Page Text
________________
श्रुतस्कन्धः -१, वर्ग:-, अध्ययनं -६
तेणं कालेणं २ समणस्स जेट्टे अंतेवासी इंदभूती अदूरसामंते जाव सुक्कझाणोवगए विहरति, तते गं से इंदभूति जायसड्डे० समणस्स ३ एवं वदासी-कहण्णं भंते! जीवा गुरुयत्तं वा लहुयत्तं वा हव्वमागच्छंति ?, गोयमा ! से जहा नामए केइ पुरिसे एगं महं सुक्कं तुंबं निच्छिड्ड निरुवहयं दब्भेहिं कुसेहिं वेढेइ २ मट्टियालेवेणं लिंपति उन्हे दलयति २ सुक्कं समाणं दोघंपि दमेहि य कुसेहि य वेढेति २ मट्टियालेवेणं लिंपति २ उण्हे सुकं समाणं तचंपि दब्भेहि य कुसेहि य वेढेति २ मट्टियालेवेणं लिंपति, एवं खलु एएणुवाएणं अंतरा वेढेमाणे अंतरा लिंपेमाणे अंतरा सुकवेमाणे जाव अट्ठहिं मट्टियालेवेहिं आलिंपति, अत्थाहमतारमपोरिसियंसि उदगंसि पक्खिवेजा, से नूनं गोयमा ! से तुंबे तेसिं अट्ठण्हं मट्टियालेवेणं गुरुययाए भारिययाए गुरुयभारिययाए उप्पिं सलिलमतिवइत्ता अहे धरणियलपइट्ठाणे भवति, एवामेव गोयमा ! जीवावि पाणातिवाएणं जाव मिच्छादंसणसल्लेणं अनुपुव्वेणं अट्ठ कम्मपगडीओ समनिजिणन्ति,
तासिं गरुययाए भारिययाए गरुयभारिययाए कालमासे कालं किञ्च्चा धरणियलमतिवतित्ता अहे नरगतलपइट्टाणा भवंति, एवं खलु गोयमा ! जीवा गुरुयत्तं हव्वमागच्छंति ।
अहणं गोतमा ! से तुंबे तंसि पढमिल्लुगंसि मट्टिया लेवंसि तिन्नंसि कुहियंसि परिसडियंसि ईसिंधणरियलाओ उम्पतित्ता णं चिट्ठति, ततोऽनंतरं च णं दोघंपि मट्टियालेवे जाव उप्पतित्ता णं चिट्ठति, एवं खलु एएणं उवाएणं तेसु अट्ठसु मट्टियालेवेसु तिनेसु जाव विमुक्कबंधणे अहेधरणियलमइवइत्ता उपिं सलिलतलपइट्टाणे भवति, एवामेव गोयमा ! जीवा पाणातिवातवेरमणेणं जाव मिच्छादंसणसल्लवेरमणेणं अनुपुव्वेणं अट्ठ कम्मपगडीओ खवेत्ता गगणतलमुप्पइत्ता उप्पिं लोयग्गपतिट्टाणा भवंति,
१२३
एवं खलु गोयमा ! जीवा लहुयत्तं हव्वमागच्छंति । एवं खलु जंबू ! समणेणं भगवया महावीरेणं छट्टस्स नायज्झणस्स अयमट्टे पन्नत्तेत्तिबेमि ॥
वृ. सर्वं सुगमं, नवरं, निरुपहतं - वातादिभिः दर्भीः- अग्रभूतैः कुशैः--मलभूतैः, जात्या दर्भकुशभेद इत्यन्ये, 'अत्थाहंसि' त्ति अस्थाघे अगाधे इत्यर्थः, पुरुषः परिमाणमस्येति पौरुषिकं तनिषेधादषौरुषिकं, मृल्लेपानां सम्बन्धात् गुरुकतया, गुरुकतैव कुतः ? - भारिकतया, मृल्लेपजनितभारवत्त्वेनेति भावः, गुरुकभारिकतयेति तुम्बकधर्मद्वयस्याप्यधोमज्जनकारणताप्रतिपादनायोक्तं, 'उप्पिं' उपरि 'अइवइत्ता' अतिपत्यातिक्रम्य 'तिन्नंसि' त्ति स्तिमित आर्द्रतां गते ततः 'कुथिते' कोथमुपगते ततः 'परिसटिते' पतिते इति । इह गाथे“जह मिउलेवालित्तं गरुयं तुंबं अहो वयइ एवं । आसवकयकम्मगुरु जीवा वच्चंति अहरगयं ॥ तं चैव तव्विमुक्कं जलोवरिं ठाइ जायलहुभावं । जह तह कम्मविमुक्का लोयग्गपइट्टिया होति ॥" श्रुतस्कन्ध :- १ - अध्ययनं - ६ - समाप्तम्
॥१॥
॥२॥
अध्ययनं - ७ - रोहिणी
वृ. अथ सप्तमं विव्रियते, अस्य च पूर्वेण सहायं सम्बन्धः, इहानन्तराध्ययने प्राणातिपातादिमतां कर्मगुरुताभावेनेतरेषां च लघुताभावेन अनर्थप्राप्तीतरे उक्ते, इह तु प्राणातिपा
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |