Page Text
________________
११४
ज्ञाताधर्मकथाङ्ग सूत्रम्-१/-/५/६६ होत्या उप्पत्तियाए वेणइयाए ४ उववेया रजधुरं चिंतयंति।
धावच्चापुत्ते सेलगपुरे समोसढे राया निग्गतो धम्मकहा, धम्मं सोचाजहाणंदेवाणुप्पियाणं अंतिए बहवे उग्गा भोगाजाव चइत्ता हिरनंजाव पव्वइत्ता तहाणं अहं नो संचाएमि पच्वत्तिए, अहन्नं देवाणुप्पियाइणं अंतिए पंचाणुव्वइयं जाव समणोवासए जाव अहिगयजीवाजीवे जाव अप्पाणं भावमाणे विहरति, पंथगपामोक्खा पंच मंतिसया समणोवासया जाया, थावच्चापुत्ते बहिया जणवयविहारं विहरति।
मू. (६७) तेणंकालेणं र सोगंधिया नाम नयरी होत्था वन्नओ, नीलासोएउजाणे वनओ, तत्थ णं सोगंधियाए नयरीए सुदंसणे नामं नगरसेट्ठी परिवसति अढे जाव अपरिभूते।
तेणं कालेणं २ सुए नां परिव्वायए होत्था रिउव्वेयजजुब्वेयसामवेयअथव्वणवेयसद्वितंतकुसले संखसमए लढे पंचजमपंचनियमजुत्तं सोयमूलयं दसप्पयारं परिव्वायगधम्म दानधम्मं च सोयधम्मं च तित्थाभिसेयं च आघवेमाणे पन्नवेमाणे धाउरत्तवत्थपवरपरिहिए तिदंडकुंडियछत्तछलु (करोडियछण्णाल)यंकुसपवित्तयकेसरीहत्यगए परिव्वायगसहस्सेणं सदद्धिंसंपरिवुडे जेणेव सोगंधियामगरी जेणेव परिव्वायगावसहे तेणेव उवागच्छइ २ परिवायगावसहंसि भंडगनिक्खेवं करेइ २ त्ता संखसमएणं अप्पाणं भावेमाणे विहरत्ति।
ततेणंसोगंधियाएसिंघाडग० बहुजणो अन्नमन्नस्स एवमाइक्खइ-एवंखलुसुएपरिवायए इह हव्वमागते जाव विहरइ, परिसा निग्गया सुदंसणो निग्गए, तते णं से सुए परिव्वायए तीसे परिसाए सुदस्सणस्स यअन्नेसिंचबहूर्ण संखाणं परिकहेति-एवं खलु सुदंसणा! अम्हं सोयमूलए धम्मे पन्नत्ते सेऽविय सोए दुविहे पं०, तं०-दव्वसोए य भावसोए य,
दव्वसोए य उदएणं मट्टियाए य, भावसोए दन्भेहि य मंतेहि य, जनं अम्हं देवाणुप्पिया! किंचि असुई भवति तं सव्वं सज्जो पुढवीए आलिप्पतिततो पच्छा सुद्धेण वारिणा पक्खाविज्ञति ततोतं असुईसुई भवति, एवं खलु जीवा जलाभिसेयपूथप्पाणो अविग्घेणं सग्गंगच्छंति, ततेणं से सुदंसणे सुयस्स अंतिए धम्मं सोचा हट्ठे सुयस्स अंतियं सोयमूलयं धम्मंगेण्हति २ परिव्वायए विपुलेणं असण ४ वत्थ० पडिलाभेमाणे जाव विहरति ।ततेणं से सुए परिव्वायगे सोगंधियाओ नगरीओ निगच्छति २त्ता बहिया जणवयविहारं विहरति ।
तेणं कालेणं २ थावच्चापुत्तस्स समोसरणं, परिसा निग्गया, सुदंसणोविणीइ, थावधापुत्तं वंदति नमंसति २ एवं वदासी-तुम्हाणं किंमूलए धम्मे पन्नत्ते?, तते णं थावच्चापुत्ते सुदंसणेणं एवं वुत्ते समाणे सुदंसणं एवं वदासी-सुदंसणा! विनयमूले धम्मे पन्नत्ते, सेविय विण० दुविहे पं०, तं०-अगारविणए अनगारविणए य, तत्य णं जे से अगारविणए से णं पंच अणुव्वयाति सत्तसिक्खावयातिएकारसउवासगपडिमाओ, तत्थगंजेसे अनगारविणए सेणं पंच महव्वयाई, तंजहा-सव्वातो पाणातिवायाओ वेरमणं जाव सव्वाओ परिग्गहाओ वेरमणं सव्वाओ राइभोयणाओ वेरमणं जाव मिच्छादसणसल्लाओ वेरमणं, दसविह पञ्चक्खाणे बारस भिक्खुपडिमाओ, इच्छेएणंदुविहेणं विनयमूलएणं धम्मेणं अणुपुव्वेणं अट्ठकम्मपगंठीओ खवेत्ता लोयग्गपइट्ठाणे मवंति, ततेणंथावच्चापुत्ते सुदंसणं एवं वदासी-तुभेणं सुदंसणा! किंमूलएधम्मे पन्नते?, अम्हाणं देवाणुप्पिया! सोयमूले धम्मे पन्नत्ते जाव सग्गं गच्छंति,
Jain Education International
For Private & Personal Use Only
www.jainelibrary.org
| SR No. | 003340 |
| Book Title | Agam Sutra Satik 06 Gnatadharmakath AngSutra 06 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 280 |
| Language | Prakrit, Sanskrit |
| Classification | Book_Devnagari, Agam, Canon, Agam 06, & agam_gyatadharmkatha |
| File Size | 7 MB |