Page Text
________________
५४
जीवाजीवाभिगमउपाङ्गसूत्रम् १/१/४८
॥२॥ छढिंच इत्थियाउ मच्छा मणुया य सत्तमं पुढविं ।
एसो परभुववाओ बोद्धव्वो नरयपुढवीसु ॥ -उक्ताः पञ्चेन्द्रियतिर्यञ्चः, सम्प्रति मनुष्यप्रतिपादनार्थमाहमू. (४९) से किं तं मणुस्सा?, २ दुविहा पन्नत्ता, तंजहा-संमुच्छिममणुस्सा य गब्भवकंतियमणुस्सा य । कहि णं भंते ! संमुच्छिममणुस्सा संमुच्छंति?, गोयमा ! अंतो मणुस्सखेत्ते जाव करेंति । तेसिणं भंते ! जीवाणं कति सरीरंगा पन्नत्ता?, गोयमा ! तिनि सरीरगा पन्नत्ता, तंजहा-ओरालिए तेयए कम्मए, सेतं समुच्छिममणुस्सा।
से किंतं गब्भवक्कंतियमणुस्सा?, २तिविहा पन्नत्ता, तंजहा--कम्मभूमया अकम्मभूमगा अंतरदीवगा, एवं माणुस्सभेदो भाणियव्यो जहा पन्नवणाए तहा निरवसेसं भाणियव्वं जाव छउमत्था य केवली य, ते समासतो दुविहा पन्नत्ता, तंजहा-पजत्ता य अपनत्ता य।
तेसि णं भंते ! जीवाणं कति सरीरा प०?, गोयमा! पंच सरीरया, तंजहा-ओरालिए जाव कम्मए।सरीरोगाहणा जहन्नेणं अंगुलअसंखेज० उक्कोसेणं तिन्नि गाउयाइंछच्चेव संघयणा छस्संढाणा । तेणं भंते ! जीवा किं कोहकसाई जाव लोभकसाई अकसाई?, गो०! सव्वेवि। ते णं भंते! जीवा किं आहारसन्नोवउत्ता० लोभसन्नोवउत्तानोसनोवउत्ता?, गोयमा! सब्वेवि।
तेणं भंते! जीवा किं कण्हलेसाय जाव अलेसा?, गोयमा! सव्वेवि । सोइंदियोवउत्ता जाव नोइंदियोवउत्तावि, सब्बे समुग्घाता, तंजहा-वेयणासमुग्धातेजाच केवलिसमुग्घाए, सन्त्रीवि नोसन्नी असन्त्रीवि, इथिवेयावि जाव अवेदावि, पंच पञ्जत्ती, तिविहावि दिट्ठी, चत्तारि दसणा।
नाणीवि अन्नाणीवि, जे नाणी ते अत्यंगतिया दुनाणी अत्थेगतिया तिनाणी अत्थेगइया चउनाणी अत्थेगतिया एगनाणी, जे दुन्नाणी ते नियमा आभिनिबोहियणाणी सुतनाणी य, जे तिनाणी ते आभिनिबोहियनाणी सुतनानी ओहिनानी य, अहवा आभिनिबोहियणाणी सुयनाणी मणपजवनाणी य, जे चउनाणी ते नियमा आभिणिबोहियनाणी सुत० ओहि० मणपजवनाणी य, जे एगनाणी ते नियमा केवलनाणी, एवं अन्नाणीवि दुअन्नाणी तिअन्नाणी।
मनजोगीवि वइकायजोगीवि अजोगीवि, दुविहउवओगे, आहारो छदिसिं, उववातो नेरइएहिं अहे सत्तमवजेहिं तिरिक्खजोणिएहितो, उववाओ असंखेज्जवासाउयवजेहिं मणुएहिं अकम्मभूमगअंतरदीवगअसंखेजवासाउयवजेहिं।
देवेहिं सव्वेहिं, ठितीजहन्नेणं अंतोमुहत्तं उक्कोसेणंतिन्निपलिओवमाई, दुविधावि मरंति, उब्बट्टित्ता नेरइयादिसु जाव अणुत्तरोववाइएसु, अत्थेगतिया सिझंति जाव अंतं करेंति।
तेणंभंते! जीवा कतिगतिया कइआगइया पन्नता?, गोयमा! पंचगतिया चउआगतिया परित्ता संखिजा पन्नत्ता, सेत्त मणुस्सा॥
वृ.अथ केतेमनुष्याः?, सूरिराह-मनुष्या द्विविधाः प्रज्ञप्ताः, तद्यथा-संमूर्छिममनुष्याश्च गर्भव्युत्क्रान्तिकमनुष्याश्च, चशब्दौ स्वगतानेकभेदसूचकी।
तत्र संमूर्छिममनुष्यप्रतिपादनार्थमाह-'कहिणंभंते!' इत्यादि, कत्र भदन्त! संमूर्छिममनुष्याः संमूर्च्छन्ति?, भगवानाह-गौतम! 'अंतो मनुस्सखेत्तेजाव करेंति' इति, अत्र यावत्करणादेवं परिपूर्णपाठः-"अंतोमनुस्सखेत्ते पणयालीसाए जोयणसयसहस्सेसुअड्डाइजेसुदीवसमुद्देसु
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |