक्खित्ते चउलहुगं, परंपर- निक्खित्ते मासलहुं । मीसे पुढविकाए अनंतर - निक्खित्ते मासलहुं, परंपर- निक्खित्ते पंचरातिंदिया । निक्खित्ते त्ति दारं यं । सा पुण मीसा पुढवी कहिं हवेज्जा ? भन्नति -
[ भा. १५१]
खीरदुम- हे पंथे, अभिनव कट्टोल्ल इंधणे मीसं । पोरिसि एग दुग तिगे, थोविंधण - मज्झ - बहुए य ।।
चू. खीरदुमा वड- उंबर- पिप्पला, एतेसिं महुररुक्खाण हेट्ठा मीसो । सा य कालतो एव चिरं घोविंषणसहिया एगपोरिसी मीसा परतो सचित्ता, मज्झिवणसहिया दो पोरुसीओ मीसा, पुरतो सचित्ता, बहुईघणसहिता तिन्नि पोरुसीओ मीसा, परतो सचित्ता ।
एगे आयरिया एवं भणंति । अन्ने पुण भांति जहा - एग दु-तिन्नि पोरिसीओ मीसा होउं परओ अचित्ता होति । एत्थ पुण इंघणविसेसा दोवि आदेसा घडावेयव्वा । साहारनिंघणेण एग-दु-तिपोरिसीणं मीसा, परतो सचित्ता भवति । असाधारणेणं पुण अचित्ताभवति । मी - कउल्लगे त्ति दारं गतं ॥
इदाणि गमणे ति दारं- आदि ग्रहणे णिसीयणं तुयट्टणं च घेप्पति । [ भा. १५२] गाउयदुगुणा दुगुणं, बत्तीसं जोयणाई चरमपदं ।
चत्तारि छच्च लहु गुरू, छेदो मूलं तह दुगं च ॥
चू. सचित्त- पुढविकाय--मज्झेण १ गाउयं गच्छति, २ गाउयं दुगुणं अद्धजोयणं ३ अद्धजीयणं दुगुणं जोयणं ४ जोयणं दुगुणं दोजोयणाई ५ दोजोयणा दुगुणा चत्तारि जोयणाई ६ चउरो दुगुणा अजोयणा ७ अट्ट दुगुणा सोलसजोयणा ८ सोलसद्गुणा बत्तीसं जोयणा । चरिमपदग्गहणातो परं नेइयं दुगुणेण । गाउ आदि बत्तीस - जोयणावसाणेसु अट्टसु ठाणेसु पायच्छित्तं भन्नति । चत्तारि छच्च लहु गुरु विसेसिया चउरो पायच्छित्ता भवंति - १ चउलहुअं, २ चउगुरुगं, ३ छलहुयं ४ छगुरुयं ति भणियं भवति । ५ छेदो ६ मूलं ७ दुगं- अणवट्ठप्प ८ पारं - चयं । एते गाउयादिसु जहासंखं दायव्वा पायच्छित्ता ।।
[ भा. १५३] एवं ता सचित्ते, मीसंमि सतेण अट्टवीसेणं ।
हवति य अभिक्खगमणे, अट्ठहिं दसहिं च चरम-पदं ॥
चू. एवं ता सचित्ते पुढविक्काए भणियं । मीस पुढविक्काए भन्नति । मीस - पुढविक्काए पुण गच्छमाणस्स गाउयादि दुगुणा दुगुणेण - जाव अट्ठावीसुत्तरं सतं चरिमपदं दसट्टाणा भवंति एत्थ पच्छितं पढमे मासलहु-जाव- अट्ठावीसुत्तरसत पदे पारंचियं भवति। एतेसिं चेव अभिक्खसेवा भन्नति । अभिक्खसेवा नाम पुणो पुणो गमणं । तत्थ पायच्छित्तं बितियवाराए. सचित्त - पुढवीए गच्छमाणस्स गाउयादि चउगुरूआ आढत्तंजावं - सोलसजोयणपदे पारंचियं, ततियवाराए छलहु आदत्तं अजोयणपदे पारचियं । एवं- जाव - अट्टवाराए गाउयं चैव गच्छमाणस्स पारंचियं एवं मीस - पुढविक्काए वि अभिक्खगमणं । नवरं दसमवाराए गाउते पारंचियं पावति । गमणादित्ति दारं गतं । इदानिं पप्पडए त्ति दारं..