Page Text
________________
१९६
ज्ञाताधर्मकथाङ्ग सूत्रम् - १/-/१४/१५१
धम्मं सोचा निसम्म हट्ट० एवं व० - सद्दहामि णं अजाओ ! निग्गंथं पावयणं जाव से जहेयं तुब्भे वयह, इच्छामि णं अहं तुब्बं अंतिए पंचाणुव्वयाई जाव धम्मं पडिवजित्तए, अहासुहं, तए णं सा पोट्टिला तासिं अज्जाणं अंतिए पंचाणुव्वइयं जाव धम्मं पडिवज्जइ ताओ अज्जाओ वंदति नम॑सति २ पडिविसज्ज्ञेति, तए णं सा पोट्टिल समणोवासिया जाया जाव पडिलाभेमाणी विहरइ
मू. (१५२) तते णं तीसे पोट्टिलाए अन्नया कयाइ पुव्वरत्तावरत्तकालस० कुटुंबजागरियं० अयमेयारूवे अब्भत्थिते ० एवं खलुं अहं तेतलि० पुव्विं इट्ठा ५ आसि इयाणि अनिट्टा ५ जाव परिभोगं वा तं सेयं खलु मम सुव्वयाणं अज्जाणं अंतिए पव्वतित्तए,
एवं संपेहेतिर कल्लं पाउ० जेणेव तेतलिपुत्ते तेणेव उवा० २ करयलपरि० एवं व० - एवं खलु देवाणुप्पिया ! भए सुव्वयाणं अज्राणं अंतिए धम्मे निसंते जाव अब्भणुन्नाया पव्वइत्तए,
तते णं तेयलिपुत्ते पोट्टिलं एवं व०-एवं खलु तुमं देवाणुप्पिए ! मुंडा पव्वइया समाणी कालमासे कालं किच्चा अन्नतरेसु देवलोएसु देवत्ताए उववज्जिहिसि तं जति णं तुमं देवा० ! ममं ताओ देवलोयाओ आगम्म केवलिपत्ते धम्मे बोहिहि तोऽहं विसज्जेमि, अह गं तुमं ममं न संबोहेसि तो ते न विसज्जेमि, तते णं सा पोट्टिला तेयलिपुत्तस्स एयमट्टं पडिसुणेति,
तते णं तेयलिपुत्ते विपुलं असन ४ उवक्खडावेति २ मित्तणातिजावआमंतेइ २ जाव सम्माणेइ २ पोट्टिलं हायं जाव पुरिससहरसवाहणीयं सिअं दुरूहित्ता मित्तनाति जाव परिवुडे सव्विड्डिए जाव रवेणं तेतलीपुत्तस्स मज्झमज्झेणं जेणेव सुव्वयाणं उवस्सए तेणेव उवा० २ सीयाओ पच्चरुहति २ पोट्टिलं पुरतो कट्टु जेणेव सुव्वया अज्जा तेणेव उवागच्छति २ वंदति नम॑सति २ एवं व०- एवं खलु देवा० ! मम पोट्टिला भारिया इट्ठा ५ एस णं संसारभउव्विग्गा जाव पव्वतित्तए पडिच्छंतु णं देवा० । सिस्सिणिभिक्खं दलयामि, अहासुहं मा० प०,
तते णं सा पोट्टिला सुव्वयाहिं अजाहिं एवं वुत्ता समाणा हट्ट० उत्तरपुर० सयमेव आभरणमल्लालंकारं ओमुयति २सयमेव पंचमुट्ठियं लोयं करेइ २ जेणेव सुव्वयाओ अज्जाओ तेणेव उवागच्छइ २ वंदति नम॑सति २ एवं व०-आलित्ते णं भंते! लोए एवं जहा देवानंदा जाव एक्कारस अंगाई बहूणि वासाणि सामन्नपरियागं पाउणाइ २ मासियाए संलेहणाए अत्ताणं झोसेत्ता सट्टि भत्ताई अत० आलोइयपडि० समाहिं पत्ता कालमासे कालं किच्चा अन्नतरेसु देवलोएसु दैववत्ताए उववन्ना ।
मू. (१५३) तते गं से कनगरहे राया अन्नया कयाई कालधम्मुणा संजुत्ते यावि होत्या, तणं राईसर जावनीहरणं करेति २ अन्नमन्नं एवं व० - एवं खलु देवाणु० ! कनगरहे राया रजे य जाव पुत्रे - वियंगित्था, अम्हे णं देवा० ! रायाहीणा रायाहिट्टिया रायाहीणकज्जा अयं च णं तेतली अमचे कनगरहस्स रनो सवट्ठाणेसु सव्वभूमियासु लद्धभूमियासु लखपच्चए दिन्नवियारे सव्वकज्रवट्टावए यावि होत्या, तं सेयं खलु अम्हं तेतलिपुत्तं अमचं कुमारं जातित्तएत्तिकट्टु अन्नमन्नस्स एयमहं पडिसुर्णेति २ जेणेव तेयलिपुत्ते अमचे तेणेव उवा० २ तेयलिपुत्तं एवं व० - एवं खलु देवाणु ! कनगरहे राया रज्जे य रज्जेय रहे य जाव वियंगेइ, अम्हे य णं देवाणु ० ! रायाहीणा जाव रायाहीणकज्जा, तुमं च णं देवा०! कनगरहस्स रन्नो सव्वाणेसु जाव रजधुराचिंतए,
तं जणं देवा ! अत्ति केइ कुमारे रायलक्खणसंपन्ने अभिसेयारिहए तण्णं तुमं अम्हं
For Private & Personal Use Only
www.jainelibrary.org
Jain Education International
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |