Page Text
________________
उद्देशक: ५, मूलं - ३२८, [ भा. १९४२ ]
[भा. १९४२ ] पउमप्पल मातुलिंगे, एरंडे चेव निंबपत्ते य । वेजुवदेसे गहणं, गीतत्थे विकरणं कुज्जा ।।
चू- पित्तुदए य पउमुप्पला, सन्निवाए माउलिंगं, वाते एरंडो, सिंभे निंबपत्ता । “तद्दिवसंजयणाए” त्ति अस्य याख्या - "वेज्जुवएसे गहणंति” ।
"बितियं संविग्ग' त्ति अस्य व्याख्या - "गीयत्थे विकरणं कुज्जा" ।। [भा. १९४३] संफाणितस्स गहणं, असती घेत्तूण अप्पणा धोवे । तद्दिवसिगि लंभासति, नेगा विनिसा तु संफाणे ॥
- तद्देवसियस्स अलाभे अनेगदिवसे वि धरेति ।
३९९
मू. (३२८] जे भिक्खू पाडिहारियं पायपुंछणं जाइत्ता “तामेव रयणी पञ्चप्पिणिस्सामि त्ति" सुए पञ्चप्पिणति, पञ्चप्पिणंतं वा सातिजति ॥
चू- प्रतीपं हरणं प्रातिहार्य, तं अज्ज अमुयवेलाए रातोवा आनीहामि त्ति सुए कल्ले आनेति तस्स मासलहुं आणातिया य दोसा ।
मू. (३२९) जे भिक्खू पाडिहारियं पायपुंछणं जाइत्ता “सुए पच्चप्पिणिस्सामि त्ति" तामेव रयणि पञ्चप्पिणति, पचप्पिणंतं वा सातिज्जति ।।
[भा. १९४४ ] पाउंछणगं दुविधं, बितिओद्देसम्मि वन्नितं पुव्वं । तं पाडिहारियं तू, गेण्हंताऽऽणादिणो दोसा ।।
चू- उस्सग्गियं अववातियं च पुव्वं बितिओद्देसे सभेयं वन्नियं । तं जो पाडिहारियं गेण्हति, तस्स आणादिया दोसा || इमे पाडिहारियदोसा
[भा. १९४५] नङ्के हित विस्सरिते, अणप्पिणंतम्मि होइ वोच्छेओ ।
पच्छाकम्म पवहणं, धुवावणं वा तयट्ठस्स ॥
चू- भिक्खाइ अड़ंतस्स पडियं नट्टं, तेणगेण हरियं, सज्झायाति भूमीगयस्स कतो विस्सरियं, एतेहिं कारणेहिं अणपिणंतस्स तदन्नदव्यस्स साहुस्स वा वोच्छेओ हवेज, गिहत्थो वा अन्नं पाउंछणं करेज्ज, पच्छाकम्मं वा ठवियं जं अच्छति पवहण करेज्ज । तस्स धुवावणं दवावणं तदट्ठस्स पादपुंछणरस अन्नट्टं वा मुल्लं दवावेज्ज तम्हा पाडिहारियं न गेण्हेज्जा ।।
[भा. १९४६ ] उव्वत्ताए पुव्वं, गहणमलंभे उ होइ पडिहारी । तं पियन छिन्नकालं दोसा ते चेव छिन्नम्मि ॥
चू-जं पाडिहारियं निद्देज्जं तं उव्वत्ता गहणं पुव्वं तारिसं घेत्तव्वं, तारिसस्स अलंभे पाडिहारियं अजं वा कल्ले वा छिन्नकालं न करेति । गेण्हंतेण भाणियव्वं - कता वि कए कज्जे आनेहामि । दोसा छिन्नम्मिते चेव अजे सुए वा अप्पेहामि त्ति । छिन्नकाले कताति वाघातो हवेज्ज ततो अणप्पिणंतो माया मोसं अदत्तं भवति ॥
सो साहू इमेहिं कारणेहिं पाडिहारियं गेण्हति
[भा. १९४७ ] नट्टे हित विस्सरिते, झामिय वूढे तहेय परिजुन्ने ।
असती दुल्लभपडिसेहओ य गहणं पडिहारिए चउहा।
चू- झामितं दडुं, वूढं नतिउत्तरणेण, कालेण वा खुत्थं परिजुन्न, असति पाडिहारियं न
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |