Agam Sutra Satik 14 Jivajivabhigam UpangSutra 03

SR No.: 003348
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 532
Language: Prakrit, Sanskrit
Classification: Book_Devnagari, Agam, Canon, Agam 14, & agam_jivajivabhigam
File Size: 12 MB

Page 170

प्रतिपत्तिः ३, म०
-
१६७
वा अकोसिताति वा विजताति वा महाविजयाइ वा आयंसीवसाति वा अणोवसाति वा चाउरके गोखीरे चउठाणपरिणए गुडखंडमच्छंडिउवणीए मंदग्गिकडीए वण्णेणं उववेए जाव फासेणं, भवेतारूवे सिता ?, नो इणट्टे समट्टे। तीसे णं पुढवीए एत्तो इट्टयराए चेव जाव मणामतराए चेव आसाए णं पन्नत्ते, तेसि णं भंते! पुप्फफलाणं केरिसए आसाए पन्नत्ते ?, गोयमा ! से जहानामए चाउरंतचक्कवट्टिस्स कल्लाणे पवरभोयणे सतसहस्सनिष्पन्ने वण्णेणं उववेते गंधेणं उववेते रसेणं उबवेते फासेणं उबवेते आसाइणिजे वीसाइणिजे दीवणिज्जे बिंहणिजे दप्पणिजे मयणिजे सव्विंदियगातपल्हायणिज्जे, भवेतारूवे सिता ?, नो तिणट्टे समट्टे ।
तेसि णं पुप्फफलाणं एत्तो इट्ठतराए चैव जाव आस्साए णं पन्नत्ते । ते णं भंते! मणुया तमाहारमाहारिता कहिं वसहि उवेति ?, गोयमा ! रुक्खगेहालता णं ते मणुयगणा पन्नत्ता समणाउसो ! । ते णं भंते! रुक्खा किंसंठिया पन्नत्ता ?, गोयमा! कूडागारसंठिता पेच्छाघरसंठिता सत्तागारसंठिया झयसंठिया थूभसंठिया तोरणसंठिया गोपुरचेतियपा (या) लगसंठिया अट्टालगसंठिया पासादसंठिया हम्मतलसंठिया गवक्खसंठिया वालग्गपोत्तियसंठिता वलभीसंठिता अन्ने तत्थ बहवे वरभवणसयणासणविसिद्धसंठाणसंठिता सुहसीयलच्छाया णं ते दुमगणा पन्नत्ता समणाउसो ! अत्थि णं भंते! एगोरूयद्दीवे दीवे गेहाणि वा गेहावणाणि वा ?, नो तिणट्टे समट्टे, रुक्खगेहा-लया णं ते मणुयगणा प० सम० । अत्थि णं भंते! एगूरूयदीवे २ गामाति वा नगराति वा जाव सन्निवेसाति वा?, नो तिणट्टे समट्टे, जहिच्छितकामगामिणो ते मणुयगणा पन्नत्ता समणाउसो !
-अस्थि णं भंते! एगूरुयदीवे असीति वा मसीइ वा कसीइ वा पणीति वा वणिजाति वा नो तिणट्टे समट्टे, ववगयअसिमसिकिसिपणियवाणिज्जा णं ते मणुयगणा पन्नत्ता समणाउसो ! अत्थि णं भंते! एगूरुयद्दीवे हिरण्णेति वा सुवन्नेति वा कंसेति वा दूसेति वा मणीति वा मुत्तिएति वा विपुलधणकणगरयणमणिमोत्तियसंखसिलप्पवालसंतसारसावएज्जेति वा ?, हंता अत्थि, नो वेव णं तेसिं मणुयाणं तिब्बे ममत्तभावे समुप्पञ्जति ।
अस्थि भंते! एगोरुयदीवे रायाति वा जुवरायाति वा ईसरेति वा तलवरेइ वा माडंबियाति वा कोडुंबियाति वा इब्भाति वा सेट्ठीति वा सेनावतीति वा सत्यवा हाति वा?, नो तिणट्टे समट्टे, aaresड्डीसकरा णं ते मणुयगणा पण्णत्ता समणाउसो !
-अत्थि णं भंते! एगूरूयदीवे २ दासाति वा पेसाइ वा सिस्साति वा भयगाति वा भाइल्लगाइ वा कम्पगरपुरिसाति वा ?, नो तिणट्टे समट्टे, बबगतआभिओगिता णं ते मणुयगणा पण्णत्ता समणाउसो ! अत्थि णं भंते! एगोरुयदीवे दीवे माताति वा पियाति वा भायाति वा भइणीति वा भज्जाति वा पुत्ताति वा धूयाइ वा सुण्हाति वा ?, हंता अत्थि, नो चेव णं तेसि णं मणुयाणं तिव्वे पेमबंधणे समुप्पञ्जति, पयणुपेजबंधणा णं ते मणुयगणा पन्नत्ता समणाउसो ! ।
- अस्थिणं भंते! एगुरुयदीवे अरीति वा वेरिएति या घातकाति वा वहकाति वा पडिनीताति वा पत्रमित्ताति वा?, नो तिणट्टे समट्टे, ववगतवेराणुबंधा णं ते मणुयगणा पन्नत्ता समणाउसो ! । अत्थि णं भंते ! एगोरूए दीवे मित्ताति वा वतंसाति वा घडिताति वा सहीति वा सुहियाति महाभागाति वा संगतियाति वा?, नो तिणट्टे समडे, ववगतपेम्मे ते मणुयगणा पन्नत्ता समणाउसो ! । अत्थि णं भंते! एगोरूयदीवे आवाहाति वा वीवाहाति वा जण्णाति वा सद्दाति वा