Page Text
________________
३०८
भगवती अङ्गसूत्रं (२) २०/-/१०/८०५
वा?, गोयमा ! सव्वत्थोवा नेरइया छक्कसमज्जिया नोछक्कसमज्जिया संखेज्जगुणाछक्केण य नोछकेण य समजिया संखेजहगुणा छक्केहि य समज्जिया असंखेज्जगुणा छक्केहि य नोछकेण य समज्जिया संखेजगुणा एवं जाव थणियकुमारा ।
एएसि णं भंते! पुढविकाइयाणं छक्केहिं समज्जियाणंछक्केहि य नोछक्केण य समज्जियाणं कयरे २ जाव विसेसाहिया वा ?, गोयमा ! सव्वत्थोवा पुढविकाइया छक्केहिं समजिया छक्केहि य नोछक्केण य समजिया संखेज्जगुणा एवं जाव वणस्सइकाइयाणं, बेइंदियाणं जाव वैमाणियाणं जहा नेरइयाणं ।
एएसि णं भंते! सिद्धाणं छक्कसमजियाणं नोछक्कसमज्जियाणं जाव छक्केहि य नोछक्केण य समज्जियाण य कयरे २ जाव विसेसाहिया वा ?, गोयमा ! सव्वत्थोवा सिद्धा छक्केहि य नोछक्केण य समज्जिया छक्केहिं समज्जिया संखज्जगुणा छक्केण य नोछक्केण य समजिया संखेज्जगुणा छक्कसमज्जिया संखेजगुणा नोछंकसमजिया संखेज्जगुणा ।
नेरइया णं भंते! किं बारससमज्जिया १ नोबारसमजिया २ बारसएण य नोबारसएण य समजिया ३ बारसएहिं समज्जिया ४ बारसएहिं नोबारसएण य समज़ियावि ५१, गोयमा ! नेरतिया बारससमज्जियावि जाव बारसएहि य समज्जियावि, से केणट्टेणं जाव समज्जियावि ।
गोयमा ! जेणं नेरइया बारसएणं पवेसणएणं पविसंति ते णं नेरइया बारसमजिया १ जे णं नेरइया जत्रेणं एक्केण वा दोहिं वा तीहिं वा उक्को सेणं एक्कारसएणं पवेसणएणं पविसंति ते णं नेरइया नोबारससमजिया २ जे गं नेरइया बारसएणं अन्त्रेण य जहन्त्रेणं एक्केण वा दोहिं वा तीहिं वा उक्कोसेणं एक्कारसएणं पवेसणएणं पविसंति तेणं नेरइया बारसएण य नोबारसएण य समजिया ३ । जेणं नेरइया नेगेहिं बारसएहिं पवेसणंगं पविसंति ते णं नेरतिया बारसएहिं समजिया ४ जेणं नेरइया नेगेहिं बारसएहिं अत्रेण य जहन्त्रेणं एक्केण वा दोहिं वा तीहिं वा उक्कोसेणं एक्कारसएणं पवेसणएणं पविसंति ते णं नेरइया बारसएहि य नोबारसएण य समिज्जिया ५ । से तेणट्टेणं जाव समज्जियावि, एवं जाव थणियकुमारा ।
पुढविक्काइयाणं पुच्छा गोयमा! पुढविकाइया नोबारससमज्जिया १ नो नोबारससमज्जिया २ नो बारसएण य समजिया ३ बारसएहिं समज्जिया ४ बारसेहि य नो बारसेण य समज्जियावि ५, से केणद्वेणं जाव समज्जियावि २ नो बारसएण य समजिया ३ बारसएहिं समजिया ४ बारसेहि य नो बारसेण य समज्जियावि ५, केणट्टेणं जाव समजियावि ?
गोयमा ! जेणं पुढविकाइया नेगेहिं बारसएहिं पवेसणगं पविसंति ते णं पुढविकाइया बारसएहिं समज्जिया जे गं पुढविकाइया नेगेहिं बारसएहिं अन्त्रेण य जहत्रेणं एक्कण वा दोहिं वा तीहिं वा उक्कोसेणं एक्कारसएणं पवेसणएणं पविसंति ते णं पुढविकाइया बारसएहिं नोबारसएण य समज्जिया से तेणद्वेणं जाव समज्जियावि, एवं जाव वणस्सइकाइया ।
बेइं दिया जाव सिद्धा जहा नेरइया। एएसि णं भंते! नेरतियाणं बारससमज्जियागं० सव्वेस अप्पा बहुगं जहा छक्कसमज्जियाणं नवरं बारसाभिलावो सेसं तं चेव । नेरतिया णं भंते ! किं चुलसीतिसमज्जिया नोचुलसीतिसमजिया २ चुलसीते य नोचुलसीते य समज्जिया ३ चुलसीतीहिं समज्जिया ४ चुलसीतीहिय नोचुलसीतीए समजिया ५ ? गोयमा ! नेरतिया चुलसीतीए समज्जियावि
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |