Page Text
________________
उद्देशक : ८, मूलं-५६६, [भा. २४२५]
अनारियं पिहुणं अस्समण-पाउग्गं कहं कहेति, कहेंतं वा सातिजति ।।
मू. (५६७) जे भिक्खू जाण-सालंसि वा जाण-गिहंसि वा जुग्गपालसिवा जुग्ग-गिहंसि वा एगो एगाए इत्थीए सद्धिं विहारं वा करेइ सज्झावं वा करेइ असनं वा जाव आहारेइ, उच्चारे वा पासवणं वा परिट्टवेतिस अन्नयरं वा अनारियं विहुणं अस्समण-पाउग्ग कहं कहेति, कहेंतं वासातिजति ।।
मू. (५६८) जे भिक्खू पणिय-सालंसि वा पणिय-गिहंसि वा परिया-सालंसि वा परियागिहसि वा कुविय-सालंसि वा कुविय-गिहंसि वा एगो एमाए इत्थीए सद्धिं विहारं वा करेइ, सज्झायं वा करेइ, असनं वा पानं वा खाइमं वा साइमं वा आहारेति, उच्चारं वा पासवणं वा परिहवेंति अन्नयां वा अनारियं पिहुणं अस्समण-पाउग्गं कह कहेति, कहेंतं वा सातिजति ।।
मू. (५६९) जे भिक्खू गोण-सालंसि वा गोण-गिहंसि वा महा-कुलंसि महा-गिहंसि वा एगो एगाए इत्थीए सद्धिं विहारं वा करेइ, सज्झायं वा करेइ, असनं वा पानं वा खाइमं वा साइमं वा आहारेति, उच्चारं वा पासवणं वा परिट्टवेति, अन्नयरं वा अनारियं पिहुणं अस्समण-पाउग्गं कह करेइ, कहेंतं वा सातिञ्जति ।।
चू- उज्जाणं जत्थ लोगो उज्जाणियाए बच्चति, जं वा ईसि नगरस्स उवकंठं ठियं तं उजाणं। रायादियाण निग्गमणट्ठाणं निजाणिया, नगरनिग्गमे जं ठियं तं निजाणं एतेसु चेव गिहा कया उज्जाण - निजाणगिहा । नगरे पागारो तस्सेव देसे अट्ठालगो। पागारस्स अहो अड्डहत्थो रहमग्गो चरिया । बलाणगं दारं, दो बलाणगा पागारपडिबद्धा । ताण अंतरं गोपुरं । जेन जनो दगस्स वञ्चति सो दग-पहोदग-वाहोदग-मग्गो दग-मासंदग-तीरं। सुण्णंगिहं सुन्नागारं । देसे पडियसडियं भिन्नागारं । अधो विसालं उवरुवरि संवड्डितं कूडागारं । धन्नागारं कोट्ठागारं । दब्भादितणट्ठाणं अदोपगासंतणसाला । सालिमादि-तुसट्ठाणंतुस-साला, मुग्गमादियाणतुसा । गोकरीसो गोमयं, गोणादि जत्थचिट्ठति सा गोसाला, गिहं च ।जुगादि जणाप अकुड्डासाला सकुडुं गिहं । अस्सादिया वाहणा, ताणं साला गिहं वा । विक्केयं भंडं जत्थ छुढे चिट्ठति सा साला गिहं वा । पासंडिणो परियागा, तेसि आवसहो साला गिह वा । छुहादिया जत्थ कम्मविजंति सा कम्मंतसाला गिहं वा । मह पाहन्ने बहुत्ते वा, महंतं गिहं महागिहं, बहुसु वा उच्चारएसु महागिहं । महाकुलं पि इब्भकुलादी पाहण्णे बहुजनआइण्णं बहुत्ते । इमा सुत्तसंगहगाहा[भा.२४२६] उजाणऽट्टाल दगे, सुण्मा कूडा व तुस भुसे गोमे ।
गोणा जामा पणिगा, परियाग महाकुले सेवं ।। चू-एवं जहा पढमसुत्ते । एवं एतेसु उस्सग्गाववातेण चउभंगसंभवो वत्तव्यो ।।
इमं "उजाणवक्खाणं"[भा.२४२७]सभमादुजाणगिहा, निग्गमणगिहा वनियमादिणं इयरे ।
नगरादिनिग्गमेसु य, सभादि निजाणगेहा तु॥ चू-इयरेत्ति निजाणे, वनियमादिया निग्गमगहियं कयं णिजाण -गिहं । अहवा - पच्छद्रेणं बितियं वक्खाणं । सालागिहाण इमो विसेसो -
[भा.२४२८] साला तु अहे वियडा, गेहं कुड्डसहितं तुऽनेगविधं ।
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |