Page Text
________________
प्रतिपत्तिः-३, दीव०
२४७
जाव वणमालादारवाओ। तेसि णं दाराणं पुरओ मुहमंडवा पन्नत्ता, ते णं मुहमंडवा अद्धतेरसजोयणाई आयामेणं छजोयणाई सक्कोसाइं विक्खंभेणं साइरेगाइं दो जोयणाई उड्डे उच्चत्तेणंमुहमंडवा अनेगखंभसय-संनिविट्ठाजाव उल्लोया भूमिभागवण्णओ।। तेसिणंमुहमंडवाणं उवरिं पत्तेयं पत्तेयं अट्ट मंगला पन्नत्ता सोत्थिय जाव मच्छ० ।
तेसि णं मुहमंडवाणं पुरओ पत्तेयं पत्तेयं पेच्छाघरमंडवा पन्नत्ता, ते णं पेच्छघरमंडवा अद्धतेरसजोयणाइंआयामेणंजाव दोजोयणाइंउड्डंउच्चत्तेणंजाव मणिफासो।।तेसिणंबहुमज्झदेसभाए पत्तेयं पत्तेयं वइरामयअक्खाडगा पन्नत्ता, तेसिणंवइरामयाणं अक्खाडगाणंबहुमज्झ. देसभाए पत्तेयं २ मणिपीढिया पन्नत्ता, ताओ णं मणिपीठियाओ जोयणमेगं आयामविक्खंभेणं अद्धजोयणं बाहल्लेणं सब्यमणिमईओ अच्छाओ जाव पडिरुवाओ।
तासिणं मणिपीढियाणं उप्पिं पत्तेयं पत्तेयं सीहसणा पन्नत्ता, सीहासणवण्णओ जाव दामा परिवारो । तेसिणं पेच्छाघरमंडवाणं उपिं अट्टमंगलगा झया छत्तातिछत्ता ।। तेसि णं पेच्छाघरमंडवाणं पुरतो तिदिसिं तओ मणिपेढियाओ पं० ताओ णं मणिपेढियाओ दो जोयणाई आयामविक्खंभेणं जोयणं बाहल्लेणं समणिमतीओ अच्छाओ जाव पडिरूवाओ।
तासि णमणिपेढियाणं उप्पिं पत्तेयं पत्तेयं चेइयथूभा पन्नत्ता, तेणंचेइयथूभादोजोयणाई आयामविखंभेणं सातिरेगाई दो जोयणाइंउटुंउच्चत्तेणं सेया संखंककुंददगरयामयमहितफेणपुंजसन्निकासासवरयणामयाअच्छा जाव पडिरूवा।।तेसिणं चेइयथूभाणं उपिं अट्ठ मंगलगा बहुकिण्हचामरझया पन्नता छत्तातिछत्ता।।
तेसि णं चेतियथूभाणं चउद्दिसिं पत्तेयं पत्तेयं चत्तारि मणिपेढियाओ पताओ णं मणिपेढियाओ जोयणं आयामविखंभेणं अद्धजोयणं बाहल्लेणं सव्वमणिमईओ।। तासि णं मणिपीठियाणं उप्पिं पत्तेयं पत्तेयं चत्तारि जिनपडिमाओजिणुस्सेहपमाणमेत्ताओपलियंकनिसण्णाओ तूभाभिमुहीओ सन्निविट्ठाओ चिट्ठति,तंजहा-उसभा वद्धमाणा चंदानना वारिसेणा।
तेसिणं चेतियथूभाणं पुरतो तिदिसिं पत्तेयं पत्तेयं मणिपेढियाओ पन्नत्ताओ, ताओ णं मणिपेढियाओ दो दो जोयणाई आयामविक्खंभेणं जोयणं बाहल्लेणं सव्वमणिमईओ अच्छाओ लण्हाओ सण्हाओ घटाओ मट्ठाओ निप्पंकाओ नीरयाओ जाव पडिरूवाओ।
तासि णं मणिपेढियाण उपिं पत्तेयं पत्तेयंम चेइयरुक्खा पन्नता, ते णं चेतियरुक्खा अट्ठजोयणाई उद्धं उच्चत्तेणं अद्धजोयणं उव्वेहेणं दो जोयणाइं खंधी अद्धजोयणं विक्खंभेणं छजोयणाई विडिमा बहुमझदेसभाए अट्ठजोयणाई आयामविखंभेणं साइरेगाइंअट्ठजोयणाई सब्बग्गेणं पन्नत्ताई।
तेसि णं चेइयरुस्खाणं अयमेतारूवे वण्णावासे पन्नत्ते, तंजहा-वइरामया मूला रययसुपतिहिता विडिमा रिट्ठामयविपुलकंदवेरुलियरुतिलखंधा सुजातरूवपढमगविसालाली नानामणिरयणविविधसाहप्पसाहवेरुलियपत्ततवणिजपत्तवेंटा जंबूणयरत्तमउयसुकुमालपवालपल्लवसोभंतवरंकुरग्गसिहरा विचित्तमणिरयणसुरभिकुसुमफलभरणमियसाला सच्छाया सप्पभा समिरीया सउज्जोया अमयरससमरसफला अधियं नयनमननिव्वुतिकरा पासातीया दरिसणिज्जा अभिरुवा पडिरूवा।
For Private & Personal Use Only
Jain Education International
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |