Page Text
________________
जीवाजीवाभिगमउपाङ्गसूत्रम् ३ /म० / १४५
सुजायसव्वंगसुंदरी ओ पहाणमहिलागुणेहिं जुत्सा अच्चंतविसप्पमाणपउमसूमालकुम्भसंठितविसिडचलणाओ जुम्मिओ पीवरनिरंतरपुट्ठसाहितंगुलीता उन्नयरतियनलिणंव सुइणिद्धणखा रोमरहियवट्टलट्ठसंठियअजहण्णपसत्थलक्खणअकोप्पजंघजुयला सुनिम्मियसुगूढजाणुमंडलसुबद्ध
१६६
संध कयलिक्खंभातिरेगसंठियणिव्वणसुकुमालमउयकोमलअविरलसमसहितसुजातव्टपीवरणिरंतरोरू अड्डावयवीचीपट्टसंठियपसत्थविच्छिन्नपिहुलसोणी वदणायामप्यमाणदुगुणितविसालमंसलसुबद्धजहणवरधारणीतो वज्रविराइयपसत्थलक्खणणिरोदरा तिवलिवलीयतणुणमियमज्झितातो उज्जयसमसहितजच्चतणुकसिणणिद्ध आदेज्जालडहसुविभत्तसुजातंकंतसोभंतरुइलरमणिज्जरोमराई ।
-गंगावत्तपदाहिणावत्ततरंगभंगुररविकिरणतरुणबोधित अकोसायंतपउमवणगंभीरवियडणाभी अणुब्भडपसत्थपीणकुच्छी सण्णयपासा संगयपासा सुजायपासा मितमातियपीणरइयपासा अकरंडुयकणगरुयगनिम्मलसुजायणिरुवहयगातलठ्ठी कंचणकलससमपमाणसमसहितसुजातलट्ठचूचुय आमेलगजमलजुगलवट्टिय अब्भुण्णयरतियसंठियपयोधराओ भुयंगणुपुव्वतणुयगोपुच्छ्वट्टसमसहियणमियआएञ्जललियवाहाओ तंबणहा मंसलग्गहत्था पीवरकोमलवरंगुलीओ निद्धपाणिलेहा रविससिसंखचक्कसोत्थियसुविभत्तसुविरतियपाणिलेहा ।
- पीगुण्णयकक्खवत्थिदेसा पडिपुन्नगलकवोला चउरंगुलसुप्पमाणकंवुवरसरिसगीवा मंसलसंठियपसत्यहणुया दाडिमपुप्फप्पगासपीवरकुंचियवराधरा सुंदरोत्तरोट्ठा दधिदगरयचंदकुंदवासंतिमउल अच्छिद्दविमलदसणा रत्तुप्पलपत्तमउयसुकुमालतालुजीहा कणय (व) रमुउलअकुडिलअब्भुग्गतउज्जुतुंगणासा सारदणवकमलकुमुदकुवलयविमुक्कदलणिगरसरिसलक्खणअंकियकंतणयणा पत्तलचवलायंततंबलोयणाओ
- आणामितचावरुइलकिण्हब्भराइसंठियसंगत आययसुजातकसिणनिद्धभमुया अल्लीणपमाणजुत्तसवणा पीणमट्ठरमणिञ्जगंडलेहा चउरंसपसत्थसमणिडाला कोमुतिरयणिकरविमलपडिपुन्नसोमवयणा छत्तुन्नयउत्तिमंगा कुडिलसुसिणिद्धदीहसिरया छत्तज्झयजुगधूभदामिणिकमंडलुकलसवाविसोत्थियपडागजवमच्छकुम्मरहवरमगरसुकथालअंकुसअट्ठावयवीइसुपइङकमयूरसि रिदामाभिसेयतोरणमेइणिउदधिवरभवणगिरिवर आयंसललियगतउसभसीहचमरउत्तमपसत्यबत्तीसलक्खणधरातो हंससरिसगतीतो कोतिलमधुरगिरसुस्सराओ
- कंता सव्वस्स अणुनतातो ववगतवलिपलिया चंगदुव्वण्णवाहीदोभग्गसोगमुक्कओ उच्चत्तेय य नराण थोवूणमूसियाओ सभावसिंगाराचारचारुवेस संगतगतहसितभणियचेट्ठियविलाससंलावणिउणजुत्तोवयारकुसला सुंदरथणजहनवदनकरचलणनयनमाला वण्णलावण्णजोवविलासकलिया नंदनवनविवरचारिणीउव्व अच्छराओ अच्छेरगपेच्छणिजा पासाईतातो दरिसणिजातो अभिरुवाओ पडिरूवाओ । तासि णं भंते! मणुईणं केवतिकालस्स आहारट्टे समुप्पञ्जति ?, गोयमा ! चउत्थभत्तस्स आहारट्टे समुप्पञ्जति। तेणं भंते! मणुया किमाहारमाहारेति गोयमा ! पुढविपुप्फफलाहारा ते मणुयगणा पन्नत्ता समणाउसो ! ।
तीसे णं भंते ! पुढवीए केरिसए आसाए पन्नत्ते ?, गोयमा ! से जहानामए गुलेति वा खंडेति वा सक्कराति वा मच्छंडियाति वा भिसकंदेतिवा पप्पडमोयएति वा पुष्फउत्तराइ वा पउमुत्तराइ
For Private & Personal Use Only
www.jainelibrary.org
Jain Education International
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |