Page Text
________________
१२४
ज्ञाताधर्मकथाङ्ग सूत्रम्-१/-19/७५
तादिविरतिमञ्जकपरिपालकानां ते उच्यते, इत्येवंसम्बद्धम्
मू. (७५) जतिणं भंते ! समणेणं जाव संपत्तेणं छहस्स नायज्झयणस्स अयमढे पन्नत्ते सत्तमस्सणं भंते ! नायज्झयणस्स के अढे पन्नते?,
एवं खलु जंबू!तेणं कालेणं २ रायगिहे नाम नयरे होत्या, सुभूमिभागे उजाणे, तत्यणं रायगिहे नगरे धन्ने नामं सत्यवाहे परिवसति, अड्डे०, महाभारियाअहीणपंचेदिय० जाव सुरुवा, तस्स णं धन्नस्स सत्यवाहस्स पुत्ता भदाए भारियाए अत्तया चत्तारि सत्यवाहदारया होत्था,
तंजहा-धनपाले धनदेवे धनगोवे धनरखिए, तस्स णं धन्नस्स सत्यवाहस्स वउण्हं पुत्ताणं भारियओ चत्तारि सुहाओ होत्था, तं०-उन्झिया भोगवतिया रक्खतिया रोहिणिया,
तते णं तस्स धन्नस्स अन्नया कदाई पुव्वरत्तावरत्तकालसमयंसि इमेयास्त्वे अब्भत्थिए जाव समुप्पज्जित्या-एवं खलु अहं रायगिहे बहूणं ईसर जाव पभिईणं सयस्स कुडुंबस्स बहू कज्जेसु य करणिज्जेसु कोडुबेसु य मंतणेसु य गुझे रहस्से निच्छए ववहारेसु य आपुच्छणिज्ने पडिपुच्छणिज्जे मेढी पमाणे आहारे आलंबणे चक्खुमेढीभूते कज्जवट्टावए,
तंणं नजति जंमए गयंसि वा चुयंसि वा मयंसि वा भग्गंसि वा लुग्गंसि वा सडियंसिवा पडियंसि वा विदेसत्थंसि वा विप्पवसियंसि वा इमस्स कुटुंबस्स किं मन्ने आहारे वा आलंबे वा पडिबंधे वा भविस्सति ?, तं सेयं खलु मम कल्लं जाव जलते विपुलं असनं ४ उवक्खडावेत्ता मित्तनाति० चउण्हं सुण्हाणं कुलघरवग्गंआमंतेत्तातं मित्तनाइणियगसयण य चउण्ह सुण्हाणं कुलघरवग्गं विपुलेणं असनं ४ धुवपुप्फवस्थगंध जाव सकारेत्तासम्माणेत्ता तस्सेव मित्तनाति० चउण्हं य सुण्हाणं कुलघरवग्गरस पुरतो चउण्हं सुण्हाणं परिक्खणट्टयाए पंच २ सालिअक्खए दलइत्ता जाणामिताव का किहं वा सारक्खेह वा संगोवेइ वा संवढेति वा?,
एवं संपेहेइ २ कल्लं जाव मित्तनाति० चउण्हं सुण्हाणं कुलघरवगं आमंतेइ २ विपुलं असनं४उवक्खडावेइ ततो पच्छा बहाए भोयणमंडवंसि सुहासण० मित्तनाति० चउण्ह य सुण्हाणं कुलघरवग्गेणं सद्धिं तं विपुलं असन ४ जाव सक्कारेति २ तस्सेव मित्तनाति० चउण्ह य सुण्हाणं कुलघरवग्गस्स य पुरतो पंच सालिअक्खए गेण्हतिर जेट्टा सुण्हा उज्झितियातं सद्दावेतिर एवं वदासी-तुमंणं पुत्ता मम हत्थाओ इमे पंच सालिअक्खए गेण्हाहि २ अनुपुव्वेणं सारक्खेमाणी संगोवेमाणी विहराहि, जया णंऽहं पुत्ता! तुमंइमे पंच सालिअक्खए जाएजातयाणं तुममम इमे पंच सालिअक्खए पडिदिजाएजासित्तिकट्ठ सुहाए हत्थे दलयति २ पडिविसजेति, तते णं सा उझिया धन्नस्सतहत्तिएयमट्ठ पडिसुणेतिर धन्नस्स सत्यवाहस्स हत्याओ ते पंच सालिअक्खए गेण्हति २ एगंतमवक्कमति एगंतमवक्कमियाएइमेयास्वेअब्भस्थिए० एवंखलुतायाणकोडागारंसि बहवे पल्ला सालीणं पडिपुण्णा चिट्ठति,
तंजया णं ममं ताओ इमे पंच सालिअक्खए जाएस्सति तयाणं अहं पल्लंतराओ अन्ने पंच सालिअक्खएगहायदाहामित्तिकट्ठएवं संपेहेइ २ तंपंच सालिअक्खए एगंतेएडेतिर सकम्मसंजुत्ता जाया यावि होत्था ! एवं भोगवतियाएवि, नवरं सा छोल्लेति २ अनुगिलति २ सक्कम्मसंजुत्ता जाया। एवं रक्खियावि, नवरं गेण्हति २ इमेयासवे अब्भत्थिए०-एवं खलु ममं ताओ इमस्स मित्तनाति० चउण्ह य सुण्हाणं कुलघरवग्गस्स य पुरतो सद्दावेत्ता एवं वदासी-तुमण्णं पुत्ता मम
For Private & Personal Use Only
Jain Education International
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |