Page Text
________________
प्राभृतं ८, प्राभृतप्राभृतं
(प्राभृतं-८) वृतदेवमुक्तं सप्तमंप्राभृतं, सम्प्रति अष्टममारभ्यते तस्यचायमर्थाधिकारः-'कथं त्वया भगवन् ! उदयसंस्थितिराख्याता' इति, तत इत्थंभूतमेव प्रश्नसूत्रमाह--
मू. (३९)ता कहते उदयसंठिती आहितेति वदेजा?, तत्थखलुइमाओ तिन्निपडिवत्तीओ प० तत्थेगे एवमाहंसु, ता जया णं जंबुद्दीवे २ दाहिणड्ढे अट्ठारसमुहुत्ते दिवसे भवति तताणं उत्तरडेवि अट्ठारसमुहुत्ते दिवसे भवति, जया णं उत्तरढे अट्ठारसमुहुत्ते दिवसे भवति तया णं दाहिणड्डेऽवि अट्ठारसमुहुत्ते दिवसे भवति, त(ज)दाणंजंबुद्दीवे २ दाहिणड्ढे सत्तरसमुहुत्ते दिवसे भवति तया णं उत्तरडेवि सत्तरसमुहुत्ते दिवसे भवति, तयाणं उत्तरढे सत्तरसमुहुत्ते दिवसे भवति तदाणं दाहिणडेविसत्तरसमुहुत्ते दिवसे भवति, एवंपरिहावेतव्वं, सोलसमुहुत्ते दिवसे पन्नरसमुहुत्ते दिवसे चउदसमुहुत्ते दिवसे तेरसमुहत्ते दिवसे जाव णं जंबुद्दीवे २ दाहिणड्ढे बारसमुहुत्ते दिवसे तयाणं उत्तरद्धेवि बारसमुहत्ते दिवसे भवति, जताणं उत्तरद्धे बारसमुहत्ते दिवसे भवति तताणं दाहिणद्धेवि वारसमुहुत्ते दिवसे भवति, तता णं दाहिणद्धे बारसमुहुत्ते दिवसे भवति तता णं जंबुद्दीवे २ मंदरस्स पव्वयस्स पुरच्छिमपञ्चस्थिमेणं सता पन्नरसमुहुत्ते दिवसे भवति सदा पन्नरसमुहुत्ता राई भवति, अवहिताणं तत्थ राइंदिया पन्नत्ता समणाउसो!, एगे एवमाहंसु ।
एगे पुण एवमाहंसुजताणं जंबुद्दीवे २ दाहिणद्धे अट्ठारसमुहुत्तानंतरे दिवसे भवति तया णं उत्तरद्धेवि अट्ठारसमुहुत्तानंतरे दिवसे भवति तया णं उत्तरद्धेवि अट्ठारसमुहत्तानंतरे दिवसे भवइ, जयाणं उत्तरद्धे अट्ठारसमुहुत्ताणंतरे दिवसे भवइ तताणं दाहिणहेविअट्ठारसमुहत्तानंतरे दिवसे भवइ एवं परिहावेतव्वं, सत्तरसमुहत्ताणंतरे दिवसे भवति, सोलसमुहुत्तानंतरे०, पन्नरसमुहत्तानंतरे दिवसे भवति, चोद्दसमुहुत्ताणंतरे०, तेरसमुहत्तानंतरे०, जयाणंजंबुद्दीवर दाहिणद्धे बारसमुहुत्तानंतरे दिवसे भवति तदा णं उत्तरद्धेवि बारसमुहुत्तानंतरे दिवसे, जता णं उत्तरद्धे बारसमुहुत्तानंतरे दिवसे भवइ तयाणंदाहिणद्धेवि बारसमुहुत्ताणंतरे दिवसेभवति तदाणं जंबुद्दीवे २ मंदरस्सपव्वयस्स पुरथिमपञ्चस्थिमेणं नो सदा पन्नरसमुहुने दिवसे भवति नो सदा पन्नरसमुहुत् राई भवति, अनवट्टिता णं तत्थ राइंदिया णं समणाउसो!, एगे एवमाहंसु २।।
एगे पुण एवमाहंसु, ताजयाणं जंबुद्दीवे २ दाहणिड्डे अट्ठारसमुहुत्ते दियसे भवति तदा णं उत्तरद्धे दुवालसमुहुत्ता राई भवति, जयाणं उत्तर अट्ठारसमुहुत्ते दिवसे भवति तदा णं दाहिणड्डे वारसमुहुत्ता (राई भवइ, जया णं दाहिणढे अट्ठारसमुहुत्ता) नंतरे दिवसे भवति तदा णं उत्तरद्धे वारसमुहुत्ता राई भवइ, जता णं उत्तरद्धे अट्ठारसमुहत्तानंतरे दिवसे भवति तदा णं दाहिणड्ढे वारसमुहुत्ता राई भवति, एवं नेतब्वं सगलेहि य अनंतरेहि य एक्कके दो दो आलावका, सव्वहिं दुवालसमुहुत्ता राई भवति, जावताजता णं जंबुद्दीवे २ दाहिणद्धे वारसमुहुत्तानंतरे दिवसे भवति तदाणं उत्तरद्धे दुवालसमुहुत्ता राई भवति, जयाणं उत्तरद्धे बारसमुहुत्ताणंतरे दिवसे भवति तदा णंउत्तरद्धे दुवालसमुहुत्ता राई भवति, जयाणं उत्तरद्धे दुवालसमुहुत्तानंतरे दिवसे भवति तदाणं दाहिणद्धे दुवालसमहुत्ता राई भवति, तता गं जंबुद्दीवे २ मन्दरस्स पव्वयस्स पुरथिमपञ्चत्थिमे णं णेवत्थि पन्नरसमुहुत्ते दिवसे भवति नेवस्थि पन्नरसमुहुत्ता राई भवति, वोच्छिन्ना णं तत्थ राइंदिया पं० समणाउसो! एगे एवमाहंसु ३ । Jain Education International
For Private & Personal Use Only
www.jainelibrary.org
| SR No. | 003350 |
| Book Title | Agam Sutra Satik 16 Suryapragnapati UpangSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 336 |
| Language | Prakrit, Sanskrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 8 MB |