Page Text
________________
९१
श्रुतस्कन्धः-१, वर्ग:-, अध्ययन-२ सद्धिं बहूणि वासाणिसद्दफरिसरसगंधरूवाणिमाणुस्सागाइंकामभोगाईपञ्चणुभवमाणी विहरामि, नो चेव णं अहं दारगंवा दारिगं वा पयायामि,
तंधनाओणंताओ अम्मयाओजावसुलद्धेणंमाणुस्सएजम्मजीवियफले तासिं अम्मयाणं जासिं मन्ने निगयकुच्छिसंभूयाति थणदुद्धलुद्धयातिं महुरसमुल्लावगातिं मम्मणपयंपियाति थणमूलकक्खदेसभागं अभिसरमाणाति मुद्धयाइं थणयं पिवंति, ततो य कोमलकमलोवमेहिं हत्थेहिं गिहिऊणं उच्छंगे निवेसियाई देति समुल्लावए पिए सुमहुरे पुणो २ मंजुलप्पभणिते, तं अहन्नं अधन्ना अपुवा अलक्खणा अकयपुत्रा एत्तो एगमवि न पत्ता, ।
-तंसेयं मम कलं पाउप्पभायाए रयणीए जाव जलते धनं सत्यवाहं आपुच्छित्ता धन्नेनं सत्तवहेणं अब्भणुनाया समाणी सुबहुं विपुलं असणपणाखातिमसातिमं उवक्खडावेत्ता सुबहुं पुष्फवस्थगंधमल्लालंकारंगहायबहूहिमित्तनातिनिवगसयणसंबंधिपरिजणमहिलाहिं सद्धिंसंपरिवुडा जाई इमाइंरायगिहस्स नगरस्स बहिया नागाणि य भूयाणि यजक्खाणि य इंदाणिय खंदाणिय रुदाणि य सेवाणि य वेसमणाणि य तत्थ णं बहूणणं नागपडिमाण य जाव वेसमणपडिमाण य महरिहं पुप्फच्चणियं करेत्ता जाणुपायपडियाए एवं वइत्तए
जइणं अहं देवाणुप्पिया! दारगंवा दारिगं वा पयायामि तोणं अहं तुब्भंजाय च दायंच भायं च अक्खयनिहिं च अनुवड्वेसित्ति कट्ट उवातियं उवाइत्तए, एवं संपेहेति २ कलं जाव जलते जेणामेव धन्नेसत्थवाहे तेणामेव उवागच्छतिउवागच्छित्ता एवंवदासी-एवं खलु अहं देवाणुप्पिया तुब्भेहिं सद्धिं बहूई वासाति जाव देति समुल्लावए सुमहुरे पुणो २ मंजुलप्पभणिते तण्णं अहं अहन्ना अपुत्रा अकयलक्खणा एतो एगमवि न पत्ता, तं इच्छामि णं देवाणुप्पिया ! तुब्भेहिं अब्मणुनाता समाणी विपुलं असणं ४ जाव अणुवढेमि उवायइयं करेत्तए ततेणंधन्ने सत्यवाहे भई भारियं एवं वदासी-ममंपिय णं खलु देवाणु०! एस चेव मनोरहे-कह णं तुमंदारगं दारियं वा पयाएजसि ?, भद्दाए सत्यवाहीए एएयमट्ठमणुजाणति,
ततेणं साभद्दा सत्यवाही धन्नेनंसत्यवाहेणं अब्भणुनाता समाणी हट्टतुट्ठ जाव हयहियया विपुलं असनपानखातिमसातिमं उवक्खडावेति र त्ता सुबहुं पुप्फगंधवत्थमल्लालंकारं गेण्हति २ सयाओ गिहाओनिग्गच्छति २ रायगिहं नगरं मझमझेणं निग्गच्छति र ताजेणेव पोक्खरिणी तेणेव उवागच्छति २ पुक्खरिणीए तीरे सुबहुं पुप्फजावमल्लालंकारं ठवेइ २ पुक्खरिणिं ओगाहइ २ जलमजणं करेतिजलकीडं करेति २ ण्हाया कयबलिकम्मा उल्लपडसाडिगा जाइंतत्थ उप्पलाई जाव सहस्सपत्ताई ताइंगिण्हइ २ पुक्खरिणीओ पञ्चोरुहइ २ तं सुबहु पुष्फगंधमल्लं गेण्हति २
जेणामेव नागघरए यजाव वेसमणधरए य तेणेव उवागच्छति २ तत्थ णं नागपडिमाण य जाव वैसमणपडिमाण य आलोए पणामं करेइ ईसिं पधुत्रमइ २ लोमहत्थगं परामुसइ २ नागपडिमाओ य जाव वेसमणपडिमाओ य लोमहत्थेणं पमञ्जति उदगधाराए अब्भुक्खेति २ पम्हलसुकुमालाए गंधकासाईएगायाइं लूहेइ २ महरिहं वत्थारुहणंच मल्लारुहणं च गंधारुहणं च चुन्नारुहणं चवन्नारुहणंच करेति र जावधूवंडहति र जानुपायपडियापंजलिउडाएवं वदासी
जइणं अहं दारगंवा दारिगंवा पयायामि तो णं अहं जायं च जाव अणुवड्डेमित्ति कट्ट उवतियं करेति २ जेणेव पोक्खरिणी तेणेव उवागच्छति २ विपुलं असणं ४ आसाएमाणी जाव
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |