Page Text
________________
प्रतिपत्तिः-३, दीव०
"ह" अधिकार:मू. (१८७) कहि णं भंते ! उत्तकुराए २ नीलवंतहहेणामं दहे पन्नत्ते ?, गोयमा ! जमगपब्बयाणं दाहिणेणं अट्ठचोत्तीसे सजोयणसतेचत्तारि सत्तभागा जोयणस्स अबाहाए सीताए महानईए बहुमज्झदेसभाए, एत्थ णं उत्तरकुराए २ नीलवंतहहे नाम इहे पन्नत्ते।
उत्तरदक्खिणायए पाईणपडीणविच्छिन्ने एगंजोयणसहस्संआयामेणं पंच जोयणसत्ताई विक्खंभेणं दस जोयणाई उव्वेहेणं अच्छे सण्हे रयतामतकूले चउक्कोणे समतीरे जाव पडिलवे उमओ पसि दोहि य पउमवरवेइयाहिं वनसंडेहिं सब्बतो समंता संपरिक्खित्ते दोण्हविवण्णओ
नीलवंतदहस्स णं दहस्स तत्थ २ जाव बहवे तिसोवाणपडिरूवगा पन्नता, वण्णओ भाणियब्बो जाव तोरणत्ति। तस्स णं नीलवंतद्दहस्सणं दहस्स बहुमज्झदेसभाए एत्थणं एगे महं पउमे पन्नते, जोयणं आयामविक्खंभेणं तं तिगुणं सविसेसं परिक्खेवेणं अद्धजोयणं बाहल्लेणं दस जोयणाइं उब्वेहेण दो कोसे ऊसिते जलंतातो सातिरेगाइं दसद्धजोयणाई सम्बग्गेणं प०
तस्स णं पउमस्स अयमेयारवे वण्णावासे पन्नते, तंजहा-वइरामता मूला रिहामते कंदे वेरुलियामए नाले वेरुलियामता बाहिरपत्ता जंबूनयमया अमितरपत्ता तवणिजमया केसरा कणगामई कणिया नानामणिमया पुक्खरस्थिभुता ॥ सा णं कण्णिया अद्धजोयणं आयामविक्खंभेणं, तं तिगुणं सविसेसं परिक्खेवणं कोसं बाहल्लेणं सव्वप्पणा कणगमई अच्छा सण्हा जाव पडिलवा ।। तीसे णं कण्णियाए उवरि बहुसमरमणिजे देसभाए पन्नते जाव मणीहिं।
तस्सणंबहुसमरमणिजस्स भूमिभागस्स बहुमज्झदेसभाए एत्थणंएगेमहं भवणे पन्नते, कोसं आयामेणं अद्धकोसं विक्खंभेणं देसूर्ण कोसं उलु उच्चत्तेमं अनेगखंभसतसंनिविठं जाव वण्णओ, तस्स गं भवणस्स तिदिसिं ततो दारा पन्नता पुरथिमेणं दाहिणेणं उत्तरेणं, ते णं दारा पंचधणुसयाई उई उन्नत्तेणं अड्डाइजाइं धनुसताई विखंभेणं तावतियं चेव पवेसेणं सेया वरकणगथभियागा जाव वनमालाउत्ति || तस्स णं भवणस्स अंतो बहुसमरमणिजे भूमिभागे पण्णत्ते से जहा नामए-आलिंगपुक्खरेति वा जाव मणीणं वण्णओ।
तस्स णं बहुसमरमणिजस्स भूमिभागस्स बहुमज्झदेसभाए एत्थ णं मणिपेढिया पन्नत्ता, पंचधनुसयाई आयामविक्खंभेणं अड्डाइजाइंधनुसताई बाहलेणं सव्वमणिमई।
तीसेणं मणिपेढियाएउवरि एत्यणंएगे महं देवसयणिज्जे पन्नते, देवसयंणिजस्सवण्णओ सेणं पउमे अन्नेणं अट्ठसतेणं तदद्धचत्तप्पमाणमेत्ताणं पउमाणं सव्वतो समंता संपरिक्खित्ते । ते गं पउमा अद्धजोयणं आयामविक्खंबेणं तं तिगुणं सविसेसं परिक्खेवेणं कोसं बाहल्लेणं दस जोयणाइं उब्बेहेणं कोसं ऊसिया जलंताओ साइरेगाइते दस जोयणाइंसबग्गेणं पन्नत्ताई।
तेसि णं परमाणं उयमेयारूवे वण्णावासे पन्नत्ते, तंजहा-वइरामया मूला जाव नानामणिमया पुक्खरस्थिभुगा ।। ताओ णं कण्णियाओ कोसं आयामविक्खंभेणं तं तिगुणं स० परि०अद्धकोसंबाहल्लेमंसव्वकणगामईओ अच्छाओ जावपडिरूवाओ।तासिणंकणियाणं उप्पिं बहुसमरमणिज्जा भूमिभागाजाव मणीणं वण्णो गंधो फासो। तस्स णं पउमस्स अवरुत्तरेणं उत्तरेणं उत्तरपुरच्छिमेणं नीलवंतद्दहस्स कुमारस्स चउण्हं सामानियसाहस्सीणं चत्तारि पउमसाहस्सीओ पन्नत्ताओ, एवं सम्बो परिवारो नवरि पउमाणं भाणितव्यो।
For Private & Personal Use Only
Jain Education International
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |