Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 149

निशीथ-छेदसूत्रम् -१
१४६
समासेण नायव्या | अनुवीति चिंतेऊण गुणदोसं सेवति, अननुवीत्ति सहसादेव पडिसेवति । सति त्ति एगसि, दुक्खुत्तो दो वारा, बहुसो त्रिप्रभृतिबहुत्वं ।।
"देसच्चाइ " त्ति अस्य व्याख्या
[ भा. ४८२ ] जेण न पावति मूलं नाणादीणं व जहिं धरति किंचि । उत्तरगुणसेवा वा सच्चाएतरा सव्वा ॥
चू. जेण अवराहेण पडिसेवितेण "मूलं" पच्छित्तं न पावति सा देसच्चागी पडिसेवणा । जेण वा अवराहेण पडिसेवितेण नाण- दंसण-चरित्ताण किंचि धरति सा वि देसच्चागी पडिसेवणा उत्तरगुणपडि सेवा वा सञ्चागी पडिसेवणा । इतरा सव्व त्ति "इतरा” नाम जाए मूलं पावति, नाणादीनं वा न किंचि धरति, मूलगुणपडिसेवा वा, एसा सव्वच्चागी पडिसेवणा भवतीत्यर्थः ॥ अननुविय त्ति सस्य व्याख्या
[ भा. ४८३ ] जा तु अकारणसेवा सा सव्वा अननुवीयितो होति । अनुवीयी पण नियमा अप्पज्झे कारणा सेवा ।।
चू. पुव्वद्धं । जा अकारणतो पडिसेवा गुणदोसे अचिंतेऊण सा अणणुसोती पडिसेवा, प्पमाणतो एक्कसि दो तिन्नि वा परओ वा पडिसेवति । “अणुवीति "त्ति अस्य व्याख्या - अणुवीती पुण पच्छद्धं । असिवादी कारणे, आत्मवशः अपरायत्तेत्यर्थः, सो पुण गुणदोसे विचिंतिऊण जं जयणाए पडिसेवति एस से अणुवीतीपडिसेवणा भवतीत्यर्थः । भणिया मीसिया पडिसेवणा || इदानं कप्पिया पडिसेवणाए भेया भण्णंति
[भा. ४८४] दंसण -- नाण- चरिते तव - पवयण-समिति - गुत्तिहेतुं वा । साधम्मियवच्छल्लेण वा वि कुलतो गणस्सेव ॥
[भा. ४८५ ] संघस्सायरियस्स य असहुस्स गिलाण - बाल - बुड्ढस्स. उदयग्गि - चोर - सावय-भय-कंतारावतीवसणे ॥ चू. दंसण - नाण - चरणा तिन्नि वि एगगाहाए वक्खाणेति[ भा. ४८६ ] दंसणपभावगाणं सङ्काणट्ठाए सेवती जंतु । नाणे सुत्तत्थाणं चरणेसणइत्थिदोसा वा ॥
चू. दसणपभावगाणि सत्याणि सिद्धिविणिच्छिय-सम्मतिमादिगेण्हंतो असंथरमाणो जं अकप्पियं उसेवति । जयणाए तत्थ सो सुद्धो अपायच्छित्ती भवतीत्यर्थः । नाणे त्ति नाणनिमित्तं सुत्तं अत्थं वा गेण्हमाणो तत्थ वि अकप्पियं असंथरे पडिसेवंतो सुद्धो । चरणे त्ति जत्थ खेत्ते एसणादोसा इत्थिदोसा वा ततो खेत्तातो चारित्रार्थिना निर्गतव्यं ततो निग्गच्छमाणो जं अकप्पियं पडिसेवति जयगाते तत्थ सुद्धो ।। तव पवयणे दो वि दारा एगगाहाए वक्खाणेतिनेहाति एवं काहं, कते विकिट्टे व लायतरणादी ।
[भा. ४८७]
अभिवादणा दि पवयणे, विहुस्स विउव्वणा चेव ॥
चू. तवं काहामि त्ति घृतादि नेहं निवेज्जा । कते वा विकिट्ठतवे पारणए लायतरणादी पिएन "लाया" नाम वीहियातिमिरं भट्ठे भुजित्ता ताण तंदुलेंसु पेज्जा कज्जति, तं लायतरणं भणति तं विकितवपारणाए आहाकम्मियं पिएज्जा । अन्नेन दोसीण दव्वादिणा रोगो भवेज