Page Text
________________
पीठिका - [भा. १२५]
एता कथा कथिते, चतुजमला सुकिला चउरो ॥
चू. पच्छद्धं तहेव । अग्गद्धस्स इमा चक्खा[ भा. १२६ ]
--
छंदो गम्मागमं, विधी रयणा भुञ्जते व जं पुवि । सारणीकुवविकप्पो, नेवत्थं भोयडादीयं ॥
५१
चू. छंदो आयारो । गंमा जहा लाडाणं माउलदुहिया, माउसस्स धूया अगंमा । विही नाम वित्थरो, रयणा नाम जहा कोसलविसए आहारभूमी हरितोवलित्ता कज्जति, पउभिणिपत्ताइएहिं भूमी अत्थरिति, ततो पुष्फोवयारो कज्जति, तओ पत्ती ठविज्जति, ततो पासेहिं करोडगा कट्टोरग मंकुया सिप्पीओ यह विनंति । भुज्जते य जं पुब्वं जहा कांकणे पेय, उत्तरावहे सत्तुया, अन्नेसु वा जं विसएसु दाऊण पच्छा अणेगभक्खप्पगारा दिवंति । सारणीकूवाईओ विकप्पो भन्नति । नेवत्थं भोयडादीयं भवति । “भोयडा" नाम जा लाडाणं कच्छा सा मरहट्ठयाणं भोयडा भन्नति तंच बालप्पभिति इत्थिया ताव बंधंति जाव परिणीया, जाव य आवण्णसत्ता जाया, ततो भोयणं कजति, सयणं मेलेऊण पडओ दिज्जति, तप्पभिई फिट्टइ भोयडा ॥
इदानिं देसकहा- दोस-दरिसणत्थं भण्णति
[ भा. १२७ ] राग - दोसुप्पत्ती, सपक्ख- परपक्खओ य अधिकरणं । बहुगुण इमो त्ति देसो, सोत्तुं गमणं च अन्नेसिं ॥
चू. देसकहाते जं देतं वण्णेति तत्थ रागो इयरे दोसो । राग-दोसओ य कम्मबंधो। किंच सपक्खेण वा परपक्खेण वा सह अहिकरणं भवति । वहं ? ? साधू एगं विसयं पसंसति अवरं निंदति, ततो सपक्खे परपक्खेण वा भणति तुमं किं जाणसि कूवमंडुको, तो उत्तरपद्युत्तरातो अधिकरणं भवति । किं चान्यत्, देसे वण्णिजमाणे अन्नो साहू चिंतेति "बहुगुणो इमो देसो चण्णिओ" सोउं तत्थ गच्छति । देसकह त्ति दारं ।। इदाणिं रायकहा
राज्ञो कहा राजकहा सा चउव्विहा
[ भा. १२८] अइयाणं निज्जाणं, बलवाहणकोसमेव संठाणं कोठारं] । एता कहा कहते, चतुजमला कालगा चउरो ॥
चू. वलवाहणं ततिओ भेओ । कोसमेव कोट्टागारं चउत्थो भेओ । केपि एवं एवं पढंति- “कोसमेव सट्ठाणं” । तत्थ वल - बाहणकोसमेव सव्वं एक्कं । संठाणमिति चउत्थं । सेसं गाहाए कंठं || पुरिमद्ध-वक्खाणं इमं -
[ भा. १२९]
अज्झ अतियाति नीति व, नितो एंतो व सोभए एवं । बल - कोसे य पमाणं, संद्वाणं वण्न नेवत्थं ॥
चू. अज इति अज्जदिनं । अतिजाति पविसति । नीति निग्गच्छति । जातस्स रन्नो निंतनिंतस्स विभूती तं दद्दूण अन्नेसिं पुरतो सिलाघयति । अहवा सो राया धवलतुरगादिरूढो कयसेहरो विलेवणोवलित्तगत्तो पुरओ पउंजमाणजयसद्दो अनेग-गय-तुरग-रह- कयपरिवारो नितो अयंतो वा एवं सोभति । बलं सारीरं सेनाबलं वा । वाहणं । एत्तियं तेसु एत्तियं पमाणं । एयं कहं करेति । कोसो जहिं रयणादियं दव्वं । कोट्ठागारो जत्थ सालिमाइ घण्णं । तंमि वा एत्तियं पमाणं । जे पुण संद्वाणं पढति तस्सिमं चक्खाणं "संट्ठाणं" ति वण्ण - नेवत्थं, संद्वाणं रूवं, वण्णो सुद्धसामादि,
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |