Page Text
________________
२५८
जीवाजीवाभिगमउपाङ्गसूत्रम् ३/दीव०/१७८ पन्नत्ता जहा सुधम्मा तहेव जाव गोमाणावीओ उववायसभाएवि दारा मुहमंडवा सव्वं भूमिभागे तहेव जाव मणिफासो । तस्सणं बहुसमरमणिज्जस्स भूमिभागस्स बहुमज्झदेसभाए एत्य णं एगा महं मणिपेढिया पन्नत्ता जोयणं आयामविक्खंभेणं अद्धजीयणं बाहल्लेणं सव्यमणिमती अच्छा, तीसे णं मणिपेढियाए उपिं एत्थ णं एगे महं देवसयणिजे पन्नत्ते, तस्स णं देवसयणिजस्स वण्णओ, उववायसभाए णं उपिं अट्ठमंगला झया छत्तातिछत्ता जाव उत्तिमागारा।
तीसे णं उववायसभाए उत्तरपुरच्छिमेणं एत्य णं एगे महं हरए पन्नते, से णं हरए अद्धतेरसजोयणाई आयामेणं छकोसातिं जोयणाई विखंभेणं दस जोयणाई उब्बेहेणं अच्छे सण्हे वण्णओ जहेव नंदाणं पुक्खरिणीणं जाव तोरणवण्णओ,तस्स णं हरतस्स उत्तरपुत्थिमेणं एत्थ णं एगा महं अभिसेयसभा पण्णत्ता जहा सभासुधम्मातंचेव निरवसेसंजाव गोमाणसीओ भूमिभाए उल्लोए तहेव।
तस्स गं बहुसमरमणिजस्स भूमिभागस्स बहुमज्झदेसभए एत्थ णं एगा महं मणिपेढिया पन्नता जोयणं आयामविक्खंभेणं अद्धजोयणं बाहल्लेणं सव्वमणिमया अच्छा।
तीसेणंमणिपेढियाएउपिएत्यणंमहंएगे सीहासणे पन्नत्ते, सीहासमवण्णओअपरिवारो तत्थ णं विजयस्स देवस्स सुबहु अभिसेक्क भडे संनिक्खित्ते चिट्ठति, अभिसेयसभाए उपिं अट्ठमंगलए जावउत्तिमागारा सोलसविधेहिं रयणेहिं, तीसेणंअभिसेयसभाए उत्तरपुरथिमेणं एत्थणंएगा महंअलंकारियसभावत्तव्यया भाणियव्वा जाव गोमाणसीओ मणिपेढियाओ जहा अभिसेयसभाए उप्पिं सीहासणं स(अ)परिवारं।।
तत्य णं विजयस्स देवस्स सुबहु अलंकारिए भंडे संनिक्खित्ते चिट्ठति, उत्तिमागारा अलंकारिय० उपिं मंगलगा झया जाव (छत्ताइछत्ता)।तीसेणंआलंकारियसहाएउत्तरपुरस्थिमेणं एत्य णंएगा महं ववसातसभा पण्णत्ता, अभिसेयसभावत्तव्यया जाव सीहासणं अपरिवारं।
त(ए)त्थणं विजयस्स देवस्स एगे महं पोत्थयरयणे संनिखिते चिट्ठति, तत्थ णं पोत्थयरयणस्स अयमेयासवे वण्णावासे पन्नत्ते, तंजहा-रिट्ठामतीओ कंबियाओ रतवणिजमए दोरे नानामणिमए गंठी रुलियमए लिप्पासणे धम्मिए सत्ये ववसायसभाएणं उप्पिं अट्टमंगलगा झया छत्तातिछत्ता उत्तिमागारेति । तीसे णं ववसा यसभ ए उत्तरपुरच्छिमेणं एगे महं बलिपेढे पन्नते दो जोयणाई आयामविखंभेणं जोयणं बाहल्लेणं सव्वरयतामए अच्छे जाव पडिरूवे। एत्थणं तस्सणं बलिपेढस्स उत्तरपुरस्थिमेणं एगा महं नंदापुक्खरिणी पन्नताजंचेवमणंहरयस्स तंव सव्वं ॥
वृ. 'तस्सण'मित्यादि, तस्यसिद्धायतनस्य उत्तरपूर्वस्यामत्र महत्येका उपपातसमाप्रज्ञप्ता, तस्याश्च सुधासभाया इव प्रमाणं त्रीणि द्वाराणितेषांच द्वाराणांपुरतो मुखमण्डपाइत्यादिसर्व तावद्वक्तव्यंयावद्गोमानसीवर्णनं, तदनन्तरमुल्लोकवर्णनंततो भूमिभागवर्णनंचबहुसमरमणीयस्य भूमिभागस्य बहुमध्यदेशभागेऽत्रमहत्येका मणिपीठिका प्रज्ञप्ता, योजनमेकमायामविष्कम्भाभ्यामर्द्धयोजनंबाहल्येन सर्वात्मनामणिमयीअच्छाइत्यादि विशेषणजातं प्राग्वत्, तस्याश्चमणिपीठिकायाउपरिअत्रमहदेकंदेवशयनीयंप्रज्ञप्तं, तस्य स्वरूपवर्णनं यथा सुधर्मायांसभायां देवशयनीयस्य तस्य तथा द्रष्टव्यं, तस्या अपि उपपातसभाया उपरि अष्टावष्ट मङ्गकानित्यादि प्राग्वत्।
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |