Page Text
________________
भगवती अङ्गसूत्रं (२) १२/-/२/५३५
५६
तहेव सव्वं जाव पजुवासए ।
तए णं सा जयंती समणोवासिया इमीसे कहाए लद्धट्ठा समाणी हट्टतुट्ठा जेणेव मियावती देवी तेणेव उवा० २ मियावतीं देवीं एवं वयासी एवं जहा नवमसए उसभदत्तो जाव भविस्सइ तणं सा मियाक्ती देवी जयंतीए समणोवासियाए जहा देवानंदा जाव पडिसुणेति । तएणं सामियावती देवी कोडुंबियपुरेस सद्दावेइ को० २ एवं वयासी- खिप्पामेव भो देवाणुपिया लहुकरणजुत्तजोइयजाव धम्मियं जाणप्पवरं जुत्तामेव उवट्ठवेह जाव उवडवेति जाव पञ्चपिणंति
तए गं सामियावती देवी जयंतीए समणोवासियाए सद्धिं व्हाया कयबलिकम्मा जाव सरीरा बहूहिं खुजाहिं जाव अंतेउराओ निग्गच्छति अं० २ जेणेव बाहिरिया उवट्टाणसाला जेणेव धम्मिए जाणपवेर तेणेव उ० २ जाव रूढा । तए णं सा मियावती देवी जयंतीए समणीवासियाए सद्धिं धम्मियं जाणप्पवरं दुरूढा समाणी नियगपरियालगा जहा उसभदत्तो जाव धम्मियाओ जाणप्पवराओ पच्चोरुहि ।
तसा मियावती देवी जयंतीए समणोवासियाए सद्धिं बहूहिं खुजाहिं जहा देवानंदा जाव वं० नम० उदायणं रायं पुरओ कट्टु ठितिया चेव जाव पज्जुवासइ !
तए णं समणे भगवं महा० उदायणस्स रनो मियावईए देवीए जयंतीए समणोवासियाए तीसे य महतिमहा० जाव धम्मं० परिसा पडिगया उदायणे पडिगए मियावती देवीवि पडिगया मू. (५३६) तए णं सा जयंती समणोवासिया समणस्स भगवओ महावीरस्स अंतियं धम्मं सोचा निसम्म तुट्ठा समणं भ० महावीरं वं० न० २ एवं वयासी कहिनं भंते! जीवा गरु- यत्तं हव्वमागच्छन्ति ?, जयंती ! पाणाइवाएणं जाव मिच्छादंसणसल्लेणं, एवं खलु जीवा गरुयत्तं हव्वं० एवं जहा पढमसए जाव वीयीवयंति। भवसिद्धियत्तणं भंते! जीवाणं किं सभावओ परिणामओ ?, जयंती ! सभावओ नो परिणामओ। सव्वेविणं भंते! भवसिद्धिया जवा सिज्झित्संति हंता ! जयंती ! सव्वेवि णं भवसिद्धिया जीवा सिज्झिस्संति ।
जइ भंते! सव्वे भवसिद्धिया जीवा सिज्झिस्संति तम्हा णं भवसिद्धियविरहिए लोए भविस्सइ ?, नो तिगडे समट्टे, से केण खाइएणं अद्वेणं भंते! एवं वृच्चइ सव्वेवि णं भवसिद्धिया जीवा सिज्झिस्संति नो चेव णं भवसिद्धियविरहिए लोए भविस्सइ ?, जयंती ! से जहानामए सव्वागाससेदी सिया अनादीया अनवदग्गा परित्ता परिवुडा सा णं परमाणुपोग्गलमेत्तेहिं खंडेहिं समये २ अवहीरमाणी २ अनंताहिं ओसप्पिणीअवसष्पिणीहिं अवहीरंति नो चेव णं अवहिया सिया, से तेणद्वेणं जयंती ! एवं बुधइ सब्बेवि णं भवसिद्धिया जीवा सिज्झिस्संति नो चेव णं भवसिद्धि अविरहिए लोए भविस्सइ ।
सुत्तत्तं भंते! साहू जागरियत्तं साहू ?, जयंती ! अत्थेगइयाणं जीवाणं सुत्तत्तं साहू अत्थेगतियाणं जीवाणं जागरियत्तं साहू, से केणट्टेणं भंते! एवं बुच्चइ अत्थेगइयाणं जाव साहू ?, जयंती जे इमे जीवा अहम्मिया अहम्माणुया अहम्मिट्ठा अहम्मक्खाई अहम्मपलोई अहम्मपलज्रमाणा अहम्मसमुदायारा अहम्मेणं चेव वित्तिं कप्पेमाणा विहरंति एएसि णं जीवाणं सुत्तत्तं साहू, एएणं जीवा सुत्ता समाणा नो बहूणं पाणभूयजीवसत्ताणं दुक्खणयाए सोयणयाए जाव परियावणयाए वहंति । एएणं जीवा सुत्ता समाणा अप्पाणं वा परं वा तदुभयं वा नो बहूहिं अहम्मियाहिं संजोयणाहिं
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |