Page Text
________________
प्रतिपत्तिः -३, म०
-उज्जुयसमसहितसुजातजच्चतणुकसिणनिद्धआदेजलडहसुकुमालमउयरमणीजरोमराती गंगावत्तपयाहिणावत्ततरंगभंगुररविकिरणतरुणबोधितअकोसायंतपउमगंभीरवियडणाभी झसविहगसुजातपीणकुच्छी झसोदरा सुइकरणा पम्हवियडणाभासण्णयपासा संगतपासा सुंदरपासा सुजातपासा मितमाइयपीणरतियपासा अकरुंडुयकणगरुयगनिम्मलसुजायनिरुवहयदेहधारी पसत्यबत्तीसलक्खणधरा कणगसिलातलुजलपसत्थसमयलोवचियविच्छिन्नपिहुलवच्छी सिरिवच्छंकियवच्छा पुरवरफलिहवट्टियभुया भुयगीसरविपुलभोगआयाणफलिहउच्छूढदीहबाहू जूयसन्निभपीणरतियपीवरपउट्ठसंठियसुसिलिट्ठविसिट्टघणथिरसुबद्धसुनिगूढपव्वसंधी रत्ततलोवइतमउयमंसलपसत्थलक्खणसुजायअच्छिद्दजालपामी पीवरवट्टियसुजायकोमलवरंगुलीया तंबतलिणसुचिरुइरनिद्धणक्खा । चंदपाणिलेहा सूरपाणिलेहा संखपाणिलेहा चक्कपाणिलेहा दिसासोअस्थियपाणिलेहा चंदसूरसंखचक्कदिसासो अस्थियपाणिलेहा अनेगवरलक्खणुत्तमपसत्थसुचिरतियपाणिलेहा वरमहिसवराहसीहसङ्खलउसभणागवरपडिपुत्रविउलउन्नतमइंदखंधा चउरंगुलसुप्पमाणकंदुवरसरिसगीवा अवहितसुविभत्तसुजातचित्तमंसूमंसलसंठिय पसत्थसद्लविपुलहणुयाओतवितसिलप्पवालबिंबफलसन्निभाहरोहा पंडुरससिसगलविमलनिम्मलसंखगोखीरफेणदगरयमुणालिया धवलदंतसेढी अखंडदंता अफुडियदता अविरलदंता सुजातदंता एगदंतसेढिव्वअनेगदंता हुतवहनिद्धतघोततत्ततवणिजरत्ततलतालुजीहा गरुलाययउजुतुंगणासाअवदालियपोंडरीयनयणा कोकासितधवलपत्तलच्छाआणामियचावरुइलकिण्हपुराइयसंठियसंगतआयातसुजाततणुकसिणनिद्धभुमया।
-अल्लीणप्पमाणजुत्तसवणासुस्सवणा पीणमंसलकवोलदेसभागा अचिरुग्णयबालचंदसंठियपसत्यविच्छिन्नसमणिडाला उडुवतिपडिपुण्णसोमवदणा छत्तागारुत्तमंगदेसाघननिचियसुबद्धलक्खणुण्णयकूडागारणिभपिंडियसिस्से दाडिमपुप्फपगासतवणिज्जसरिसनिम्मलसुजायकेसंतकेसभूमी सामलिबोंडघणणिचयछोडियमिउविसयपसत्थसुहुमलक्खणसुगंधसुंदरभूयमोयगभिंगिणीलकज्जलपहट्टभमरगणनिद्धनिकुरुंब निचियकुंचियचियपदाहिणावत्तमुद्धसिरया लक्खणवंजणगुणोववेया सुजायसुविभत्तसुरूवगा पासाइया दरिसणिज्जा अभिरुवा पडिरूवा ।
तेणं मणुया हंसस्सरा कोंचस्सरा नंदिघोसा सीहस्सरा सीहघोसा मंजुस्सरा मंजुघोसा सुस्सरा सुस्सरनिग्घोसा छायाउनोतियंगमंगा वञ्जरिसभनारायसंघयणा समचउरंससंठाणसंठिया सिणिद्धछवी निरायंका उत्तमपसत्यअइसेसनिरुवमतणूजल्लमलकलंकसेयरयदोसवजियसरीरा निरुवमलेवा अणुलोमवाउवेगा कंकग्गहणी कवोतपरिणामा सउणिव्य पोसपिटुंतरोरुपरिणता विग्गहियउन्नयकुच्छी पउमुप्पलसरिसगंधणिस्सासुरभिवदणा अट्ठधणुसयं ऊसिया, तेसिं मणुयाणं चउसहि पिडिकरंडगा पन्नत्ता समणाउसो! -
-तेणंमणुया पगतिभद्दगा पगतिविणीतगापगतिउवसंतापगतिपयणुकोहमाणमायालोभा मिउमद्दवसंपण्णा अल्लीणा भद्दगा विणीता अप्पिच्छा असंनिहिसंचया अचंडाविडिमंतरपरिवसणा जहिच्छियकामगामिणो यतेमणुयगणा पन्नत्ता समणाउसो! तेसिणं भंते ! मणुयाणं केवतिकालस्स आहारट्टे समुप्पजति?, गोयमा! चउत्थभत्तस्स आहारट्टे समुप्पज्जति ।
एगोरुयमणुईणंभंते! केरिसएआगारभावपडोयारे पन्नत्ते?, गोयमा! ताओणं मणुईओ
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |