Page Text
________________
५६
ज्ञाताधर्मकथाङ्ग सूत्रम्-१/-19/३१ पत्तछोट इत्यर्थः, तदाकारं वा चर्ममयं वीजनकंतु-वंशादियममेवान्तग्राह्यदण्डं एतैर्जनितो यो वातस्तेन ‘सफुसिएणं' सोदकबिन्दु अन्तः पुरजनेन समाश्वासिता सती मुक्ता वलीसन्निकाशा याः प्रपतन्त्योऽश्रुधारास्ताभिः सिञ्चन्ती पयोधरौ, करुणा च विमनाश्च दीना च या सा तथा, रुदन्ती-साश्रुपातं शब्दं विदधाना क्रदन्ती-ध्वनिविशेषेण तेपमना-स्वदेललादि क्षरन्ती शोचमाना-हृदयेन विलपन्ती-आर्तस्वरेण ।
मू. (३२) तुमंसिणं जाया! अम्हं एगे पुत्ते इढे कंते पिए मणुन्ने मणामे थेन्जे वेसासिए सम्मए बहुमए अनुमए मंडकरंडगसमाणे रयणे रयणभूते जीवियउस्सासय हिययानंदजणणे उंबरपुष्पं व दुल्लभेसवणयाए किमंग पुण पासणयाए ? नो खलु जाया! अम्हे इच्छामो खणमवि विप्पओगं सहित्तते तं मुंजाहि ताव जाया ! विपुले माणुस्सएकामभोगे जाव ताव वयं जीवामो तओ पच्छा अम्हेहिं कालगतेहिं परिणयवए वड्डियकुलवंसतंतुकजंमिनिनिरावयखे समणस्स भगवओ महावीरस्स अंतिए मुंडे भवित्ता आगारातो अनगारियं पवइस्ससि।
ततेणं से मेहे कुमारे अम्मापिऊहिं एवं वुत्ते समाणे अम्मापियरो एवं वदासी तहेवणं तं अम्मतयो! जहेवणंतुम्हे ममंएवं वदह तुमंसिणंजाया! अम्हं एगे पुत्तेतंचेव जाव निरावयक्खे समणस्स ३ जाव पव्वइस्ससि, एवं खलु अम्मयाओ ! माणुस्सए भवे अधुवे अनियए असासए वसणसउवद्दवाभिभूते विजुलयाचंचले अनिच्चे जलबुब्बुयसमाणे कुसग्गजलबिंदुसन्निभे संझब्भरागसरिसे सुविणदंसणोवमे सडणपडणविद्धंसणधम्मे पच्छा पुरंचणंअवस्स विप्पजहणिजे से केणं जाणति अम्मयाओ! के पुब्बिं गमणाए के पच्छा गमणाए?, तंइच्छामि णं अम्याओ ! तुब्भेहिं अब्मणुनातेसमाणे समणस्स भगवतो० जावपव्वतित्तए, ततेणंतं मेहंकुमारं अम्मापियरी एवंवदासी-इमातोतेजाया! सरिसियाओसरिसत्तयाओसरिसव्वयाओसरिसलावनस्वजोव्वणगुणोववेयाओ सरिसेहितो रायकुलेहितो आणियल्लियाओ भारियाओ,
-तं भुंजाहि णं जाया ! एताहिं सद्धिं विपुले माणुस्सए कामभोगे तओ पच्छा भुत्तभोगे समणस्स ३ जाव पव्वइस्ससि, ततेणं से मेहे कुमारे अम्मापितरंएवं वदासी-तहेवणं अम्मयाओ जनं तुब्भे ममं एवं वदह-इमाओ तेजाया! सरिसियाओ जाव समणस्स ३ पव्वस्ससि,
एवंखलुअम्मयाओ! माणुस्सगा कामभोगाअसुईअसासया वंतासवा पित्तासवा खेलासवा सुक्कासवा सोणियासवा दुरुस्सासनीसासादुरूयमुत्तपुरिसपूयबहुपडिपुन्ना उच्चारपासवणखेलजलसिंघाणगवंतपित्तसुक्कसोणितसंभवा अधुवा अणितिया असासया सडणपडणविद्धंसणधम्मा पच्छा पुरं चणं अवस्सविप्पजहणिज्जा, से के णं अम्मयाओ! जाणंति के पुट्विं गमणाए के पच्छा गमणाए?, तं इचअचामिणं अम्मयाओ! जाव पव्वतित्तए।
ततेणंतं मेहं कुमारंअम्मापितरो एवं वदासी-इमे ते जाया! अजयपज्जयपिउपजयागए सुबहु हिरन्ने यसुवण्णे य कंसे य दूसेयमणिमोत्तिएय संखसिलप्पवालरत्तरयणसंतसारसावतिज्जे यअलाहि जावआसत्तमाओ कुलवंसाओ पगामंदाउँ पगाम भोतुं पकामं परिभाएउंतं अणुहोहि ताव जाव जाया ! विपुलं माणुस्सगं इड्डिसकारसमुदयं तओ पच्छा अनुभूयकल्लाणे समणस्स भगवओ महावीरस्स अंतिए पव्वइस्ससि,
ततेणं से मेहे कुमारे अम्मापियर एवं वदासी-तहेवणं अम्मयाओ! जण्णं तं वदह इमेते
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |