Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 378

उद्देशक : ४, मूलं-२२०, [भा. १८१६ ]
३७५
पंतवणादि करेज्ज, ताण वा परोप्परं कली भवे, लोगे अयसो “अहो डोंबा विव सततं कलहसीला, रोसणा, पेसुन्नभरिता" । तच्वेलं न पढंति नाणहाणी, साधुपदोसे दंसणहाणी, अवाच्छल्यकरणा - "जं अजितं चरितं " कारक गाहा । एवं चरणहानी ।
किं चान्यत् - साधुपदोसेण य संसारवड्डी भवति । एते साधिकरणस्स दोसा जम्हा तम्हा नो अधिकरणं उप्पाएति ॥ कारणे उप्पाएज
[भा. १८१७] बितियपदमणप्पज्झे, उप्पादऽविकोवितेव अप्पज्झे । जाणते वा वि पुणो, विगिंचणट्ठाए उपाए |
चू- अणप्पज्झो, अकोवितो वा सेहो अणरिहो कारणे पव्वावितो कते कारणे सो अधिकरणं काउं विगिंचियव्व ॥
मू. (२२१) जे भिक्खू पोराणाइं अहिगरणाणि खामिय विओसमियाइं पुणो उदीरेइ, उदीरेंतं वा सातिजति ।।
- पोराणा पूर्वमुत्पन्ना । अधिकरणं पूर्ववत् । रोसावगमो खमा । तं च भन्नति तिविधं - खामियं ओसवियं मिच्छादूक्कडप्पयाणं । अहवा - कामियं वायाए, मणसा विओसवियं व्युत्सृष्टं, तानि जो पुणो उदीरति उप्पादयति तस्स मासलहुँ ।
भ. (१८१८ ] खामित विउसविताई, अधिकरणाइं तु जे पुणोप्पाए । ते पावा नातव्या, तेसिं तु परूवणा इणमो ॥
चू- पावा न साधुधर्मे व्यवस्थिता इत्यर्थः । कहं उप्पाएति ? के ति साहुणो पुव्वकलहिता तम्मिय खामिय विओसविते तत्थेगो भणति - अहं नाम तुमे तदा एवं भणितो आसि न जुत्तं तुज्झ । इयरो पडिभणाति - अहं पि ते किं न भणितो ? इतरो भणाति - इयाणिं ते किं मुयामि ? एवं उप्पाएति स उप्पायगो ॥
[ भा. १८१९ ] उप्पादगमुष्पन्नो, संबद्धे कक्खडे य बाहूय । आविट्टणा य मुच्छण, समुघाय ऽतिवायणे चेव ।।
चू- पुणो विकलुसि उप्पन्नं, संबद्धं नाम वायाए परोप्परं सेविउमारद्धा, कक्खडं नाम पासट्ठितैहिं विओसविज्जमाणा वि नोवसमंति, "बाहूअं" ति - रोसवसेण बलोबलिं जुज्झं लग्गा, आविट्टणा एगो निहओ, जो सो निहतो सो मुच्छितो, मारणंतियसमुग्धाएण समोहितो, अतिवायणा मारणं ॥
एतेषु नवसु ठाणेसु उप्पायगस्स इमं पच्छित्तं
[भा. १८२०] लहुओ लहुगा गुरुगा, छम्मासा होंति लहु गुरुगा य । छेदो मूलं च तहा, अणवट्टप्पो य पारंची ॥
चू-बितियादिसु चउलहुगादी पच्छित्ता, उप्पादगपदं न भवति त्ति काउं ॥ [ भा. १८२१] तावो भेदो अयसो, हानी दंसण चरित्त नाणाणं । साधुपदोसो संसारवड्ढणो होतुदीरंते ॥
[भा. १८२२ ] बितियपदमणप्पज्झे, उदीरे अविकोविदे व अप्पज्झे । जाणते वा वि पुणो, विगिंचणट्ठा उदीरेज्जा ।।
भू. (२२२) जे भिक्खू मुहं विष्फालिय विष्फालिय हसति, हसंतं वा सातिजति ॥