Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 411

४०८
निशीथ - छेदसूत्रम् - १-५/३४२
[भा. २०००] वहणं तु गिलाणस्सा, बाला उवधी पलंब अद्धाणे । अचित्ते मीसेतर, सेसेसु वि गहण जतणाए ।
चू- गिलाणो बालो उवही पलंबाणि वा अद्धाणे वुज्झंति, सावयभए निवारणट्ठा घेप्पंति, उवहिसरीराण वहणट्ठा तेणग-पडिनीय-साणमादीण निवारणट्ठा पुव्वं अचित्तं, पच्छा मीसं, "सेसा” परित्तानंता, पुच्वं परित्तं, पच्छा अनंतं ॥
मू. (३४३) जे भिक्खू चित्ताइं दारु-दंडाणि वा वेलु-दंडाणि वा वेत्त- दंडाणि वा करेइ, करेंतं वा सातिजति ॥
मू. (३४४) जे भिक्खू चित्ताइं दारु-दंडाणि वा वेलु-दंडाणि वा वेत्त दंडाणि वा धरेइ, धरेंतं वा सातिजति ॥
मू. (३४५) जे भिक्खू चित्ताइं दारुदंडाणि वा वेलु दंडाणि वा वेत्तं दंडाणि वा परिभुंजइ परिभुंजंतं वा सातिजति ।
मू. (३४६) जे भिक्खू विचित्ताइं दारू-दंडाणि वा वेलु दंडाणि वा वेत्त- दंडाणि वा करेइ करेंतं वा सातिज्जति ।
मू. (३४७) जे भिक्खू विचित्ताइं दारू दंडाणि वा वेलु दंडाणि वा वेत्त दंडाणिवा धरेइ धरेंतं वा सातिज्जति ।
मू. (३४८) जे भिक्खू विचिताईं दारु दंडाणि वा वेलु दंडाणि वेत्त दंडाणि वा परिभुंजइ परिभुंजंतं वा स्वतिजति ।
चू-चित्रक एकवर्णः । विचित्रो नानावर्णः । करेति धरेति वा तस्स मासलहुँ ।
[ भा. २००१] चित्तेय विचत्ते य, जे भिक्खू दंडए रे धरे वा । सो आणा अणवत्थं, मिच्छत्त-विराधनं पावे ॥
चू- चित्तो नाम एगतरेण वण्णेण उज्जलो, विचित्तो दोहिं वण्णेहिं, चित्तविचित्तो पंचवणेहिं ||
[भा. २००२] सहजेनागंतूण व, अन्नतरजुओ य चित्तवण्णेणं । दुप्पभितिसंजुओ पुण, विचित्ते अविभूसिए सुत्तं ।।
चू- सहजो नाम तदद्रव्योत्थितः, कल्माषिका वंशडंडकवत्, आगंतुको चित्रकरादिचित्रितः, सूत्रस्याभिप्रायो अविभूषाभूषिते प्रायश्चित्तं भवति ।
[भा. २००३] बितियपदमणपज्झे, गेलणे असती अद्धाणं संभम भए वा । उवधी सरीर तेणग, पडिनीए साणमादिसु वि ॥
चू- अन्नसिं डंडगाणं अभावे चित्तविचित्तादि गेण्हंति ॥
मू. (३४९) जे भिक्खू नवग-निवेसंसि वा गामंसि वा जाव-सन्निवेसंसि वा अनुप्पविसित्ता असनं वा पानं वा खाइमं वा साइमं वा पडिग्गाहेइ, पडिग्गाहेतं वा सातिज्जति ।।
- पढमा वासं नवं, करातियाण गम्मो गामो, करो जत्थ न विजति तं नवरं, धूली पगारो जस्स तं खेडं, कुणगरं कब्वड, अड्डाइज्जजोयणमब्धंतरे जस्स गोउलादीणि नत्थि तं मडंबं, जलेण थलेण दोसु वि मुहं दोणमुहं, जलपट्टणं पुरिमाती, थलपट्टणं आनंदपुराति, आसमंतावसासमादि,