Page Text
________________
१३२
जीवाजीवाभिगमउपाङ्गसूत्रम् ३/नै०-२/१०५ अप्पयरा उपहजोणिया वेदेति,] एवं जाव वालुयप्पभए, पंकप्पभाए पुच्छा, गोयमा ! सीयंपि वेदणं वेदेति, उसिणंपि वेयणं वेयंति, नो सीओसिणवेयणं वेयंति, ते बहुतरगा जे उसिणं वेदणं वेदेति, ते थोवयरगाजे सीतं वेदणं वेइंति।
धूमप्पभाए पुच्छा, गोयमा! सीतंपि वेदणं वेदेति उसिणंपि वेदणं वेदेति नो सीतो०, ते बहुतरगाजे सीयवेदणं वेदेति ते थोवयरका ज उसिणवेदणं वेदेति । तमाए पुच्छा, गोयमा! सीयं वेदणं वेदेति नो उसिणं (वेदण) वेदेति नो सीतोसिणं वेदणं वेदेति, एवं अहेसत्तमाए नवरं परमसयं ।इमीसे णं भंते ! रयणप्प० प० नेरइया केरिसयं निरयभवं पञ्चणुभवमाणा विहरंति?, गोयमा! ते णं तत्थ निचं भीता निचं तसिता निच्चं छुहिया निचं उब्बिग्गा निचं उपप्पुआ निचं वहिया निछं परममसुभमउलमणुबद्धं निरयभवं पञ्चणुभवमाणा विहरंति, एवंजाव अधेसत्तमाए णं पुढवीए पंच अणुत्तरा महतिमहालया महाणरगा पन्नत्ता, तंजहा
काले महाकाले रोरुए महारोरुए अप्पतिट्ठाणे, तत्थ इमे पंच महापुरिसा अनुत्तरेहि दंडसमादाणेहिं कालमासे कालं किचा अप्पतिट्ठाणे नरए नेरति(योत्ताए उववन्ना, तंजहा-रामे १, जमदग्निपुत्ते, दढाउ २, लच्छतिपुत्ते, वसु ३, उवरिचरे, सुभूमे कोरव्वे ४, बंभ ५, दत्ते चुलनिसुते ६, ते णं तत्थ नेरतिया जाया काला कालो० जाव परमकिण्हा वण्णेणं पन्नत्ता, तंजहा-तेणं तत्थ वेदणं वेदेति उज्जलं विउलं जाव दुरहियासं।
उसिण वेदणिज्जेसुणं भंते ! नेरतिएसु नेरतिया केरिसयं उसिणवेदणं पञ्चणुभबमाणा विहरंति? गोयमा! से जहानामए कम्मारदारए सिता तरुणे बलवं जुगवं अप्पायंके थिरग्गहत्थे दढपाणिपादपासपिदंतरोरु[संधाय] परिणए लंधणपवणजवमवग्गणपमद्दणसमत्थे तलजमलजुयलबहुफलिहणिभबाहू धणणिचितवलियवदृखंधे चम्मेलुगदुहणमुडियसमाहयणिचितगत्तगत्ते उरस्सबलसमण्णागए छए दक्खे पट्टे कुसले निउणे मेहावी निउणसिप्पोवगए एगं महं अयपिंडं उदगवारसमाणं गहाय तंताविय २ कोट्टित २उभिदिय २चुण्णिय २ जाव एगाहं वा दुयाहं वा तियाहं वा उक्कोसेणं अद्धमासं संहणेजा । से णं तं सीतं सीतीभूतं अओमएणं गहाय असब्भावपट्टवणाए उसिणवेदणिजेसु नरएसु पक्खिवेजा, से णं तं उम्मिसियणिमिसियंतरेणं पुनरवि पचुद्धरिस्सामित्तिकट्ठ पविरायमेव पासेजा पविलीणमेव पासेजा पविद्धत्थमेव पासेजा नो चेवणं संचाएति अविरायं वा अविलीणं वा अविद्धत्यं वा पुनरवि पचुद्धरित्तए।
से जहा वा मत्तमातंगे कुंजरे सहिहायणे पढमसरयकालसमतंसि वा चरमनिदाधकालसमयंसिवाउण्हाभिहए तण्हाभिहए दवग्गिजालाभिहए आउरे सुसिए पिवासिए दुब्बले किलंते एक्कं महं पुक्खरिणिं पासेजा चाउकोणं समतीरं अणुपुव्वसुजायवप्पगंभीरसीतलजलं संछण्ण पमत्तभिसमुणालंबहुउप्पलकुमुदणलिणसुभगसोगंधियपुंडरीय सयपत्तसहस्सपत्तकेसरफुल्लोवचियं छप्पयपरिभुञ्जमाणकमलं अच्छविमलसलिलपुण्णं परिहत्थभमंतमच्छकच्छभं अणेगसउणगणमिहुणयविरइयसन्नइयमहुरसरनाइयं तंपासइ।
तं पासित्ता तं ओगाहइ, ओगाहित्ता से णं तत्थ उपहंपि पविणेज्जा तिण्हंपि पविणेजा खुहंपि पविणिजा जरंपि पवि० दाहंपि पवि० निदाएज वा पयलाएज वा सतिं वा रतिं वा धिंति वा मतिं वा उवलभेजा, सीएसीयभूए संकसमाण संकसमाणे सायासोमबहले गावि विहरिता
Jain Education International
For Private & Personal Use Only
www.jainelibrary.org
| SR No. | 003348 |
| Book Title | Agam Sutra Satik 14 Jivajivabhigam UpangSutra 03 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 12 MB |