Page Text
________________
तस्कन्धः -१, वर्गः, अध्ययनं -८
१५५
कोरंटमल्लदामा जाव सेयवरचामराहिं० महयाहयगमरहपवरजोहकलियाए चाउरंगिणीए सेनाए द्धिं संपरिवुडा सव्विड्डीए जाव रवेणं सएहिं २ नगरेहिंतो जाव निग्गच्छंति २ एगयओ मिलायंति ★ जेणेव मिहिला तेणेव पहारेत्थ गमणाए, तते णं कुंभए राया इमीसे कहाए लट्टे समाणे मतवाउयं सद्दावेति २ एवं वदासी - खिप्पामेव० हय जाव सेन्नं सन्नाहेइ जाव पञ्चप्पिणंति, तते
कुंभए हाते सण्णद्धे हत्थिबंध० सकोरंट० सैयवरचामरए महया० मिहिलं मज्झमझेणं निजाति २ विदेहं जणवयं मज्झमज्झेणं जेणेव देसअंते तेणेव उवा० २ खंधावारनिवेसं करेति २ लियसत्तुपा० छप्पिय रायाणो पडिवालेमाणे जुज्झसज्जे पडिचिट्ठति, तते णं ते जियसत्तुपामोक्खा पिय रायाणो जेणेव कुंभए तेणेव उवा० २ कुंभएणं रन्ना सद्धिं संपलग्गा यावि होत्या,
तते णं ते जियसत्तुपामोक्ख छप्पि रायाणी कुंभयं रायं हयमहियपवरवीरधाइयनिवडियचिंधद्धयप्पडागं किच्छप्पाणोवगयं दिसो दिसिं पडिसेहिं, ततेणं से कुंभए जितसत्तुपामोक्खेहिं छहं राहिं हयमित जाव पडिसेहिए समाणे अत्थामे अबले अवीरिए जाव अधारिणिज्जमितिकड सिग्धं तुरियं जाव वेइयं जेणेव मिहिला तेणेव उवा० २ मिहिलं अनुपविसति २ मिहिलाए दुवारातिं पिहेइ २ रोहसने चिट्टति, तते णं ते जितसत्तुपामोक्खा छप्पि राया णो जेणेव मिहिला तेणेव उवागच्छति २ मिहिलं रायहाणि निस्संचारं निरुच्चारं सव्वतो समंता ओरुंभित्ताणं चिट्ठति, तते णं से कुंभए मिहिलं रायहाणिं रुद्धं जाणित्ता अब्भंतरियाए उवट्ठाणसालाए सीहासणवरगए सिं जितसत्तुपामोक्खाणं छण्हं रातीणं छिद्दाणि य विवराणि य मम्माणि य अलभमाणे बहूहिं आएहि य उवाएहि य उप्पत्तियाहि य ४ बुद्धीहिं परिणामेमाणे २ किंचि आयं वा उवायं वा अलभमाणे ओहतमणसंकप्पे जाव झियायति, इमं च णं मल्लीवि० ण्हाया जाव बहूहिं खुज्जाहिं परिवुडा जेणेव कुंभए तेणेव उ० २ कुंभगस्स पायग्गहणं करेति,
तते णं कुंभए मल्लिं विदेह० नो आढाति नो परियाणाइ तुसिणीए संचिट्ठति, तते णं मल्ली वि० कुंभगं एवं वयासी- तुब्भे णं ताओ ! अन्नदा ममं एजमाणं जाव निवेसेह, किन्नं तुब्भं अज्ज ओहत० झियायह?, तते णं कुंभए मल्लिं वि० एवं व० - एवं खलु पुत्ता ! तव कजे जितसत्तुपमुक्खेहिं छहिं रातीहिं दूया संपेसिया, ते णं मए असक्कारिया जाव निच्छूढा, तते णं ते जितसतुपामुक्खा तेसिं दूयाणं अंतिए एयमहं सोचा परिकुविया समाणा मिहिलं रायहाणिं निरसंचारं जाव चिह्नंति, तते णं अहं पुत्ता तेसिं जितसत्तुपामोक्खाणं छण्हं राईणं अंतराणि अलभमाणे जाव झियामि, तते णं सा मल्ली वि० कुंभयं रायं एवं वयासी- मा णं तुब्भे ताओ ! ओहयमनसंकप्पा जाव झियायह, तुब्भेणं ताओ! तेसिं जियसत्तुपामोक्खाणं छण्हं राईणं पत्तेयं २ रहसियं दूयसंपेसे करेह, एगमेगं एवं वदह-तव देमि मल्लिं विदेहवररायकन्नंतिकट्टु संझाकालसमयंसि पविरलमणूसंसि निसंतंसि पडिनिसंतंसि पत्तेयं २ मिहिलं रायहाणि अनुष्पवेसेह २ गब्भघरएसु अनुप्पवेसेह मिहिलाए रायहाणीए दुवाराई पिधेह २ रोहसज्जे चिट्ठह,
तते णं कुंभ एवं ० ते चैव जाव पवेसेति रोहसज्जे चिट्ठति, तते णं ते जितसत्तुपामोक्खा छप्पिय रायाणो कल्लं पाउब्भूया जाव जालंतरेहिं कणगमयं मत्थयछिड्डुं पउमुप्पलपिहाणं पडिमं पासति, एस णं मल्ली विदेहरायवरकण्णत्तिकट्टु मल्लीए विदेह० रूवे य जोव्वणे य लावण्णे य मुच्छिया गिद्धा जाव अज्झोववण्णा अनिमिसाए दिट्ठीए पेहमाणा २ चिट्ठति, तते णं सा मल्ली
For Private & Personal Use Only
www.jainelibrary.org
Jain Education International
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |