Page Text
________________
जम्बूद्वीपप्रज्ञप्ति - उपाङ्गसूत्रम् २ / ३७
अत्थि णं भंते! तीसे समाए भरहे वासे मायाइ वा पियाइ वा भाय० भगिणि० भज्जा० पुत्त० धूआ० सुण्हाइ वा ?, हंता अत्थि, नो चेव णं तिव्वे पेम्मबंधणे समुप्पज्जइ ।
अत्थि णं भंते ! भरहे वासे अरीइ वा वेरिएइ वा घायएइ वा वहएइ वा पडिनीयए वा पञ्चाभित्तेइ वा ?, नो इणट्ठे समट्टे, ववगयवेराणुसया णं ते मणुआ पन्नत्ता समणाउसो ! ।
अत्थि णं भंते! भरहे वासे मित्ताइ वा वयंसाइवा नायएइ वा संघाडिएइ व सहाइ वा सुहीइ वा संगएइति वा ?, हंता अत्थि, नो चेव णं तेसिं मणुआणं तिव्वे रागबंधणे समुप्पज्जइ, अत्थि णं भंते! भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा मितपिंडनिवेदणाइ वा ?, नो इणट्टे समट्टे, वयगय आवाहवीवाह जण्णसुद्धथालीपाकमितपिंडनिवेदणा णं ते मणुआ पन्नत्ता समणाउसी ! ।
अत्थि णं भंते! भरहे वासे इंदमहाति वा खंद० नाग० जक्ख० भूअ० अगड० तडाग० दह० नदि० रुक्ख० पव्वय० थूभ० चेइयमहाइ वा ?, नो इणट्टे समट्टे, ववगयमहिमा णं ते मणुआ पं०, अत्थि णं भंते ! भरहे वासे णडपेच्छाइ वा णट्ट० जल्ल० मल्ल० मुट्ठिअ० वेलंबग० कहग० पवग० लासगपेच्छाइ वा ? नो इणट्टे स०, ववगयकोउहल्ला णं ते मणुआ प० स० ! |
अत्थि णं भंते! भरहे वासे सगडाइ वा रहाइ वा जाणाइ वा जुग्ग० गिल्लि० थिल्लि० सीअ० संदमाणिआइ वा ? नो इणट्टे समट्टे, पायचारविहारा णं ते मणुआ पं० समणाउसो !, अत्थि णं भंते! भरहे वासे गावीइ वा महिसीइ वा अयाइ वा एलगाइ वा ?, हंता अत्थि, नो चेव णं तेसिं मणुआणं परिभोगत्ताए हव्वमागच्छंति, अत्थि णं भंते! भरहे वासे आसाइ वा हत्थि० उट्ट० गोण० गवय० अय० एलग० पसय० मिअ० वराह० रु० सरभ० चमर० कुरंगगोकण्णमाइआ ?, हंता अत्थि, नो चेव णं तेसिं परिभोगत्ताए हव्वमागच्छंति ।
अत्थि णं भंते! भरहे वासे सीहाइ वा वग्घाइ वा वगदीविग अच्छतरच्छसि आलविडालसुणगकोकंतियकोलसुणगाइ वा ?, हंता अत्थि, नो चेव णं तेसिं मणुआणं आबाहं वा बाबाहं वा छविच्छेअं वा उष्पायेति, पगइभद्दया णं ते सावयगणा पं० समणाउसो !, अत्थि णं भंते ! भरहे वासे सालीति वा वीहिगोहूमजवजवजवाइ वा कलममसूरमुग्गमासतिलकुलत्थणिष्फाव आलिंसंदगअयसिकुसुंभकोवकंगुवरगरालगसणसरिसवमूलगवीआइ वा ?, हंता अत्थि, नो चेव णं तेसिं मणुआणं परिभोगत्ताए हव्वमागच्छंति ।
१२०
अत्थि णं भंते! भरहे वासे गड्डाइ वा दरीओवायपवायविसमविजलाइ वा ?, नो इणट्टे समट्टे, भरहे वासे बहुसमरमणिजे भूमिभागे पन्नत्ते, से जहाणामए आलिंगपुक्खरेइ वा०, अत्थि णं भंते! भरहे वासे खाणूइ वा कंटगतणयकयवराइ वा पत्तकयवराइ वा ?, नो इणट्टे समझे, arreखाणुकंटगतणकयवरपत्तकयवरा णं सा समा पत्रत्ता, अत्थि णं भंते! भरहे वासे डंसाइ वा मसगाइ वा जूआइ वा लिक्खाइ वा ढिकुणाइ वा पिसुआइ वा, ?, नो इणट्टे समट्ठे, ववगयडंसमसगजू अलिक्खाढेंकुणपिसुआ उवद्दवविरहिआ णं सा समा पश्नत्ता ।
अत्थि णं भंते! भरहे अहीइ वा अयगराइ वा ?, हंता अत्थि, नो चेव णं तेसिं मणुआणं आबाहं वा जाव पगइभद्दया णं ते वालगगणां पन्नत्ता, अत्थि णं भंते! भरहे डिंबाइ वा डमराइ वा कलहबोलखारवइरमहाजुद्धाइ वा महासंगामाइ वा महासत्थपडणाइ वा महापुरिसपडणाइ वा ?,
Jain Education International
For Private & Personal Use Only
www.jainelibrary.org
| SR No. | 003352 |
| Book Title | Agam Sutra Satik 18 Jamboodwippragnapati UpangSutra 07 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 13 MB |