Page Text
________________
३५८
जम्बूद्वीपप्रज्ञप्ति - उपाङ्गसूत्रम् ४/१९४
गोअमा! उत्तरकुराए दक्षिणेणं देवकुराए उत्तरेणं पुब्वविदेहस्स वासस्स पञ्चत्थिमेणं अवरविदेहस्स वासस्स पुरत्थिमेणं जंबुद्दीवस्स बहुमज्झदेसभाए एत्य णं जंबुद्दीवे दीवे मन्दरेनामं पव्वए पन्नत्ते, नवनउतिजोअणसहस्साइं उद्धं उचचत्तेणं एवं जोअणसहस्सं उव्वेहेणं मूले दसजो अणसहस्साई णवई च जो अणाइं दस य एगारसभाए जोअणस्स विक्खम्भेणं, धरणिअले दस जअणसहस्साई विक्खम्भेणं तयणंतरं च णं मायाए २ परिहायमाणे परिहायमाणे उवरितले एवं जोअणसहस्सं विक्खंभेणं मूले एकतीसं जोअणसहस्साई नव य दसुत्तरे जोअणसए तिन्नि अ एगारसभाए जोअणस्स परिक्खेवेणं धरणिअले एकतीसं जोअणसहस्साईं छच्च तेवीसे जो अणसए परिक्खेवेणं उवरितले तिन्नि जोअणसहस्साइं एगं च बावट्टं जो अणसयं किंचिविसेसाहिअं परिक्खेवेणं मूले विच्छिन्ने मज्झे संखित्ते उवरिं तणुए गोपुच्छसंठाणसंठिए सव्वरयनामए अच्छे सहेति ।
से एगाए पउमवरवेइआए एगेण य वनसंडेणं सव्वओ समंता संपरिक्खित्ते वण्णओत्ति, मंदरे णं भंते! पव्वए कइ वणा पं० ?, गो० ! चत्तारि वणा पं० तं०--भद्दसालवने 9 नंदनवने १ सोमनसवने ३ पंडगवने ४, कहि णं भंते! मंदरे पव्वए भद्दसालवने नामं वणे पं० ? गो० ! घरणिअले एत्थ णं मंदरे पव्वए भद्दसालवनेनामंवने पन्नत्ते पाईणपडीणायए उदीणदाहिणविच्छिष्णे सोमनसविज्जुप्पहगंधमायणमालवंतेहिं वक्खारपव्वएहिं सीआसीओओहि अ महानईहिं अभागपविभत्ते मंदरस्स पव्वयस्स पुरत्थिमपञ्च्चत्थिमेणं बावीसं बावीसं जो अणसहस्साइं आयामेणं उत्तरदाहिणेणं अद्धाइजाइं अड्डाइज्जाई जोअणसयाइं विक्खम्भेणंति
से गाए पउमवरवेइयाए एगेण य वनसंडेणं सव्वओ समंता संपरिक्खित्ते दुण्हवि aण्णओ भाणिअव्वो किण्हे किण्होभासे जाव देवा आसयंति सयंति, मंदरस्स णं पव्वयस्स पुरत्थिमेणं भद्दसालवनं पन्नासं जो अणाई ओगाहित्ता एत्थ णं महं एगे सिद्धाययने पन्नत्ते पन्नासं जो अणाई आयामेणं पणवीसं जो अगाइं विक्खम्भेणं छत्तीसं जोअणाइं उद्धं उच्चत्तेणं अनेगखम्भसयसण्णिविट्टे वण्णओ, तस्स णं सिद्धाययनस्स तिदिसिं तओ दारा पं०, ते णं दारा अट्ठ जोअणाई उद्धं उच्चत्तेणं चत्तारि जोअणाई विक्खम्भेणं तावइयं चैव पवेसेणं सेआ वरकगधूमि आगा जाव वणमालाओ भूमिभागो अ भाणिअब्वो, तस्स णं बहुमज्झदेसभाए एत्थ णं महं एगा मणिपेढिया पन्नत्ता अट्ठजोअणाई आयामविक्खम्भेणं चत्तारि जोअणाई बाहल्लेणं सव्वरयनामई अच्छा, तीसे णं मणिपेढि आए उवरिं देवच्छन्दए अट्ठजोअणाई आयामविक्खम्भेणं साइरेगाई अट्टजोअणाई उद्धं उच्चत्तेणं जाव जिनपडिमावण्णओ देवच्छंदगस्स जाव धूवकडुच्छुआणं इति । मंदरस्स णं पव्वयस्स दाहिणेणं भद्दसालवनं पन्नासं जो अणाई ओगाहित्ता एत्थ णं चत्तारिनंदापुक्खरिणीओ पन्नत्ताओ, तं०- पउमा १ पउमप्पभा २ चेव, कुमुदा ३ कुमुदप्पभा ४, ताओ णं पुक्खरिणीओ पन्नासं जोअणाइं आयामेणं पणवीसं जो अणाइं विक्खम्भेणं दसजीअणाइंउव्वेहेणं वण्णओ वेइआवणसंडाणं भाणिअव्बो, चउद्दिसिं तोरणा जाव तासि णंपुक्खरिणीणं बहुमज्झदेसभाए एत्थ णं महं एगे ईसाणस्स देविंदस्स देवरण्णो पासायवडिंसए पन्नते पञ्चजोअणसयाई उद्धं उच्चत्तेणं अद्वाइज्जाइं जो अणसयाइं विक्खंभेणं, अब्भुग्गयमूसिय एवं सपरिवारो पासायवडिंसओ भाणिअव्वो ।
मंदरसणं एवं दाहिणपुरत्थिमेणं पुक्खरिणीओ उप्पलगुम्माणलिया उप्पला उप्पलुञ्जला तं चैव पमाणं मज्झे पासायवडिंसओ सक्कस्स सपरिवारो तेणं चेव पमाणेणं दाहिणपच्चत्थिमेणवि
Jain Education International
For Private & Personal Use Only
www.jainelibrary.org
| SR No. | 003352 |
| Book Title | Agam Sutra Satik 18 Jamboodwippragnapati UpangSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 13 MB |