Page Text
________________
पदं-१५, उद्देशकः-२, द्वारं -
नेरइयाणं भंते ! केवइया दव्विदिया अतीता?, गौ! अनेंता, केवइया बद्धेल्लगा?, गो०! असंखेज्जा, केवइया पुरेक्खडा?, गो०! अनंता, एवं जाव गेवेजगदेवाणं, नवरंमणूसाणं बद्धेल्लगा सिय संखेजा सिय असंखेजा, विजयवेजयंतजयंतअपराजितदेवाणं पुच्छा, गो० ! अतीता अनंता बद्धलगाअसंखेञा पुरेक्खडाअसंखेजा, सव्वट्ठसिद्धगदेवाणंपुच्छा, गो०! अतीता अनंता, बद्धेल्लगा संखेजा, पुरेक्खडा संखेजा।
एगमेगस्सणं नेरइयस्स नेरइयत्ते केवइया दबिंदिया अतीता?, गो०! अनंता, केवइया बद्धेल्लगा?, गो०! अट्ट, केवइया पुरेक्खडा?, गो०! कस्सइ अस्थि कस्सइ नत्थि, जस्सस्थिअट्ठ वा सोलस वा छउवीसा वा संखेज्जा वा असंखेज्जा वा अनंता वा।।
एगमेगस्स णं नेरइयस्स असुरकुमारत्ते केवइया दबिंदिया अतीता?, गो० अनंता, केवइया बद्धेल्लगा?, गो० ! नत्थि, केवइया पुरेक्खडा ?, गो० ! कस्सइ अस्थि कस्सइ नस्थि, जस्सस्थि अट्ट वा सोलस वा चउवीसा वा संखेजा वा असंखेजा वा अनंता वा, एवं जाव थणिय कुमारत्ति।
एगमेगस्स णं नेरइयस्स पुढविकाइयत्ते केवइया दबिंदिया अतीता?, गो० ! अनंता, केवइया बद्धेलगा?, गो० ! नत्थि, केवइया पुरेक्खडा?, गो०! कस्सइ अस्थि कस्सइ नस्थि, जस्सस्थि एक्को वा दो वा तिन्नि वा संखेज्जा वा असंखेजा वा अनंता वा, एवंजाव वणस्सइकाइयत्ते
एगमेगस्स णं भंते ! नेरइयस्स बेइंदियत्ते केवइया दविंदिया अतीता?, गो० ! अनंता, केवइया बद्धेल्लगा?, गो० ! नत्थि, केवइया पुरेक्खडा ?, गो० ! कस्सइ अस्थि कस्सइ नत्थि, जस्सस्थि दो वा चत्तारि वासंखेजा वा असंखेज्जा वा अनंता वा, एवं तेइंदियत्तेवि, नवरं पुरेक्खडा चत्तारिअट्ट वा बारस वा संखेज्जा वा असंखेजा वा अनंता वा, एवं चउरिदियत्तेवि, नवरंपुरेखडा छ वा बारस वा अट्ठारस वा संखेज्जा वा संखेजा वा अनंताचा, पंचिंदियतिरिक्खजोणियत्ते जहा असुरकुमारत्ते मणूसत्तेवि एवं चेव, नवरं केवइया पुरेक्खडा?, अट्ठ वा सोलस वा चउवीसावा संखेज्जा वा असंखेज्जा वा अनंता वा, सव्वेसिं मणूसवजाणं पुरेक्खडा मणूसत्ते कस्सइ अस्थि कस्सइ नत्स्थि एवं न बुच्चति, वाणमंतरजोइसियसोहम्मग जाव गेवेजगदेवत्ते अतीता अनंता बद्धेल्लगा नत्थि, पुरेखडा कस्सई अस्थि कस्सइ नत्थि जस्स अस्थि अट्ठ वा सोलस वा चउवीसा वा संखेजा वा असंखेजा वा अनंता वा,
एगमेगस्स णं भंते ! नेरइयस्स विजयवेजयंतजयंतअपराजितदेवत्ते केवइया दबिंदिया अतीता?, नत्थि, केवइया पुरेक्खडा?, कस्सइ अस्थि कस्सइ नस्थि जस्स अस्थि अट्ट वा सोलस वा, सव्वट्ठसिद्धगदेवत्ते अतीता नत्थि, बद्धेल्लगा नत्थि, पुरेक्खडा कस्सइ अस्थि कस्सइ नत्यि जस्स अस्थि अट्ठ वा सोलस वा, सव्वट्ठसिद्धगदेवत्ते अतीता नत्थि, बद्धलगा नत्थि, पुरेक्खडा कस्सइ अस्थि कस्सइ नस्थिजस्स अस्थि अट्ठा एवं जहा नेरइयदंडओ नीतो तहा असुरकुमारेणवि नेतब्बो, जाव पंचिंदियतिरिक्खजोणिएणं, नवरं जस्स सहाणे जइ बद्धेल्लगा तस्स तइ भाणियव्वा
एगमेगस्स णं भंते ! मणूसस्स नेरइयत्ते केवइया दबिंदिया अतीता, गो० ! अनंता, केवइया बद्धलगा?, नस्थि, केवइया पुरेक्खडा?, कस्सइ अस्थि कस्सइनस्थि जस्सस्थिअट्ट वा सोलस वा चउवीसावा संखेज्जा वाअसंखेज्जावा अनंता वा, एवंजाव पंचिंदियतिरिक्खजोणियत्ते, नवरं एगिदियविगलिदिएसु जस्स जइ पुरेक्खडा तस्स तत्तिया भाणियव्वा,
Jain Education International
For Private & Personal Use Only
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |