Page Text
________________
१८७
कुतस्कन्धः-१, वर्ग:-, अध्ययनं-१३ शिम्हकालसमयंसिजेट्ठमूलंसि मासंसि अट्ठमभत्तं परिगेण्हति २ पोसहसालाए जाव विहरति,
तते णं नंदस्स अट्ठमभत्तंसि परिणममाणसि तण्हाए छुहाए य अभिभूतस्स समाणस्स इमेयानवे अब्भत्थिते ५-धन्ना णं ते जाव ईसरपभितओ जेसिं णं रायगिहस्स बहिया बहूओ धावीतो पोखरणीओ जाव सरसरपंतियाओ जत्तणं बहुजणो हाति य पियति य पाणियं च संवहति, तं सेयं खलु ममं कलं पाउ० सेणियं आपुच्छित्ता रायगिहस्स बहिया उत्तरपुरच्छिमे दिसिभाए वेभारपव्वयस्स अदूरसामंते वत्युपाढगरोइतंसि भूमिभागंसि जाव नंदं पोक्खरणि खणावेत्तएत्तिकटु एवं संपेहेति २ कल्लं पा० जाव पोसह पारेति २ हाते कयबलिकम्मे मित्तनाइ जाव संपरिबुडे महत्व जाव पाहुडं रायारिहं गेण्हति २ जेणेव सेणिए राया तेणेव उवा०२ जाव पाहुडंउवट्ठवेति २ एवंव०-इच्छामिणंसामी! तुब्भेहिं अब्मणुनाए समाणे रायगिहस्स बहिया जाव खणावेत्तए, अहासुहं देवाणुप्पिया!
ततेणं नंदे सेणिएणं रन्ना अब्भणुण्णाते समाणे हट्ट० रायगिह मज्झंमज्झेणं निग्गच्छति २ वत्थुपाढयरोइयंसि भूमिभागसि नंदं पोक्खरणिं खणाविउं पयत्ते यावि होत्या, ततेणं सानंदा पोक्खरणी अणुपुव्वेणं खणमाणा २ पोक्खरणी जाया यावि होत्था चाउकोणा समतीरा अणुपुब्बसुजायवप्पसीयलजला संछण्णपत्तबिसमुणाला बहुप्पलपउमकुमुदनलिणसुभगसोगंधियपुंडरीयमहापुंडरीयसयपत्तसहस्सपत्तपफुल्लकेसरोववेया परिहत्थभमंतमच्छछप्पयअनेगसउणगणमिहुणवियरियसहुबइयमहुरसरनाइया पासाईया ४ ।
ततेणं से नंदे मणियारसेट्ठी नंदाए पोक्खरणीए चउद्दिसिं चत्तारि वनसंडे रोवावेति।तए गते वनसंडाअणुपुब्वेणं सारक्खिञ्जमाणा संगोविजमाणाय संवड्डियमाणा यसे वनसंडाजाया किण्हा जाव निकुरुंबभूया पत्तिया पुस्फिया जाव उवसोभेमाणा २ चिट्ठति।।
ततेणं नंदेपुरच्छिमिल्लेवनसंडे एगंमहं चित्तसभं करावेति अणेगखंभसयसंनिविलृपा०, तत्थ णं बहूणि किण्हाणि य जाव सुकिलाणि य कट्टकम्माणि य पोत्थकम्माणि चित्त० लिप्प० गंथिमवेढिमपूरिमसंघातिम० उवदंसिजमाणइं२ चिट्ठति, तत्थ णंबहूणि आसणाणियसयणाणि य अत्थुयपञ्चत्युयाई चिटुंति, तत्थणंबहवे नडाय नहाय जाव दिनभइभत्तवेयणा तालायरकम्म करेमाणा विहरंति, रायगिहविणिग्गओयजत्यबहूजणोतेसुपुब्वन्नत्थेसुआसणसयणेसुसंनिसन्नो य संतुयट्टो य सुणमाणो य पेच्छमाणो य सोहेमाणो य सुहंसुहेणं विहरइ, तते णं नंदे दाहिणिल्ले वनसंडे एगं महं महाणससालं करावेति अणेगखंभ० जाव एवं तत्थ णं बहवे पुरिसा दिनभइभत्तवेयणा विपुलं असन ४ उवक्खडेति बहूणं समणमाहणअतिहीकिवणवणीमगाणं परिभाएमाणा २ विहरंति,
तते णं नंदे मणियारसेट्ठी पञ्चत्थिमिल्ले वनसंडे एगं महं तेगिच्छियसालं करेति, अनेगखंभसय० जाव रूवं, तत्थ णं बहवे वेजा य वेजपुत्ता य जाणुया य जाणुयपुत्ता य कुसला य कुसलपुत्ताय दिनभइभत्तवेयणा बहूणं वाहियाणं गिलाणाण यरोगियाण य दुब्बलाण य तेइच्छं करेमाणा विहरंति, अन्ने य एत्य बहवे पुरिसा दिन्न तेसिं बहूणं विहायाण य रोगि० गिला० दुब्बला० ओसहभेसज्जभत्तपाणेणं पडियारकम्मं करेमाणा विहरंति,
ततेणं नंदे उत्तरिल्लेवनसंडे एगमहंअलंकारियसभंकरोति, अनेगखंभसत-जाव पडिरूवं,
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |