Page Text
________________
शतकं - १२, वर्गः, उद्देशकः - २
५७
संजोएत्तारो भवंति, एएसि जीवाणं सुत्तत्तं साहू, जयंती ! जे इमे जीवा धम्मिया धम्माणुया जाव धम्मेणं चैव वित्तिं कप्पेमाणा विहरंति एएसि णं जीवाणं जागरियत्तं साहू, एए णं जीवा जागरा समाणा बहूणं पाणाणं जाव सत्ताणं अदुक्खणयाए जाव अपरियावणियाए वट्टंति, ते जंजीवा जागरमाणा अप्पाणं वा परं वा तदुभयं वा बहूहिं धम्मियाहिं संजोयणाहिं संजोएत्तारो भवंति । एएणं जीवा जागरमाणा धम्मजागरियाए अप्पाणं जागरइत्तारो भवंति, एएसि णं जीवाणं जागरियतं साहू, से तेणट्टेणं जयंती ! एवं बुचइ अत्थेगइयाणं जीवाणं सुत्तत्तं साहू अत्थेगइयाणं जीवाणं जागरियत्तं साहू ।
बलियत्तं भंते! साहू दुव्यलियत्तं साहू ?, जयंती ! अत्थेगइयाणं जीवाणं बलियत्तं साहू अत्थेगइयाणं जीवाणं दुब्बलियत्तं साहू, से केणट्टेणं भंते ! एवं बुधइ जाव साहू ?, जयंती ! जे इमे जीवा अहम्मिया जाव विहरति एएसि णं जीवाणं दुब्बलियत्तं साहू, एए णं जीवा एवं जहा सुत्तस्स तहा दुब्बलियस्स वत्तव्वया भाणियव्वा, बलियस्स जहा जागरस्स तहा भाणियव्वं जाव संजोएत्तारो भवंति, एएसि णं जीवाणं बलियत्तं साहू, से तेणट्टेणं जयंती ! एवं वुच्चइ तं चैव जाव साहू । दक्खत्तं भंते! साहू आलसियत्त साहू ?, जयंती ! अत्थेगतियाणं जीवाणं दक्खत्तं साहू अत्थेगतियाणं जीवाणं आलसियत्तं साहू, से केणट्टेणं भंते ! एवं वुबइ तं चेव जाव साहू ?, जयंती ! जे इमे जीवा अहम्मिया जाव विहरति एएसि णं जीवाणं आलसियत्तं साहू ।
एए णं जीवा आलसा समाणा नो वहूणं जहा सुत्ता आलसा भाणियव्वा, जहा जागरा तहा दक्खा भाणियव्व जाव संजोएत्तारो भवति, एएणं जीवा दक्खा समाणा बहूहिं आयरियवेयावच्चेहिं जाव उवज्झाय० थेर० तवस्सि० गिलाणवे० सेहवे० कुलवे० गणवे० संघवे० साहम्मियवेयावच्चेहिं अत्ताणं संजोएत्तारो भवंति, एएसि णं जीवाणं दक्खत्तं साहू, से तेणट्टेणं तं चेव जाव साहू | सोइंदियवसट्टे णं भंते! जीवे किं बंधइ ?, एवं जहा कोहवसट्टे तहेव जाव अणुपरियट्टा । एवं चक्खिदियवसट्टेवि, एवं जाव फासिंदियवसट्टे जाव अनुपरियट्टइ । तए णं सा जयंती समणोवासिया समणस्स भगवओ महावीरस्स अंतियं एयमङ्कं सोचा निसम्म हट्ठतुट्ठा सेसं जहा देवानंदाए तहेव पव्वइया जाव सव्वदुक्खप्पहीणा । सेवं भंते ! २ त्ति ।
वृ.० 'सभावओ'त्तिस्वभावतः पुद्गलानां मूर्त्तत्ववत् 'परिणामओ' त्ति 'परिणामेन' अभूतस्य भवनेन पुरुषस्य तारुण्यवत् । 'सव्वेविणं भंते! भवसिद्धिया जीवा सिज्झिस्संति' त्ति भवा- भाविनी सिद्धिर्येषां ते भवसिद्धिकास्ते सर्वेऽपि भदन्त ! जीवाः सेत्स्यन्ति ? इति प्रश्नः, 'हंते' त्यादि तूत्तरम्, अयं चास्यार्थः- समस्ता अपि भवसिद्धिका जीवाः सेत्स्यन्त्यन्यथा भवसिद्धिकत्वमेव न स्यादिति । अथ सर्वभवसिद्धिकानां सेत्स्यमानताऽभ्युपगमे भवसिद्धिकशून्यता लोकस्य स्यात् नैवं, समयज्ञातात्, तथाहि - सर्व एवानागतकालसमया वर्त्तमानतां लप्स्यन्ते
119 11
“भवति स नामातीतः प्राप्तो यो नाम वर्त्तमानत्वम् ।
एष्यंश्च नाम स भवति यः प्राप्स्यति वर्त्तमानत्वम् ॥"
इत्यभ्युपगमात्, न चानागतकालसमयविरहितो लोको भविष्यतीति । अथैतामेवाशङ्कां जयन्ती प्रश्नद्वारेणास्मदुक्तसंमयज्ञातापेक्षया ज्ञातान्तरेण परिहर्तुमाह- 'जइण' मित्यादि इत्येके व्याख्यान्ति, अन्ये तु व्याचक्षते - सर्वेऽपि भदन्त ! भवसिद्धिका जीवाः सेत्स्यन्ति - ये केचन
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |