Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 377

३७४
निशीथ - छेदसूत्रम् - १- ४ / २२०
झुसिरेतर संतर- निरंतरे य वृत्तं निसिरणम्मि ॥
चू-वत्तभंगीए पढम- बितिय - ततिएसु भंगेसु मासलहुं, चउत्थ-पंचम छट्ठसु पणयं, चरिमो सुद्धो, तबकाल-विसेसितो कायव्वो । आहारे उवकरणे वा रागे चउगुरुगं, दोसे चउलहुगं । अहवा- सामन्नेण आहारे चउगुरुगा, उवकरणे लहुगो । निसिरणे झुसिरे अझुसिरे य संतरनिरं तरेषु वृत्तं पच्छित्तं पढमसुत्ते ॥
दव्वाहिकरणं गयं । इदानिं भावाधिकरणं
[ भा. १८१०] जोगे करणे संरंभमादि चतुरो तहा कसायाणं । एतेसिं संजोगे, सतं तु अनुत्तरं होई ॥
चू- संरंभो, समारंभो, आरंभी । एतेसिं अधो मण-वय- काया तिन्नि ट्ठावेयव्वा । तेसिं पि अहो करणकारावणानुमती य तिन्नि ठावेयव्वा । एतेसिं पि अधो कोह- मान-माया लोभा चउरो ठावेयव्वा ।
इमो पुणो चारणप्पगारो । संरंभं मनेन करेति कोहसंपउत्ते । एवं माणतिया वि । एते करणे चउरो, कारावणे वि चउरो, अनुमतीते वि चउरो । एवं बारस मणेण लद्धा । वाए वि बारस । काण व बारस । एते संरंभेण छत्तीसं लद्धा । एवं समारंभेण वि छत्तीसं । आरंभेण वि छत्तीसं । सव्वे वि मेलिया अनुत्तरं सतं भवति ।।
[ भा. १८११]
संरंभ मणेणं तू, करेंति कोवेण संपउत्तो उ । इयमाण- माय लोभे, चउरो होती तु संजोगा ।। [भा. १८१२] चतुरेते करणेणं, कारवणेणं च अनुमतीए य। तिन्नि चतुक्का बारस, एते लद्धा मणेणं तु ॥ [भा. १८१३] संकप्पो संरंभो, परितावकारो भवे समारंभो । आरंभ उद्दवओ, सव्वणयाणं तु सुद्धाणं ॥
[ भा. १८१४ ] एतेसामन्नतरं, अधिकरणं जो नवं तु उप्पाए । सो आणा अणवत्थं, मिच्छत्त-विराधणं पावे ||
चू- एतेसिं दव्वभावाधिकरणाणं अन्नतरं अनुष्यन्नं उप्पाएति जत्थ मासलहुं तत्थ सुत्तणिवातो, सेसा अत्यओ विकोणड्डा पच्छित्ता दिन्ना ।।
इह पुण सुत्ते भावाधिकरणेण पढमभंगेण अधिकारी । इमे य दोसा[भा. १८१५] तावो भेदो अयसो, हाणी दंसण-चरित - नाणाणं । साहुपदोसो संसारवणो साहिकरणस्स ।।
[भा. १८१६] अतिभणिय- अभणिते वा, तावो भेदो उ जीवचरणेसु । रायकुलम्मिय दोसा, खुभेज्ज वा नीयमित्तादी ।।
धू-तप्पति अहं तेन अतीव एवं भणितो, मए सो वा अतीव भणिओ पच्छा तप्पइ, अमुगो वा मए न भणिओ त्तिपच्छा तप्पति । भेदो दुविधो - जीवे चरणे य। जीए कलहिउं पच्छा एगतरो दो वि वा अप्पाणं मारेंति, उन्निक्खमंति वा चरणे, अन्नोन्नपक्खेण वा गच्छभेओ भवति । पदोसेण वा रायकुले कहेज्ज, तत्थ गेण्हणादिया दोसा, एगतरस्स दोण्ह वा नीया खुभेज, ते