Page Text
________________
१६४
जीवाजीवाभिगमउपासूत्रम् ३/म०/१४५ अनेगसालणगसंजुत्ते अहवा पडिपुन्नदब्बुवकखडेसु सक्कए वण्णगंधरसफरिसजुतबलविरियपरिणामे इंदियबल-पुट्टिवद्धणे खुप्पिवासमहणे पहाणे गुलकटियखंडमच्छंडियउवणीए पमोयगे सहसमियगब्भे हवेज परमइटुंगसंजुत्ते तहेव ते चित्तरसावि दुमगणा अनेगबहुविविहवीससापरिणयाए भोजणविहीए उववेदा कुसविकुसवि० जाव चिट्ठति ७।
एगुरूए दीवे ण तत्थ २ बहवे मणियंगा नाम दुमगणा पन्नत्ता समणाउसो!, जहा से हारद्धहारवट्टणगमउडकुंडलवासुतगहेमजालमणिजालकणगजालगमुत्तगउचिइयकडगाखुडियएका वलिकंठसुत्तमंगरिमउरत्थगे वेजसोणिसुत्तगचूलामणिकणगतिलगफुल्लसिद्धत्थयकण्णवालिससिसूरउसभचक्कगतलभंगतुडियहत्थिमालगवलक्खदीणा मालिता चंदसूरमालिता हरिसयकेयूरवलयपालंबअंगुलेजगकंचीमेहलाकलावपयरगपायजालघंटियखिंखिनिरयणोरुजालस्थिगियवरणेउरचलणमालिया कणगनिगरमालिया कंचणमणिरयणभत्तिचित्ता भूसणविधी बहुप्पगारातहेवतेमणियंगावि दुमगणा अनेगबहुविविहवीससापरिणताए भूसणविहीएबहुप्पगारा तहेवते मणियंगावि दुमगणा अनेगबहुविविहवीससापरिणताए भूसणविहीए उववेया कुसवि० जाव चिट्ठति ८)
एगुरूयए दीवे तत्थ २ बहवे गेहागारा नाम दुमगणा पन्नत्ता समणाउसो!, जहा से पागारट्टालगचरियदारगोपुरपासायाकासतलमंडवएगसालबिसालगतिसालगचउरंसचउसालगभघरमोहणघरवलभिघरचित्तसालमालयभतिघरवट्टतंसचतुरंसणंदियावत्तसंठियायतपंडुरतलमुंडमालहम्मियं अहवणं धवलहरअद्धमागहविब्भमसेलद्धसेलसंठियकूडागारट्ठसुविहिकोट्टगअनेगघरसरणलेणआवणविडंगजालचंदणिजूहअपवरकदोवालिचंदसालियरूवविभत्तिकलिता भवणविही बहुविकप्पातहेवते गेहागाराविदुमगणा अनेगबहुविविधवीससापरिणयाए सुहारुहणे सुहोत्ताराएसुहनिक्खमणप्पवेसाएइद्दरसोपाणपंतिकलिताए पइरिक्कए सुहविहाराएमणोऽणुकूलाए भवनविहीए उववेया कुसवि० जावचिट्ठति ९ ।
एगोरुयदीवे तत्थ र बहवे अनिगणा नामदुमगणा पन्नत्तासमणाउसो!जहा से अनेगसो मंतणुतं कंबलदुगुल्लकोसेजकालमिगपट्टचीणंसुयबरणातवारवणिगयतुआभरणचित्तसहिणगकल्लाणगभिंगिणीलकञ्जलबहुवण्णरत्त पीतसुक्कलमक्खयमिगलोमहेमप्फरुण्णगअवसर्तगसिंधुओसभदामिलवंगकलिंगनेलिणतंतुमयभत्तिचित्ता वत्थविही बहुप्पकाराहवेज वरपट्टणुग्गता वण्णरागकलिता तहेव ते अनियणावि दुमगणा अनेगबहुविविहवीससापरिणताए वत्थविधीए उववेया कुसविकुसवि० जाव चिट्ठति १०/ एगोरुयद्दीवे णं भंते ! दीवे मणुयाणं केरिसए आगारभावपडोयारे पन्नते?, गोयमा! तेणंमणुया अनुवमतरसोमचारुरुवा भोगुत्तमगयलक्खणा भोगसस्सिरीयासुजायसव्वंगसुंदरंगासुपतिट्ठियकुम्मचारुचलणा रतुप्पलपत्तमउयसुकुमालकोमलतला नगनगरसागरमगरचक्ककवरंकलक्खणकियचलणा अणुपुव्वसुसाहतंगुलीया उन्नयतणुतंबणिद्धणखासंठियसुसि-लिट्ठगूढगुप्फाएणीकुरुविंदावत्तवट्टाणुपुब्वजंघा समुग्गणिमग्गगूढजाणू गतससणसुजातसण्णिमोरू वरवारणमत्तलविक्कमविलासितगतीसुजातवरतरगगुज्झदेसा आइण्णहतोव निरुवलेवा पमुइयवरतुरियसीहअतिरेगवट्टियकडी साहयसोणिंदमुसलदप्पणणिगरितवरकणगच्छक- (रु)सरिसवरवइरपलितमझा।
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |