Page Text
________________
१७१
शतकं-१५, वर्णः-, उद्देशकःअदूरसामंते वीइवयइ।
तए णं से गोसाले मंखलिपुत्ते आनंदं थेरं हालाहलाए कुंभकारीए कुंभकारावणस्स अदूरसामंतेणं वीइवयमाणंपासइ पा० २ एवंवयासी-एहि तावआनंदा! इओ एगंमहं उवमियं निसामेहि, तए णं से आनंदे थेरे गोसालेणं मंखलिपुत्तेणं एवं वुत्ते समाणे जेणेव हालाहलाए कुंभकारीएकुंभकारावणे जेणेव गोसाले मंखलिपुत्ते तेणेव उवागच्छति।
तएणंसे गोसाले मंखलिपुत्ते आणंदंथेरं एवंवयासी-एवं खलुआनंदा! इतो चिरातीयाए अद्धाए केइ उच्चावगा वणिया अत्थअत्थी अत्थलुद्धा अत्यगवेसी अत्थकंखिया अत्थपिवासा अत्थगवेसणवाए णामाविहविउलपणियभंडमायाए सगडीसागडेणं सुबहुं भत्तपाणं पत्थयणं गहाय एगं महं अगामियं अणोहियं छिन्नावायंदीहमद्धं अडविं अणुप्पविट्ठा।
तएणं तेसिं वणियाणं तीसे अकामियाए अमोहियाए छिन्नावायाए दीहमद्धाए अडवीए किंचि देसं अणुप्पत्ताणं समाणाणं से पुवगहिए उदए अणुपुव्वेणं परिभुंजेमाणे परि०२ खीणे, तए णं ते वणिया खीणोदता समाणा तण्हाए परिब्भवमाणा अन्नमन्ने सद्दावेति अन्न० २ एवं व०- एवं खलु देवाणुप्पिया! अम्हं इमीसे अगामियाए जाव अडवीए किंचि देसं अणुप्पत्ताणं समाणाणं से पुव्वगहिए उदए अणुपुव्वेणं परिभुजेमाणे परि० खीणे तं सेयं खलु देवाणुप्पिया! अम्हं इमीसे अगामियाए जाव अडवीए उदगस्स सव्वओ समंता मग्गणगवेसणं करेत्तएत्तिक? अन्नमन्नस्स अंतिए एयमटुं पडिसुणेति अन्न० २ तीसे णं अगामियाए जाव अडवीए उदगस्स सव्यओ समंता मग्गणवगेसणं करेंति उदगस्स सव्वओ समंता मग्गणवगेसणं करेमाणा एगं महं वणसंडं आसादेति किण्हं किण्होभासं जावनिकुरंबभूयं पासादीयं जाव पडिरूवं।
तस्सणं वनसंडस्स बहुमज्झदेसभाए एत्थणं महेगंवम्मीयं आसाति, तस्सणंवम्मियस्स चत्तारि वप्पुओ अब्भुग्गयाओ. अभिनिसढाओ तिरियं सुसंपग्गहियाओ अहे पन्नगद्धूवाओ पन्नगद्धसंठाणसंठियाओ पासादीयाओ जाव पडिरूवाओ, तएणं ते वाणिया हट्टतुट्ठ० अन्नमन्नं सद्दावेंति अ० २ एवं वयासी-एवं खलु देवा०! अम्हे इमीसे अगामियाए जाव सव्वओ समंता मग्गणगवेसणं करेमाणेहिं इमे वनसंडे आसादिए किण्हे किण्होभासे इमस्स णं वनसंडस्स बहुमज्झदेसभाए इमे वम्मीए आसादिए इमस्सणं वम्मीयस्स चत्तारिवप्पुओअब्भुग्गयाओ जाव पडिरूवाओ तं सेयं खलु देवाणुप्पिया! अम्हंइमस्स वम्मीयस्स पढमं वप्पिं भिन्दित्तए अवियाई ओरालं उदगरयणं अस्सादेस्सामो।
तएणं ते वाणिया अन्नमन्नस्स अंतियं एयमद्वं पडिसुणेति अं० २ तस्स वम्मीयस्स पढमं वप्पिं भिंदंति, ते णं तत्य अच्छं पत्थं जच्चंतणुयं फालियवननाभं ओरालं उदगरयणं आसादेति, तए णं ते वणिया हट्टतुट्ट० पाणियं पिबंति पा० २ वाहणाई पन्जेति वा००२ भायणाई भरेति भा०२ दोच्चंपिअन्नमन्त्रं एवं वदासी-एवं खलु देवाणुप्पिया! अम्हेहिं इमरस वम्मीयस्स पढमाए वप्पीए भिन्नाए ओराले उदगरयणे अस्सादिएतंसेयं खलु देवाणुप्पिया! अम्हंइमस्स वम्मीयस्स दोच्चंपि वप्पिं भिंदित्तए, अवि याई एत्थ ओरालं सुवन्नरयणं आसादेस्सामो, तए णं ते वणिया अन्नमन्नस्स अंतियं एयमढे पडिसुणेति अं० २ तस्स वम्मीयस्स दोच्चंपि वर्षि भिदंति ते णं तत्थ अच्छंजचं तावणिज्जं महत्थं महग्धं महरिहं ओरालं सुवन्नरयणं अस्सदेति ।
For Private & Personal Use Only
Jain Education International
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |