Page Text
________________
१७२
भगवतीअङ्गसूत्रं (२) १५/-1-1६४५ तएणं ते वणिया हट्टतुट्ट० भायणाई भरेति २ पवहणाइं भरेति २ तचंपि अन्नमन्त्रं एवं व०-एवं खलु दे० ! अम्हे इमस्स वम्मीयस्स पढमाए वप्पाए भिन्नाए ओराले उदगरयणेआसादिए दोचाए वप्पाए भित्राए ओराले सुवन्नरयणे अस्सादिए तं सेयं खलु देवाणुप्पिया! अम्हं इमस्स धम्मीयस्स तयपि वप्पिं निंदित्तए, अवियाइं एत्य ओरालं मणिरयणं अस्सादेस्सामो, तए णं ते वणिया अन्नमनस्स अंतियं एयमढे पडिसुणेति अं० २ तस्स वम्मीयस्स तचंपि वर्षि भिंदंति, ते णं तत्थ विमल निम्मलं निब्बलं निक्कलं महत्थं महग्धं महरिहं ओरालं मणिरयणं अस्सादेति।
तएणं ते वणिया हट्टतुट्ठ० भायणाइंभरेतिभा०२ पवहणाइंभरेतिर चउत्थंपिअन्नमन्नं एवं वयासी-एवंखलु देवा०! अम्हे इमस्स वम्मीयस्स पढमाए वप्पाएभिन्नाए ओराले उदगरयणे अस्सादिए दोच्चाए वम्पाएभिन्नाए ओराले सुवण्णरयणे अस्सादिएतच्चाए वप्पाएभिन्नाए ओराले मणिरयणे अस्सादिएत सेयंखलु देवाणुप्पिया! अम्हंइमस्स वम्मीयस्सचउत्थंपिवप्पिं भिंदित्तए अवि याइं उत्तमं महग्धं महरिहं ओरालं वइररयणं अस्सादेस्सामो।
तएणंतेसिंवणियाणंएगेवणिए हियकामए सुहकामए पत्थकामएआनुकंपिएनिस्सेसिए हियसुहनिस्सेसकामएते वणिए एवं वयासी-एवं खलु देवा०! अम्हे इमस्स वम्मीयस्स पढमाए वप्पाए भिन्नाए ओराले उदगरयणे जाव तचाए वप्पाए भिन्नाए ओराले मणिरयणे अस्सादिएतं होउअलाहि पञ्जत्तं एसा चउत्थी वप्पामा भिजउ, चउत्थीणे वप्पासउवसग्गा यावि होत्या, तए णं ते वणिया तस्स वणियस्स हियकामगस्स सुहकामजाव हियसुहनिस्सेसकामगस्स एवमाइक्खमाणस्स जाव परूवेमाणस्स एयमटुं नो सद्दहति जाव नो रोयंति, एयमडं असद्दहमाणा जाव अरोएमाणा तस्स बम्मीयस्स चउत्थंपि वपि भिंदति, ते णं तत्थ उग्गविसं चंडविसं घोरविसं महाविसं अतिकायमहाकायं मसिमूसाकालगयं नयणविसरोसपुत्रं अंजणपुंजनिगरप्पगासंरत्तच्छं जमलजुयलचंचलचलंतजीहं धरणितलवेणियभूयं उक्कडफुडकुडिलजडुलक्खडविकडफडाडोवकरणदच्छंलोहागरधम्मणाणधमधमेंतघोसंअनागलियचंडतिब्बरोसंसमुहिं तुरियंचवलं धमंतं दिट्ठीविसं सप्पं संघटेति।
तएणं से दिट्ठीविसे सप्ये तेहिं वणिएहिं संघट्टिए समाणे आसुरुत्ते जाव मिसमिसेमाणे सणियं २ उद्वेति र सरसरसरस्स वम्मीयस्स सिहरतंदुरूहेइ सि०२ आइच्चं निज्झाति आ०२ ते वणिए अनिमिसाए दिट्ठीए सव्वओ समंता समभिलोएति, तए णं ते वणिया तेणं दिट्ठीविसेणं सप्पेणं अनिमिसाए दिट्ठीए दव्वओ समंतासमभिलोइया सभाणा खिप्पामेव सभंडमत्तोवगरणया एगाहचं कूडाहचं भासरासी कया यावि होत्था, तत्थ णंजे से वणिए तेसिं वणियाणं हियकामए जाव हियसुहनिस्सेसकामए से णं अणुकंपयाए देवयाए सभंडमता नियगं नगरं साहिए।
एवामेव आणंदा! तवविधम्मायरिएणंधम्मोवएसएणंसमणेणं नायपुत्तेणंओराले परियाए आसाइए ओराला कित्तिवत्रसद्दसिलोगा सदेवमणुयासुरे लोए पुव्वंति गुवंति थुवंति इति खलु समणे भगवं महावीरे इति०२, तंजदि मे से अजज किंचिवि वदति तोणंतवणं तेएणं एगाहनं कूडाहचं भासरासिं करेमि जहा वा वालेणं ते वणिया, तुमंच णं आनंदा! सारक्खामि संगोवामि जहा वा से वणिए तैसिं वणियाणं हियकामए जाव निस्सेसकामए अणुकंपयाए देवयाए सभंडमत्तोव० जाव साहिए, तंगच्छणंतुमंआनंदा! तवधम्मायरियस्सधम्मोवएसगस्स समणस्स
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |