Page Text
________________
पदं-, ३ उद्देशक:-, द्वारं- ३
-: पदं - ३ - दारं- ३ :- "इन्द्रियं':
मू. (२६२) एएसि णं भंते! सइंदियाणं एगिंदियाणं बेइंदियाणं तेइंदियाणं चउरिदियाणं पंचिंदियाणं अनिंदियाणं कयरे कयरेहिंतो अप्पा वा बहुया वा तुल्ला वा विसेसाहिया वा ?, गोयमा! सव्वत्थोवा पंचिंदिया चउरिदिया विसेसाहिया तेइंदिया विसेसाहिया बेइंदिया विसेसाहिया अनिंदिया अनंतगुणा एगिंदिया अनंतगुणा सइंदिया विसेसाहिया ।
एएसि णं भंते! सइंदियाणं एगिंदियाणं बेइंदियाणं तेइंदियाणं चउरिदियाणं पंचिंदियाणं अपजत्तगाणं कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पंचिंदिया अपजत्तगा चउरिदिया अपजत्तगा विसेसाहिया तेइंदिया अपञ्जत्तगा विसेसाहिया बेइंदिया अपजत्तगा विसेसाहिया एगिंदिया अपज्जत्तगा अनंतगुणा सइंदिया अपजत्तगा विसेसाहिया ।।
एएसि णं भंते! सइंदियाणं एगिंदियाणं बेइंदियाणं तेइंदियाणं चउरिदियाणं पंचिंदियाणं पत्ताणं कतरे कतरेहिंतो अप्पा वा बहुया वा तुल्ला वा विसेसाहिया वा ?, गोयमा ! सव्वत्थोवा चउरिदिया पजत्तगा पंचिंदिया पजत्तगा विसेसाहिया बेइंदिया पजत्तया विसेसाहिया तेइंदिया पजत्तगा विसेसाहिया एगिंदिया पजत्तगा अनंतगुणा सइंदिया पज्जत्तगा विसेसाहिया ।।
एएसि णं भंते! सइंदियाणं पञ्जत्तापञ्जत्ताणं कयरे कयरेहिंतो अप्पा वा बहुया वा तुल्ला वा विसेसाहिया चा ?, गोयमा ! सव्वत्थोवा सइंदिया अपजत्तगा सइंदिया पजत्तगा संखेजगुणा ।। एएसिणं भंते! एगिंदियाणं पज्जत्तापज्जत्ताणं कयरे कयरेहिंतो अप्पा वा बहुया वा तुल्ला वा विसेसाहिआ वा ?, गोयमा! सव्वत्थोवा एगिंदिया अपजत्तगा एगिंदिया पज्जत्तगा संखेज्जगुणा एएसि णं भंते! बेइंदियाणं पज्जत्तापज्जत्ताणं कयरे कयरेहिंतो अप्पा वा बहुया वा तुल्ला वा विसेसाहिआ वा ?, गोयमा ! सव्वत्थोवा बेइंदिया पज्जत्तगा बेइंदिया अपत्तगा असंखेजगुणा
एएसि णं भंते! तेइंदियाणं पञ्जत्तापजत्ताणं कयरे कयरेहिंतो अप्पा वा बहुया वा तुल्ला वा विसेसाहिआ वा ?, गोयमा ! सव्वत्योवा तेइंदिया पज्जत्तगा तेइंदिया अपज्जतगा असंखेजगुणा एएसि णं भंते! चउरिदियाणं पञ्जत्तापजत्ताणं कयरे कयरेहिंतो अप्पा वा बहुया वा तुल्ला वा विसेसाहिता वा?, गोयमा ! सव्वत्थोवा चउरिंदिया पज्जत्तगा चउरिंदिया अपजत्तगा असंखेज्जगुणा
१२९
एएसि णं भंते! पंचिंदियाणं पञ्जत्तापजत्ताणं कयरे कयरेहिंतो अप्पा वा बहुया वा तुल्ला वा विसेसाहिआवा?, गोयमा ! सव्वत्थोवा पंचेदिया पज्जत्तगा पंचेदिया अपजत्तगा असंखेजगुणा एएसि णं भंते सइंदियाणं एगिंदियाणं बेइंदियाणं तेइंदियाणं चउरिदियाणं पंचिंदियाणं पत्तापजत्ताणं कयरे कयरेहिंतो अप्प वा बहुया वा तुल्ला वा विसेसाहिआ वा ?, गोयमा ! सव्वत्थोवा चउरिंदिया पज्जत्तगा पंचिंदिया पज्जत्तगा विसेसाहिआ बेइंदिया पचत्तगा विसेसाहिआ तेइंदिया पचत्तगा विसेसाहिआ पंचिंदिया अपजत्तगा असंखेज्जगुणा चउरिंदिया अपजत्तगा विसेसाहिआ तेइंदिया अपजत्तगा विसेसाहिआ बेइंदिया अपजत्तगा विसेसाहिआ एगिंदिया अपजत्तगा अनंतगुणा सइंदिआ अपज्जत्तगा विसेसाहिआ एगिंदिया पज्जत्तगा संखेज्जगुणा सइंदिआ पजत्तगा विसेसाहिआ सइंदिया विसेसाहिआ ।
बृ. सर्वस्तोकाः पञ्चेन्द्रियाः सङ्केत्ययोजनकोटीकोटीप्रमाणविष्कम्भसुचीप्रमितप्रतरासङ्केत्यय
109
Jain Education International
For Private & Personal Use Only
www.jainelibrary.org
| SR No. | 003349 |
| Book Title | Agam Sutra Satik 15 Pragnapana UpangSutra 04 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 664 |
| Language | Prakrit, Sanskrit |
| Classification | Book_Devnagari, Agam, Canon, Agam 15, & agam_pragyapana |
| File Size | 14 MB |