Page Text
________________
प्रतिपत्तिः - ३, दीव०
सुगंधवरगंधियं गंधवट्टिभूयं करति
अप्पेगइया देवा हिरण्णवासं वासंति, अप्पेगइया देवा सुवण्णवासं वासंति, अप्पेगइया देवा एवं रयणवासं वइरावासं पुष्पवासं मल्लवासं गंधवासं चुण्णवासं वत्थवासं आहरणवासं, अप्पेगइया देवा हिरण्णविधिं भाइंति, एवं सुवण्णविधिं रयणविधिं वतिरविधिं पुष्फविधिं मल्लविधिं चुण्णविधिं गंधविधिं वत्थविधं भाइति आभरणविधिं अप्पेगतिया देवा दुयं नट्टविधिं उवदंसेति अप्पे० विलंबितं नट्टविहिं उवदंसेति अप्पेग० देवा दुतविलंबितं नाम नदृविधिं उवदंसेति अप्पेग० देवा अंचियं नट्टविधिं उवदंसेति अप्पेग० देवा रिभितं नट्टविधिं उवदंसेति अ० अंचितरिभितं नाम दिव्वं नट्टविधिं उवदंसेति अप्पेग० देवा आरभड नट्टविधिं उवदंसेति अप्पेग० देवा भसोलं नट्टविधिं उवदंसेति अप्पेग० देवा आरभडभसोलं नाम दिव्वं नट्टविधिं उवदंसेति अप्पेगतिया देवा उपायणि वायपवृत्तं संकुचियपसारियं रियारियं भंतसंभंतं नाम दिव्वं णट्टविधिं उवदंसेति अप्पेगतिया देवा चउव्विधं वातियं वादेति, तंजहा-
२६३
ततं विततं धणं झुसिरं, अप्पेगतिया देव चउव्विधं गेयं गातंति, तंजहा - उक्खित्तयं पवत्तयं मंदायं रोइदावसाणं, अप्पेगतिया देवा चउव्विधं अभिनयं अभिनयंति, तंजहा-दिट्ठतियं पाडंतियं सामन्तोवमिवातियं लोगमज्झावसाणियं अप्पेगतिया देवा पीणंति अप्पेगतिया देवा वुक्कारेति अप्पेग० देवा तंडवेति अप्पे० लासेति अप्पेगतिया देवा पीणंति वुक्कारेति तंडवेति लासंति अप्पेगतिया देवा वुक्कारेति अप्पेगतिया देवा अप्फोडंति अप्पेगतिया देवा वग्गति ।
-अप्पेगतिया देवा तिवतिं छिंदंति अप्पेगतिया देवा अप्फोडेति वग्गति तिवतिं छिंदेति अप्पेगतिया देवा हतहेसियं करेति अप्पेगतिया देवा हत्यिगुलगुलाइयं करेति अप्पेगतिया देवा रहघणघणातियं करेति अप्पेगतिया देवा हयहेसियं करेति हत्थिगुलगुलाइयं करेति रहघणघणाइयं करेति अप्पेग० देवा उच्छोलेति अप्पेग० देवा पच्छोलेति [ अप्पेगतिया देवा उक्कट्ठि करेति]
अप्पेगतिया देवा उकिडीओ करेति अप्पेगतिया देवा उच्छोलेति पच्छोलिंति उक्किडिओ करेति अप्पेगतिया देवा सीहनादं करेति अप्पेगतिया देवा पाददद्दरयं करेंत अप्पेगतिया देवा भूमिचवेडं दलयंति अप्पेगतिया देवा सीहनादं पाददद्दरयं भूमिचवेडं दलयंति, अप्पेगतिया देवा हक्कारेति अप्पेगतिया देवा वुक्करेति अप्पेगतिया देवा धक्कारेति अप्पे० पुकारेति अप्पेगतिया देवा नामाई सार्वेति अप्पेगतिया देवा हक्कारेति वुक्कारेति थक्कारेति पुकारेति नामाई सार्वेति ।
-अप्पेगतिया देवा उप्पतंति अप्पेगतिया देवा निवयंति अप्पेगतिया देवा परिवयंति अप्पेगतिया देवा उप्पयंति निवयंति परिवयंति अप्पेगतिया देवा जलेति अप्पेगतिया देवा तवंति अप्पेगतिया देवा पतवंति अप्पेगतिया देवा जलंति तवंति पतवंति अप्पेगइया देवा गजेति अप्पेगइया देवा विजुयायंति अप्पेगइया देवा वासंति अप्पेगइया देवा गज्जूंति विज्जुयायंति वासंति अप्पेगतिया देवा देव सन्निवार्य करेति अप्पेग० देवा देवकलियं करेति अप्पेग० देवा देवकहकहं करेंति
- अप्पेगतिया देवा दुहदुहं करेति अप्पेगतिया देवा देवसन्निवायं देवउक्कलियं देवकहकहं देवदुहदुहं करेति अप्पेगतिया देवा देवुज्जोयं करेति अप्पेगतिया देवा विजुयारं करेति अप्पेगतिया देवा चेलुक्खेवं करेति अप्पेगतिया देवा देवुज्जीयं विजुतारं चेलुक्खेवं करेंति अप्पेगतिया देवा उप्पलहत्थगता जाव सहस्सपत्त० घंटाहत्थगता कलसहत्थगता जाव धूवकडुच्छहत्थगता हट्ठ
For Private & Personal Use Only
Jain Education International
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |