Page Text
________________
शतर्क- १२, वर्ग:-, उद्देशक: - १
५३
उवागच्छइ २ गमणागमणाए पडिक्क मइ ग०२ संखं समणोवासगं वंदति नम॑सति वं० न० एवं वयासी- एवं खलु देवाणुप्पिया! अम्हेहिं से विउले असणजाव साइमे उवक्खडाविए तं गच्छामी मं देवाणुपिया ! तं विउलं असणं जाव साइमं आसाएमाणा जाव पडिजागरमाणा विहरामो । तएण से संखे समणोवासए पोक्खलिं समणोवासगं एवं वयासी-नो खलु कप्पर देवाणुप्पिया तं विलं असणं पाणं काइमं साइमं आसाएमाणस्स जाव पडिजागरमाणस्स विहरित्तए, कप्पइ मे पोसहसालाए पोसहियस्स जाव विहरित्तए, तं छंदेणं देवाणुप्पिया ! तुब्भे तं विउलं असणं पाणं खाइमं साइमं आसाएमाणा जाव विहरइ। तए णं से पोक्खलीसमणोवासगे संखस्स समणोवासगस्स अंतियाओ पोसहसालाओ पडिनिक्खमइ २ त्ता सावत्थि नगरिं मज्झंमज्झेणं जेणेव ते समणोवासगा तेणेव उवागच्छइ २ ते समणोवासए एवं वयासी- एवं खलु देवाणुप्पिया ! संखे समणोवासए पोसहसालाए पोसहिए जाव विहरइ, तं छंदेणं देवाणुप्पिया! तुजे विउलं असनपानखाइमसाइमे जाव विहरह, संखे णं समणोवासए नो हव्वभागच्छइ ।
तणं ते समणोवासगा तं विउलं असणपाणखाइमसाइमे आसाएमाणा जाव विहरति । तणं तस्स संखस्स समणोवासगस्स पुव्वरत्तावरत्तकालसमयंसि धम्मजागरियं जागरभाणस्स अयमेयारूने जाव समुम्पिज्जित्था सेयं खलु मे कल्लं जाव जलते समणं भगवं महावीरं वंदित्ता नमसित्ता जा पज्जुवासित्ता तओ पडिनियत्तस्स पक्खियं पोसहं पारित्तएत्तिकड एवं संपेहेति एवं २ कल्लं जाव जलते पोसहसालाओ पडिनिक्खमति प० २ सुद्धप्पावेसाई मंगल्लाई वत्थाई पवर परिहिए सयाओ गिहाओ पडिनिक्खमति सयाओ गिहाओ पडिनिक्खमित्ता पादविहारचारेणं सावत्थि नगरिं मज्झंमज्झेणं जाव पजुवासति, अभिगमो नत्थि ।
तणं ते समणोवासगा कल्लं पादु० जाव जलते पहाया कयबलिक्मा जाव सरीरा सुएहिं सएहिं गेहेहिंतो पडिनिक्खमंति सएहिं २ एगयओ मिलायंति एगयओ २ सेसं जहा पढमं जाव पज्जुवा संति । तए णं समणे भगवं महावीरे तेसिं समणोवासगाणं तीसे य धम्मकहा जाव आणाए आराहए भवति ।
तए णं ते समणोवासगा समणस्स भगवओ महावीरस्स अंतियं धम्मं सोच्द्या निसम्म हट्टतुट्ठा उडाए उट्ठेति उ० २ समणं भगवं महाषीरं वंदंति नम॑संति वं० २ तान० २ त्ता जेणेव संखे सपणोवासए तेणेव उवागच्छन्ति २ संखं समणोवासयं एवं वयासी- तुमं देवाणुप्पिया ! हिजा अम्हेहिं अप्पणा चेव एवं वयासी- तुम्हे णं देवाणुप्पिया ! विडं असणं जाव विहरिस्सामो तए णं तुमं पोसहसालाए जाव विहरिए तं सुट्टु णं तुमं देवाणुप्पिया ! अम्हं हीलसि, अजोत्ति सम भगवं महावीरे ते समणोवासए एवं व्यासी- माणं अज्जो! तुज्झे संखं समणोवासगं हीलह निंदह खिंसह गरहह अवमन्त्रह, संखेणं समणोवासए पियधम्मे चैव दढधम्मे चैव सुदक्खुजागरियं जागरिए ।
बृ. ‘आसाएमाण’त्ति ईषत्स्वादयन्तो बहु च त्यजन्तः इक्षुखण्डादेरिव 'विस्साएमाण 'त्ति विशेषेण स्वादयन्तोऽल्पमेव त्यजन्तः खर्जूरादेरिव 'परिभाएमाण' त्ति ददतः 'परिभुंजेमाण' तिति सर्वमुपभुञ्जाना अल्पमप्यपरित्यजन्तः, एतेषां च पदानां वार्त्तामानिकप्रत्ययान्तत्वेऽप्यतीतप्रत्ययान्तता द्रष्टव्या, ततश्च तद्विपुलमशनाद्यास्वादितवन्तः सन्तः 'पक्खियंपोसहं पडिजागरमाणा विहरिस्सामो' त्ति पक्षे- अर्द्धमासि भवं पाक्षिकं 'पौषधम्' अव्यापारपौषधं 'प्रतिजाग्रतः ' अनुपा
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |