Page Text
________________
२६२
जीवाजीवाभिगमउपाङ्गसूत्रम् ३/दीव०/१७९ सव्ववक्खारपव्वता सव्वतुवरे य जेणेव सव्वंतरणदीओ सलिलोदगं गेण्हंति २ तं चेव ।
जेणेव मंदरे पव्वते जेमेव भद्दसालवने तेणेव उवागच्छंति सव्वतुवरे य जाव सव्योसहिसिद्धत्थए गिण्हति २त्ता जेणेव नंदनवने तेणेव उवागच्छइ २ ता सव्चतुवरे जाव सव्वोसहिसिद्धत्थे य सरसंच गोसीसचंदणं गिण्हतिर ताजेणेव सोमनसवणे तेणेव उवागच्छंति तेणेव उवागच्छित्तासम्वतुवरे यजावसम्बोसहिसिद्धत्थए यसरसगोसीसचंदणंदिव्बंच सुमनदाम गेण्हंति गेण्हित्ता । जेणेव पंडगवने तेणामेव समुवागच्छंति तेणेव समुवा०२ त्ता सव्वतूबरे जाव सव्वोसहिसिद्धत्थए सरसं च गोसीसचंदणं दिव्यं च सुमणोदामं ददरयमलयसुगंधिए य गंधे गेण्हंति र त्ता एगतो मिलति २ ता जंबूद्दीवस्स पुरथिमिल्लेणं दारेणं निग्गच्छंति पुरथिमिल्लेणं निग्गच्छिताताए उक्किट्ठाएजाव दिव्वाए देवगतीए तिरियमसंखेजाण दीवसमुदाणं मन्झमज्झेणं वीयीवयमाणा २ जेणेव विजयारायहाणी तेणेव उवागच्छंतिर त्ता विजयंरायहाणिं अणुप्पयाहिणं करेमाणा र जेणेव अभिसेयसभा जेणेव विजए देवे तेणेव उवागच्छंति र त्ता करतलपरिग्गहितं सिरसावत्तं मत्थए अंजलिं कडे जएणं विजएणं वद्धाति विजयस्स देवस्स तं महत्थं महग्धं महरिहं विपुलं अभिसेयं उवट्ठवेति।
ततेणंतं विजयदेवं चत्तारिय सामानियसाहस्सीओ चत्तारि अग्गमहिसीओसपरिवाराओ तिन्नि परिसाओ सत्त अनिया सत्तअनियाहिवई सोलस आयरखदेवसाहस्सीओ अन्ने यबहवे विजयरायधाणिवत्थव्वगा वाणमंतरा देवा य देवीओ य तेहिं सामावितेहि उत्तरवेउवितेहिं य वरकमलपतिढाणेहिं सुरभिवरवारिपडिपुण्णेहिं अट्ठसहस्साणं सोवणियाणं कलसाणं रूप्पमयाणं ताव अडसहस्साणं भोमेयाणं कलसाणं । सव्वोदएहिं सव्वमट्टियाहिं सव्वतुपरेहिं सव्वपुप्फेहिं जाव सब्बोसहिसिद्धत्थएहिं सब्बिड्डीए सब्बजुत्तीए सब्बबलेणं सव्वसमुदएणं सव्वायरेणं सव्वविभूतिए सव्वविभूसाए सव्वसंभमेणं सव्वोरोहेणं सव्वणाडएहिं सव्वपुप्फगंधमल्लालंकारविभूसाए सव्वदिव्यतुडियणिणाएणं महया इवीए महया जुत्तीए महया बलेणं महता समुदएणं महता तुरियजमगसमगपडुप्पवादितरवेणं संखपणवपडहभेरिझल्लरिखरमुहिमरवमुयंगदुंदुहिहुडुक्कनिग्धोससंनिनादितरवेणं महता महता इंदाभिसेगेणं अभिसिंचंति॥
तएणं तस्स विजयस्स देवस्स महता महता इंदाभिसेगंसि वट्टमाणंसि अप्पेगतिया देवा नच्चोदंग नातिमट्टियं पविरलफुसियं दिव्वंसुरभिरयरेणुविणासणंगंवोदगवासं वासंति, अप्पेगतिया देवा निहतरयं नट्टरयं भट्टरयं पसंतरयं उवसंतरयं करेति, अप्पेगतिया देवा विजयं रायहाणिं सभितरबाहिरियं आसितसम्मज्जितोवलितं सित्तसुइसम्मट्टरत्यंतरावणवीहियं करेंति।
अप्पेगतिया देवा विजयं रायहाणिं मंचातिमंचकलितं करेंति, अप्पेगतिया देवा विजयं रायहाणिं नानाविहरागरंजियऊसियजयविजयवेजयन्तीपडागातिपडागमंडितंकरोति, अप्पेगतिया देवा विजयं रायहाणं लाउल्लोइयमहियं करेंति, अप्पेगतिया देवा विजयं गोसीससरसरत्तचंदणददरदिण्णपंचंगुलितलंकाति, अप्पेगतिया देवा विजयं उवचियचंदणकलसं चंदणघडसुकयतोरणपडिदुवारदेसभागंकरति अप्पेगतिया देवा विजयं आसत्तोसत्तविपुलवट्टवग्धारितमल्लदामकलावं करेंति, अप्पेगइया देवा विजयरायहाणि पंचवण्णसरससुरभिमुक्कपुप्फपुंजोवयारकलितं करेंति, अप्पेगइया देवा विजयं कालागुरुपवरकुंटुरुक्कतुरुक्कधूवडन्झंतमघमघेतगंधुदुयाभिरामं For Private & Personal Use Only
www.jainelibrary.org
Jain Education International
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |