________________
शतर्क- १८, वर्गः, उद्देशकः - २
२४५
जाव मा पडिबंधं, तए णं से कत्तिए सेट्ठी जाव पडिनिक्खमति २ जेणेव हत्थिनागपुरे नगरे जेणेव सए गेहे तेणेव उवागच्छइ २ नेगमट्टसहस्सं सद्दावेति २ एवं वयासी एवं खलु देवाणुप्पिया ए मुनिसुव्वयस्स अरहओ अंतियं धम्मे निसन्ते सेऽविय मे धम्मे इच्छिए पडिच्छिए अभिरुइए
तए णं अहं देवाणुम्पिया ! संसारभयुव्विग्गे जाव पव्वयामि तं तुज्झे णं देवाणुप्पिया! किं करेह किं ववसह किं भे हियइच्छिए किं भे सामत्थे ?, तए णं तं नेगमट्ठसहस्संपि तं कत्तियं सेि एवं वयासी - जइ णं देवाणुप्पिया! संसारभयुव्विग्गा जाब पव्वइस्संति अम्हं देवाणुप्पिया ! किं अन्ने आलंबणे वा आहारे वा पडिबंधे वा ? अम्हेवि णं देवाणुप्पिया ! संसारभयुव्विग्गा भीया जम्मणमरणाणं देवाणुम्पिएहिं सद्धिं मुनिसुव्वयस्सअरहओ अंतियं मुंडा भवित्ता आगाराओ जाव पव्वयामो। तए णं से कत्तिए सेट्ठी तं नेगमट्टसहस्सं एवं वयासी
जदिणं देवाणुप्पिया ! संसारभयुविग्गा भीया जम्मणमरणाणं मए सद्धिं मुणिसुव्वयजावपव्वयह तं गच्छहणं तुज्झे देवाणु ० सएसु गिहेसु विपुलं असणं जाव उवक्खडावेह मित्तनाइजाव पुरओ जेपुते कुटुंबे ठावेह जेट्ट० २ तं मित्तनइजाव जेडुपुत्ते आपुच्छह आपु० २ पुरिससहस्सवाहिणीओ सीयाओ दुरूहह २ त्ता मित्तनाइजावपरिजणेणं जेट्ठपुत्तेहि य समणुगम्ममाणमग्गा सव्वड्डीए जाव रखेणं अकालपरिहीणं चेव मम अंतियं पाउब्भवह।
तए णं ते नेगमट्टसहस्संपि कत्तियस्स सेट्ठिस्स एयमङ्कं विणएणं पडिसुर्णेति प० २ जेणेव साईं साइं गिहाई तेणेव उवागच्छइ २ विपुलं असणजाव उवक्खडावेति २ मित्तनाइजाव तस्सेव मित्तनाइजाव पुरओ जेट्ठपुत्ते कुडुंबे ठावेंति जेट्टपुत्ते ० २ तं मित्तनाइजाव जेट्ठपुत्ते य आपुच्छंति जे ० २ पुरिससहस्सवाहिणीओ सीयाओ दुरुहंति दु० २ मित्तनातिजाव परिजणेणं जेट्ठपुत्तेहि य समणुगम्ममाणमग्गा सव्वड्डीए जाव रवेणं अकालपरिहीणं चैव कत्तियस्स सेट्ठिस्स अंतियं पाउब्भवंति ।
तए से कत्तिए सेट्ठी विपुलं असणं ४ जहा गंगदत्तो व मित्तणातिजावपरिजणेणं जेवपुत्तेणं नेगम सहस्सेण य समणुगम्ममाणमग्गे सव्वडिए जाव रवेणं हत्थिणापुरं नगरं मज्झमज्झेणं पुत्ते नेगमसहस्सेण य समणुगम्ममाणमग्गे सव्वाढिए जाव रवेणं हत्थिणापुरं नगरं मज्झमज्झेणं जहा गंगदत्तो जाव अलित्ते णं भंते! लोए पलित्ते णं भंते! लोए आलित्तपलित्ते णं भंते! लोए जाव अनुगामियत्ताए भविस्सति तं इच्छामि णं भंते! नेगमट्टसहरसेण सद्धिं सयमेव पव्वावियं जाव धम्ममाइक्खियं ।
तए णं मुनिसुव्वए अरहा कत्तियं सेट्टं नेगमट्टसहस्सेणं सद्धिं सयमेव पव्वावेति जाव धम्ममाइक्खइ, एवं देवाणुप्पिया ! गंतव्वं एवं चिट्ठियव्वं जाव संजमियव्वं, तए णं से कत्तिए सेट्टी ने गम सहस्सेण सद्धि मुनिसुव्ययस्स अरहओ इमं एयारूवं धम्मियं उवदेसं सम्मं पडिवज्जइ तमाणाए तहा गच्छति जाव संजमेति, तए णं से कत्तिए सेट्ठी नेगमट्टसहस्सेणं सद्धिं अनगारे जाए इरियासमिए जाव गुत्तवंभयारी ।
तए णं से कत्तिए अणगारे मुनिसुव्वयस्स अरहओ तहारूवाणं धेराणं अंतियं सामाइयमाइयाइं चोद्दस पुव्वाइं अहिज्जइ सा० २ बहूहिं चउत्थछट्ठठ्ठमजाव अप्पाणं भावेमाणे बहुपडिपुन्नाई दुवालसवासाई सामन्नपरियागं पाउणइ पा० २ मासियाए संलेहणाए अत्ताणं
Jain Education International
For Private & Personal Use Only
www.jainelibrary.org