Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 563

निशीथ-छेदसूत्रम् -२-१०/६९६
वच्चह अहमवि अमुगदिने तत्थ पहामि । अहवा-सयमेव घेत्तुंअवहरति । एतेसछसुपदेसु सेहे अव्वत्ते वत्ते य॥ इमं पच्छित्तं[भा.२७०४] गुरुओ चउलहु चउगुरु, छल्लहु छग्गुरुगमेव छेदो य ।
. भिक्खूगणाइरियाणं, मूलं अणवठ्ठ पारंची। चू-भिक्खू जति अव्वत्तसाहुस्स अवहरणट्ठा भत्तं देति मासगुरुं । धम्मस्स पन्नवणाते चउलहुं । निगृहणवयणे चउगुरुं। वावारणे छलहुं । झंपणे छग्गुरुं। पट्टवणे सयं हरणे छेदो । एवं अव्वत्ते। वत्ते पुण चउलहुगाओ आढत्तं मूले ठायति । गनिग्गहमातो उवज्झातो तस्स चउलहुगा आढत्तं अणवढे ठायति । आयरियस्स चउगुरुगाढत्तं पारंचिए ठायति ।। एवं ससहाए अवहरणं भणियं । जो पुण असहाओ अभिधारतो वयति तत्थिमं[भा.२७०५] अभिहारेत वयंतो, पुट्ठो वच्चामहं अमुगमूलं ।
पन्नवण भत्तदान, तहेव सेसा पया नत्थि ।। चू-कोइ सेहो असहाओ एगागी कंचि आयरियं अभिधारतो वच्चति । तेन अंतरा गामे पंथे वा साधू दिट्ठो, नीयावत्तं से वंदणं कतं । तेन साहुणा पुच्छितो - कहिं वञ्चसि? कतो वा आगओ? तेन कहियं - अमुगायरियस्स सगासे पव्वयणट्ठा वच्चामि । जति भिक्खू बुग्गाहणट्ठा अव्वत्तस्स भत्तदानं धारेति तो मासगुरुं, धम्म-पन्नवणाते चउलहुं । वत्ते चउलहुं चउगुरुगा । उवज्झायआयरियाणछल्लहु उग्गुरुगा । हेढे एक्केक्कपदं हुसति । सेसा निग्रहणादिया पदा नथि। अवराहपदाभावातो पच्छित्तं पिन विज्ञति ॥ एस अपव्वाविए विधी भणितो । इमो पव्वाविते[भा.२७०६] पुरिसम्मि इस्थिगम्मि य, पव्वावितगम्मि एस चेव गमो।
नायब्बो निरवसेसो, अव्वत्ते तहेव वत्ते य ।। चू-जो अपव्वाविए विही पव्वाविए विएसचैव विधी अव्वत्ते क्त्ते य निरवसेसो दट्ठव्यो। [भा.२७०७] एवं तु सो अवहितो, जाहे जातो सयं तु पावयणी ।
निक्कारणे य गहितो, वच्चति ताहे पुरिल्लाणं ।। चू-एवं जो अवहितो सो जाहे सयमेव पावयणी जातो अधीतानुयोगीत्यर्थः । एसो अन्नो वा जो निक्कारणे केणति गहितो सो अप्पणो सयमेव दिसापरिच्छेदं काउंपुणो बोहिलाभठ्ठताए पुरिल्लाण चेव वन्चति ।। भत्तदानादि अवहडस्स इमो अववादो भण्णति[भा.२७०८] अन्नस्स व असतीए, गुरुम्मि अब्भुजतेगतरजुत्ते ।
धारेति तमेव गणं, जोय हडो कारणज्जाए। चू-जेण अवहडो तस्स गच्छे अन्नो आयरिओ नस्थि । अहवा-अस्थि सोअब्भज्जयमरणेणं अब्भुजयविहारेण वा जुत्तो प्रतिपन्नेत्यर्थः । ताहे सो अवहडोतंचेव गणं धरेइन पुरिल्लाणं गच्छति। जइ केणइ आयरिएणं कारणजाएण अवहडो सो तं चेव गणं धरेइ, न पुरिल्लाणं गच्छति ।। एवं चेव विसेसियतरं भण्णति[भा.२७०९] कारणजाए अवहडो, गणं धरेमाणा सो हरंतस्स ।
जावेगो निम्मातो, पच्छा से अप्पणो इच्छा ।। चू- जो कारणेण अवहडो अन्नाभावे सो गणं धरतो हरंतस्स आभव्वो भवति । सो जेण