Page Text
________________
श्रुतस्कन्धः-१, वर्गः-, अध्ययनं-१४
१९७ दलाहि, जाणं अम्हे महया २ रायाभिसेएणं अभिसिंचामो, तएणं तेतलिपुत्ते तेसिंईसर० एतमढ़ पडिसुणेति २ कनगज्झयं कुमारं हायं जाव सस्सिरीयं करेइ २ ता तेसि ईसर जाव उवणेति २ एवं व०-एस णं देवा० ! कनगरहसस रनो पुत्ते पउमावतीए देवीए अत्तए कनगज्झए नामं कुमारे अभिसेयारिहे रायलक्खणसंपन्ने मए कणगरहस्स रन्नो रहसिययं संवड्डिए, एयंणं तुब्भे महया २ रायाभिसेएणं अभिसिंचह, सव्वं च तेसिं उठाणपरियावणियं परिकहेइ।
तते णं ते ईसर० कनगझयं कुमारं महया र अभिसिंचंति। तते णं से कनगज्झए कुमारे राया जाए महया हिमवंतमलय० वण्णओ जाव रज्जं पसासेमाणे विहरइ । तते णं सा पठमावती देवी कनगज्झयं रायं सद्दावेति २ एवं व०-एस णं पुत्ता ! तव० रज्जे जाव अंतेउरे य० तुमंच तेतलिपुत्तस्स पहावेणं, तंतुमंगंतेतलिपुत्तं अमचं आढाहि परिजाणाहि सकारेहि सम्मागेहि इंतं अब्भुट्टेहि ठियं पञ्जुवासाहि वच्चंतं पडिसंसाहेहि अद्धासणेणं उवनिमंतेहि भोगं च से अनुवदेहि, तते णं से कनगज्झए पउमावतीए तहत्ति पडि० जाव भोगं च से वहेति।
वृ. 'रायहीणा इत्यादि, राजाधीनाः राज्ञो दूरेऽपि वर्तमाना राजवशवर्त्तिन इत्यर्थः, राजाधिष्ठितास्तेन स्वयमध्यासिताः, राजाधीनानि-राजायत्तानि कार्याणि येषां ते वयं राजाधीनकार्याः 'सव्वं च से उट्ठाणपरियाणवियं ति सर्वंच से-तस्य उत्थानं च-उत्पत्तिं परियापनिका च-कालान्तरं यावत् स्थितिरित्युत्थानपरियापनिकं तत्परिकथयतीति, 'वयंतं पडिसंसाहेहि'त्ति विनयप्रस्तावाव्रजन्तंप्रतिसंसाधय-अनुव्रज,अथवा वदन्तंप्रति संश्लाधय-साधूक्तंसाध्वित्येवं प्रशंसां कुर्वित्यर्थः, भोग-वर्तनं ।।
मू. (१५४) ततेणं से पोट्टिले देवे तेतलिपुत्तं अभिक्खणं २ केवलिपुन्नत्ते धम्मे संबोहेति, नोचेवणं से तेतलिपुत्ते संबुज्झति, ततेणं तस्स पोट्टिलदेवस्स इमेयारवेअब्भस्थिते ५-एवं खलु कनगझए राया तेयलिपुत्तं आढाति जाव भोगं च संवड्वेति तते णं से तेतली अभिक्खणं २ संबोहिन्जमाणेविधम्मे नो संबुज्झति, तंसेयंखलु कनगज्झयंतेतलिपुत्तातो विप्परिणामेत्तएत्तिक? एवं संपेहेति रत्ता कनगझयं तेतलिपुत्तातो विप्परिणामेइ।
तते णं तेतलिपुत्ते कल्लं पहातेजाव पायच्छित्ते आसखंधवरगए बहूहिं पुरिसेहिं संपरिबुडे सातो गिहातो निग्गच्छति रजेणेव कनगज्झए राया तेणेव पहारेत्य गमणाए, तते णं तेतलिपुत्तं अमचंजे जहा बहवे राईसरतलवर जावपभियओ पासंतितेतहेव आढायंतिपरिजाणंति अब्भुढेति २ अंजलिपरिग्गहं करेंति इट्टाहिं कंताहिं जाव वग्गूहिं आलवेमाणा य संलवेमाणा य पुरतो य पिट्टतो य पासतो य मग्गतो य समणुगच्छंति, तते णं से तेतलिपुत्ते जेणेव कनगज्झए तेणेव उवागच्छति, तते णं कनगज्झए तेतलिपुत्तं एजमाणं पासतिरनो आढाति नो परियाणाति नो अब्भुटेति अणाढायमाणे ३ परम्मुहे संचिट्ठति, तते णं तेतलिपुत्ते कनगज्झयस्स रन्नो अंजलिं करेइ, तते णं से कनगज्झए राया अणाढायमाणे तुसिणीए परम्मुहे संचिट्ठति,
तते णं तेतलिपुत्ते कनगज्झयं विप्परिणयं जाणित्ता भीते जाव संजातभए एवं व०-रुडे णंममंकनगज्झएराया हीणेणं मम करनज्झएराया अवज्झाएणंकणगज्झए, तंन नजइणं मम केणइ कुमारेण मारेहितित्तिक? भीते तत्थे य जाव सणियं २ पच्चोसक्केति २ तमेव आसखंधं दुरूहेति २ तेतलिपुरं मझमझेणं जेणेव सए गिहे तेणेव पहारेत्य गमणाए,
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |