Agam Sutra Satik 34 Nishith ChhedSutra 1

SR No.: 003370
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 1372
Language: Prakrit, Sanskrit
Classification: Book_Devnagari, Agam, Canon, Agam 34, & agam_nishith
File Size: 25 MB

Page 1008

उद्देशक : १५, मूलं- १००२, [ भा. ५००६ ]
वा निग्गतो जोगे कए अलब्भमाणे सपरिकम्मं गेण्हमाणो सुद्धो ॥
[भा. ५००७]
गतरनिग्गतो वा, अन्नं गेण्हेज तत्थ सट्टाणं । छेत्तूण सिव्विरं वा, जं कुणति तगं न जं छिंदे ॥ चू-उक्कोसयस्स निग्गतो मज्झिमयं गेण्हति "सट्ठाणं” त्ति मासलहुं । अध जहन्नयं गेहति तत्थ सट्टाणं पनगं भवति । मज्झिमयस्स निग्गतो उक्कोसं गेण्हति तत्थ सद्वाणं चउलहुगं भवति । जहन्नयं गेहति ना ( पणगं ) । जहन्नयस्स निग्गतो उक्कोसयं गेण्हति ङ्क । मज्झिम गेण्हति । आणादिया दोसा । तं च कज्जं न तेन परिपूरेति अतिरेगहीनदोसा य भवंति । “वोच्चत्थरगहणे "त्ति एयं गयं । “करणे तत्थ वि सट्टाण पच्छित्तं" अस्य व्याख्या- "छेत्तूण" पच्छद्धं । उक्कोसयं छिंदेत्ता मज्झिमयं करेति मासलहुं, जहन्नयं करेति ना, (पनगं ) । मज्झिमयं छिंदेत्ता जहन्नयं करेति, ना (पनगं ) । जहन्नए संघाएत्ता उक्कोसयं करेति । जहन्नयं संघाएत्ता मज्झिमं करेति । मज्झिमे संघात्ता उक्कोसं करेति एक । जं छिंदति तन्निष्फण्णं न भवति । आणादिया य दोसा, संजमे छप्पतियचिराधना, आताए हत्थोवघातो, पलिमंथोय सुत्तत्थाणं । जम्हा पायच्छित्तं परियाणामि तम्हा न वोच्छत्थग्गहणकरणं कायव्वं, जहाविहं कायव्वं । सव्वे आणादिया दोसा परिहरिया भवंति ॥ तं वत्थं इमाहिं चउहिं पडिमाहिं गवेसियव्वं
[भा. ५००८] उद्दिसिय पेह अंतर, उज्झियधम्मे चउत्थए होइ । चउपडिमा गच्छ जिने, दोन्हेग्गहऽभिग्गहऽन्नतरा ॥
चू- गच्छवासी चउहिं वि पडिमाहिं गिण्हति । जिनकप्पियादओ दोण्हं उग्गहं करेति, अंतर उज्झियधम्मिया य, एतेसिं दोन्हं अन्नतरीए गहणं करेति ॥
एतेसिं चउन्हं परिमाणं इमं सरूववक्खाणं
[ भा. ५००९] अमगं च एरिसं वा, तइया उणियंसणऽत्थुरणगं वा ।
१०९
जं वुज्झे कप्पडिया, सदेस बहुवत्थदेसे वा ।।
·
- उद्दिनं नाम उद्दिट्टसरूवेण ओभासति, “अमुगं च' त्ति जहन्नमज्झिमुक्कोसं । अधवाएगिंदिय-विगलिंदिय-पंचेंदियनिष्फण्णं गेण्हति । बितियपडिमा पेह इमं सरूवं परिसं वा किंचि वत्थं दट्ठ भणाति हे सावग ! जारिसं इमं वत्थं, एरिसं वा देहि, तं वा देहि । "अंतरं" तु "ततिया उ" नियंत्रण वा । ततिय त्ति पडिमा । त स्वरूपावधारणे । “नियंसणं" सोय साडगो, साडगगहणातो पाउरणं पि दट्ठव्वं । “अत्थुरणं” ति प्रस्तरणं प्रच्छ्दादि, अन्नं पोत्तं परिहिउकामो पुव्वणियत्थवत्थते अवनेउकामो एयम्मि अंतरे मग्गति । "उज्झियधम्मा चउत्थिय" त्ति सदेसं गंतुकामा कप्पडिया जं उज्झंति त मग्गति, बहुवत्थदेसं वा गतुकामा उज्झंति, बहुवत्थदेसे वा जं उज्झियं लब्भति । एसा अन्नायरियकयगाहा ||
·
इमा भद्दबाहुकता
[ भा. ५०१०] उद्दि तिगेगतरं, पेहा पुण दिस्स एरिसं भणति । अन्न नियत्थत्पुरियं, ततिएनितरं तु अवनेते ॥
चू- उद्दि ओभासति - " देहि मे तिण्हं वत्थाणं अन्नतरं" जहन्नादी । अथवा एगिंदियादितिगं । पेहा नाम दवणं पूर्ववत् । ततिया अंतरिज्जं उत्तरिज्जं वा । अंतरिज्जं नाम नियंसणं, उत्तरिजं