Page Text
________________
२८२
जम्बूद्वीपप्रज्ञप्ति-उपाङ्गसूत्रम् ३/१२८ वेइआवनसंडवण्णओभाणिअव्वोति, तस्सणंपउमद्दहस्स चउद्दिसिं चत्तारि तिसोवाणपडिरूवगा पन्नता, वण्णावासो भाणिअव्वोति । तैसि णं तिसोवाणपडिरूवगाणं पुरओ पत्तेअंर तोरणा पन्नता, तेणंतोरणा नाना-मणिमया, तस्सणं पउमद्दहस्स बहुमज्झदेसभाए एत्थं महंएगे पउमे पन्नते, जोअणं आयामवि- खंभेणं अध्धजोअणं बाहल्लेणं दस जोअणाई उव्वेहणं दो कोसे ऊसिए जलंताओ साइरेगाइंदसजोअणाइंसव्वग्गेणंपन्नत्ता, सेणंएगाए जगईएसव्वओ समंता संपरिक्खत्ते जम्बुद्दीवजग-इप्पमाणा गवक्खकडएवि तह चेव पमाणेणंति।
तस्सणंपउमस्स अयमेआसवेवण्णावासे पं०, तं०-वइरामयामूला रिहामए कंदे वेरुलिआमए नाले वेरुलिआमया बाहिरपत्ता जम्बूनयामया अअिंतरपत्ता तवणिजमया केसरा नानामणिमया पोक्खरस्थिमाया कणगामई कण्णिगा, सा णं अद्धजोयणं आयामविखंभेणं कोसं बाहल्लेणं सबकणगामई अच्छा, तीसे णं कण्णिआए उपिं बहुसमरमणिजे भूमिमागे पन्नत्ते, से जहा नामए आलिंग० । तस्स णं बहुसमरमणिजस भूमिभागस्स बहुमज्झदेसभाए, एत्थ णं महं एगे भवणे प० कोसं आयामेणं अद्धकोसं विखंभेणं देसूणगं कोसं उद्धं उच्चत्तेणं अनेगखंभसयसण्णिविढे पासाईए दरिसणिज्जे, तस्स णं भवणस्स तिदिसिं तओ दारा पं०, ते णं दारा पञ्चधनुसयाई उद्धं उच्चत्तेणं अद्धाइजाई धनुसयाई विक्खंभेणं तावति चेव पवेसेणं सेआवरकणगथूमिआ जाव वणमालाओ नेअब्बाओ।
तस्स णं भवणस्स अंतो बहुसमरमणिजे भूमिभागे पन्नते से जहानामए आलिंग०, तस्स णं बहुमज्झदेसभाए एत्थ णं महई एगा मणिपेढिआ पं०, सा णं मणिपेढिआ पंचधनुसयाई आयामविक्खंभेणं अद्धाइजाइंधनुसयाई बाहल्लेणं सव्वमणिमइ अच्छा, तीसे णं मणिपेढिआए उप्पिं एत्यं णं महंएगे सयणिज्जे पण्ण्ते सयणिज्जवण्णओ भाणिअव्वो।
सेणंपउमे अन्नेणं अट्ठसएणंपउमाणं तदछुच्चत्तप्पमाणमित्ताणंसव्वओसमंता संपखित्ते, तेणंपउणा अध्धजोअणं आयामविखंभेणं कोसंबाहल्लेणंदसजोअणांई उव्वेहेणं कोसंऊसिया जलंताओ साइरेगाइं दसजोअणाइं उच्चत्तेणं, तेसिणं पउमाणं अयमेआस्ववे वण्णावासे पन्नत्ते, तंजहा-वइरामय मूला जाव कणगामई कण्णिआ, साणं कण्णिआ कोसं आयामेणं अद्धकोसं बाहल्लेणं सव्वकणगामई अच्छा इति ।
तीसे णं कण्णिआए उप्पिं बहुसमरमणिजे जाव मणीहिं उवसोमिए, तस्स णं पउमस्स अवरुत्तरेणं उत्तरेणं उत्तरपुरथिमेणं एत्थ णं सिरीए देवीए चउण्हं सामानिअसाहस्सीणं चत्तारि पउमसाहस्सीओ प० तस्स णं पउमस्स पुरस्थिमेणं एत्थ णं सिरीए देवीए छउण्हं महत्तरिआणं चत्तारि पउमा प०, तस्स णं पउमस्स दाहिणपुरस्थिणेणं सिरीए देवीए अभिंतरिआए परिसाए अट्ठण्हं देवसाहस्सीणं अट्ठपउमसाहस्सीओ प० दाहिणेणं मज्झिमपरिसाए दसण्हं देवसाहस्सीणं दसपउमसाहसीओ प० दाहिणपञ्चस्थिमेणं बाहिरिआए परिसाए बारसण्हं देवसाहस्सीणंबारस पउमसाहस्सीओप० पचत्यिमेणं सत्तण्हं अनिआहिवइणं सत्त पउमा प०
तस्स णं पउमस्स चउदिसिं सव्वओ समंता इत्थणं सिरिए देविए सोलसण्ह आयरक्ख देवसाहस्सीणंसोलसपउमसाहस्सीओप० सेणंतीहिंपउमपरिक्खेवेहिं सब्बओसमंता संपरिस्खिते तं अमितरकेणं मज्झिमणं बाहिरएणं, अभिंतरए पउमपरिक्खेवे बतीसं पउमसयसाहस्सीओ
Jain Education International
For Private & Personal Use Only
www.jainelibrary.org
| SR No. | 003352 |
| Book Title | Agam Sutra Satik 18 Jamboodwippragnapati UpangSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 13 MB |