Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1174

उद्देशक : १७, मूलं - १२३४, [भा. ५९५५]
२७५
- उब्मिन्नं दुविधं - पिहुभिन्नं वा कवाडुभिन्नं च । पिहुभिन्नं दुविधं पासुयं अफासुयं च । जंतं फायं तं अचित्तं वा मीसं वा । अफासुयं पुढविमादि छसु काएसु जहासंभवं भाणियव्वं । जं फाअं छगणेण अहवा - वत्थेण चम्मेण वा दद्दरियं । दद्दरपिहिउब्भिन्ने मासलहुं, सेसपिडुभिन्नेसु उलहुँ, अनंतेसु चउगुरुं, परित्तमीसेसु मासलहुं, अनंतमीसेसु मासगुरुं, साहुनिमित्तं उब्भिन्ने कयविक्कतेसु अधिकरणं कवाडपिहितुब्मिण्णे कुंचियवेधे तालए वा आवत्तणपेढियाए वा तसमादिविराधना । सेसं जहा पिंडनिजुत्तीए ॥
[भा. ५९५६]
एतेसामण्णतरं, पिहितुभिन्नं तु गेण्हती जो तु । सो आणा अणवत्थं, मिच्छत्त-विराधनं पावे ॥ असिवे ओमोयरिए, रायदुट्टे भए व गेलण्णे । अद्धाण रोहए वा, जयणा गहणं तु गीयत्थो ।
[भा. ५९५७ ]
यू. (१२३५) जे भिक्खू असनं वा पानं वा खाइमं वा साइमं वा पुढविपतिट्ठियं पडुग्गाहेति पडिग्गाहतं वा सातिजति ॥
मू. (१२३६) जे भिक्खू असनं वा पानं वा खाइमं वा साइमं वा आउपतिट्ठियं पडिग्गाहेति पडिग्गाहेतं वा सातिजति ॥
मू. (१२३७) जे भिक्खू असनं वा पानं वा खाइमं वा साइमं वा तेउपतिट्ठियं पडिग्गाहेति पडिग्गाहेतं वा सातिज्जति ॥
मू. (१२३८) जे भिक्खू असनं वा पानं वा खाइमं वा साइमं वा वणस्सतिकायपतिट्ठियं पडिग्गाहंति पडिग्गाहेतं वा सातिजति ।।
[भा. ५९५८ ]
सच्चित्तमीसएसुं, काएसु य होति दुविहनिक्खित्तं । अनंतर परंपरे वि य, विभासियव्वं जहा सुत्त ॥
चू- पुढवादी काया ते दुविधा - सच्चित्ता मीसा वा । सचित्तेसु अनंतरनिक्खित्तं परंपरनिक्खित्तं वा | मीसेसु वि अनंतरनिक्खित्तंपरंपरनिक्खित्तं वा । पिंडनिज्जुत्तिगाहासुत्ते जहा तहा सवित्थरं भाणियव्वं । आयारबितियसुयक्खंधे वा जहा सत्तमे पिंडेसणासुत्ते तहा भाणियव्वं ॥ सुत्तनिवातो सचित्तऽनंतरे तं तु गेण्हती जो उ ।
[ भा. ५९५९]
सो आणा अणवत्थं, मिच्छत्त-विराधनं पावे ॥
चू- परित्तसचित्तेसु अनंतरनिक्खित्ते चउलहुं, एत्थ सुत्तं निवयति । सचित्तपरंपरे मासलहुं, मीस अनंतरे मासलहुं, परंपरे पनगं, अनंते एते चेव गुरुगा पच्छित्ता ॥ चोदगाहतत्थ भवे णणु एवं, उक्खिप्पंतम्मि तेसि आसासो ।
[भा. ५९६० ]
संजतिनिमित्ते घट्टण, थेरुवमाए न तं जुत्तं ॥
चू- पुढवादिकायाण उवरि ठियं जं तम्मि उक्खिप्पंते ननु तेसिं आसासो भवति ? आचार्याह • तम्मि उक्खिप्पंते जा संघट्टणा सा संजयनिमित्तं, तान य अप्पसंघयणाण संघट्टणाए महंती वेदना भवति || एत्थ थेरुवमा
[ भा. ५९६१]
जरजज्जरो उ थेरो, तरुणेणं जमलपाणिमुद्धहतो । जारिसवेदण देहे, एगिदियघट्टिते तह उ ।