Page Text
________________
शतकं-१६, वर्गः-, उद्देशकः-५
२११ मू. (६७६) भंतेत्ति भगवं गोयमे समणं भगवं महावीरं जाव एवं वयासी-गंगदत्तस्सणं भंते ! देवस्स सा दिव्या देवड्डी दिव्वा देवजुती जाव अणुप्पविट्ठा ?, गोयमा ! सरीरं गया सरीरं अणुप्पविट्ठा कूडागारसालादिहतो जाव सरीरं अणुप्पविट्ठा।।
अहोणंभंते ! गंगदत्ते देवे महड्डिए जाव महेसरखे?, गंगदत्तेणं भंते! देवेणं सा दिव्वा देवदी दिव्या देवजुत्ती किण्णा लद्धा जाव गंगदत्तेणं देवेणंसा दिवा देवड्डी जावअभिसमन्नागया?, गोयमादी समणे भगवं महावीरे भगवं गोयमं एवं वयासी
एवं खलु गोयमा ! तेणं कालेणं २ इहेव जंबुद्दीवे २ भारहे वासे हथिणापुरे नाम नगरे होत्था वन्नओ, सहसंबवने उजाणे वनओ, तत्थणंहत्थिणापुरे नगरे गंगत्तेनामंगाहावती परिवसति अड्डे जाव अपरिभूए, तेणं कालेणं २ मुणिसुव्वए अरहा आदिगरे जाव सव्वन्नू सव्वदरिसी आगासगएणंचक्कणंजाव पकड्डिजमाणेणं प० सीसगणसंपरिवुडेपुव्वाणुपुट्विं चरमाणे गामाणुगामं जाव जेणेव सहसंबवणे उजाणे जाव विहरति परिसा निग्गया जाव पञ्जुवासति
तएणं से गंगदत्ते गाहावती इमीसे कहाए लद्धढे समाणे हळुतुट्ठ जाव कयबलिजावसरीरे साओ गिहाओ पडिनिक्खमति २ पायविहारचारेणं हस्थिणागपुरं नगरं मझमज्झेणं निग्गच्छति २ जेणेव सहसंबवने उजाणे जेणेव मुणिसुव्वए अरहा तेणेव उवागच्छइ २ मुणिसुव्वयं अरहं तिक्खुत्तो आ०२ जाव तिविहाए पञ्जुवासणाए पजुवासति।
तए णं मुनिसुव्वए अरहा गंगदत्तस्स गाहावतिस्स तीसे य महतिजाव परिसा पडिगया, तए णं से गंगदत्ते गाहावती मुनिसुव्वयस्स अरहओ अंतियं धम्मं सोचा निसम्म हट्टतुट्ठ० उठाए उद्वति २ मुनिसुव्वयं अरहं वंदति नमसति वंदित्ता नमंसित्ता एवं वयासी-सद्दहामि णं भंते ! निग्गंथं पावयणंजाव से जहेयं तुझे वदह, जनवरं देवाणुप्पिया ! जेट्टपुत्तं कुडुंबे ठावेमितएणं अहं देवाणुप्पियाणं अंतियं मुंडे जाव पव्वयामि।
__ अहासुहं देवाणुप्पिया ! मा पडिबंध, तए णं से गंगदत्ते गाहावई मुनिसुव्वएणं अरहया एवं वुत्ते समाणे हद्वतुट्ट० मुणिसुब्वयं अरिहं वंदति न०२ मुनिसुव्वयस्स अरहओ अंतियाओ सहसंबवणाओ उजाणाओ पडिनिक्खमति प०२ जेणेव हस्थिणापुरे नगरे जेणेव सए गिहे तेणेव उवा०२ विउलं असणं पाणं जाव उवक्खडावेति उ०२ मित्तनातिनियगजाव आमंतेति आमंतेत्ता तओ पच्छाण्हाए जहा पूरणे जावजेठ्ठपुत्तंकुडुंबे ठावेति तं मित्तणातिजाव जेहपुत्तं च आपुच्छति आ०२ पुरिससहस्सवाहणिंसीयंदुरूहतिपुरिससह०२ मित्तनातिनियगजाव परिजणेणं जेट्टपुत्तेण यसमणुगम्ममाणमग्गे सविडीएजावणादितरवेणं हथिणागपुरं मझमझेणंनिग्गच्छइ नि०२ जेणेव सहसंबवने उजाणे तेणेव उवा०२ छत्तादिते तित्थगरातिसए पासति एवं जहा उदायणो जाव सयमेव आभरणं मुयइस० २ सयमेव पंचमुट्टियं लोयं करेति स०२/
जेणेव मुनिसुब्बए अरहाएवं जहेव उदायणो तहेव पव्वइए, तहेवएक्कारस अंगाइंअहिज्जइ जाव मासियाए संलेहणाए सर्व्हि भत्ताईअणसणाजावछेदेति सढि भत्ताइं०२ आलोइय-पडिकते समाहिपत्तेकालमासे कालं किच्चा महाप्सुक्के पप्पेमहासामाणे विमाणेउववायसभाए देवसयणिज्जेंसि जाव गंगदत्तदेवत्ताए उववन्ने।
तएणं से गंगदत्ते देवे अहुणोववन्नमेत्तए समाणे पंचविहाए पजत्तीए पञ्जत्तिभावंगच्छति,
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |