Page Text
________________
४३०
भगवती अङ्गसूत्रं (२) २५/-/७/९४२
भवति, नवमगुणस्थानकं च यावत्सामायिकसंयतोऽपि व्यपदिश्यते, 'जहा कसायकुसीले ' त्ति सामायिकसंयतः सवेदस्त्रिवेदोऽपि स्यात्, अवेदस्तु क्षीणोपशान्तवेद इत्यर्थः ।
'परिहाविसुद्धिय संजए जहा पुलागो' ति पुरुषवेदो वा पुरुषनपुंसकवेदो वा स्यादित्यर्थः, 'सुहुमसंपराये' त्यादौ 'जहा नियंठो' त्ति क्षीणोपशान्तवेदत्वेनावेदक इत्यर्थः । एवमन्यान्यप्यतिदेशसूत्राण्यनन्तरोद्देशकानुसारेण स्वयमवगन्तव्यानीति ।
कल्पद्वारे - 'नो अट्ठियकप्पे 'त्ति अस्थितकल्पो हि मध्यमजिनमहाविदेहजिनतीर्थेषु भवति, तत्रच छेदोपस्थापनीयं नास्तीति ।
मू. (९४३) सामाइयसंजए णं भंते! किं पुलाए होज्जा बउसे जाव सिणाए होज्जा ?, गोयमा ! पुलाए वा होज्जा बउसे जाव कसायकुसीले वा होजा नो नियंठे होज्जा नी सिणाए होज्जा, एवं छेदोवडावणिएवि ।
परिहारविसुद्धिय संजए णं भंते! पुच्छा, गोयमा ! नो पुलाए नो बउसे नो पडिसेवणाकुसीले होजा कसायकुसीले होजा नो नियंठे होजा नो सिणाए होज्जा, एवं सुहुमसंपराएवि ।
अहक्खायसंजए पुच्छा, गोयमा ! नो पुलाए होजा जाव नो कसायकुसीले होज्जा नियंठे वा होज्जा सिणाए वा हो० ५ ।
सामाइयसंजए णं भंते! किं पडिसेवए हो० अपडिसेवए होज्जा ?, गोयमा ! पडिसेवए वा होज्जा अपडि सेवए वा होजा, जइ पडिसेवए होज्जा किं मूलगुणपडिसेवए होज्जा सेसं जहा पुलागस्स, जहा सामाइयसंजए एवं छेदोवट्टावणिएवि, परिहारविसुद्धियसंजए पुच्छा, गोयमा ! नो पडिसेवए होजा अपडिसेवए होज्जा एवं जाव अहक्खायसंजए ६ ।
सामाइय संजए णं भंते! कतिसु नाणेसु होज्जा ?, गोयमा ! दोसु वा तिसु वा चउसु वा नाणेसु होज्जा, एवं जहा कसायकुसीलस्स तहेव चत्तारि नाणाई भयणाए, एवं जाव सुहुसंपराए, अहक्खायसंजयस्स पंच नाणाई भयणाए जहा नाणुद्देसए ।
सामाइयसंजए णं भंते! केवतियं सुयं अहिज्जेज्जा ?, गोयमा ! जहनेणं अट्ट पवयणमायाओ जहा कसायकुसीले एवं छेदोवद्वावणिएवि, परिहारविसुद्धियसंजए पुच्छा, गोयमा ! जहनेणं नवमस्स पुव्वस्स ततियं आयारवत्युं उक्कोसेणं असंपुन्नाइं दस पुव्वाइं अहिज्जेज्जा, सुहुमसंपरायसंजए जहा सामाइयसंजए, अहक्खायसंजए पुच्छा, गोयमा ! जहन्त्रेणं अट्ठ पवयणमायाओ उक्कोसेणं चोद्दस पुव्वाइं अहिज्जेज्जा सुयवतिरित्ते वा होजा ७ ।
सामाइयसंजणं भंते! किं तित्थे हो० अतित्थे होज्जा ?, गोयमा ! तित्थे वा होजा अतित्थे वा होज्जा जहा कसायकुसीले, छेदोवट्टावणिए परिहाराविसुद्धिए य जहा पुलाए, सेसा जहा सामाइयसंजए ८ ा
सामाइयसंजए णं भंते! किं सलिंगे होज्जा अन्त्रलिंगे होज्जा गिहिलिंगे होजा जहा पुलाए, एवं छेदोवट्ठावणिएवि, परिहारिविसुद्धियसंजए णं भंते! किंपुच्छा, गोयमा ! दव्वलिंगंपि भावलिंगंपि पडुच्च सलिंगे होजा नो अन्नलिंगे होजा नो गिहिलिंगे होज्जा, सेसा जहा सामाइयसंजए ९ । सामाइयसंजए णं भंते! कतिसु सरीरेसु होज्जा ?, गोयमा ! तिसु वा चउसु वा पंचसु वा जहा कसायकुसीले एवं छेदोवट्ठावणिएवि, सेसा जहा पुलाए १० ।
For Private & Personal Use Only
Jain Education International
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |